Amabala Angaphansi
a Khangela isihloko esithi “Questions From Readers” (Imibuzo Ebuzwa Ngabafundi) ku-Nqabayokulinda kaJuly 15, 1987, ikhasi 31.
ILIZWI LIKANKULUNKULU ALIBE YISIKHALI SAKHO EKUTSHUMAYELENI
21, 22. (a) Chaza ukuthi umbhalo okhethwe kuhle ungakuntshintsha njani ukuphila komuntu. (b) Kuyini ozimisele ukukusebenzisa ekutshumayeleni?
21 Ukubala umbhalo okhethwe kuhle kungamntshintsha umuntu. Ngokwesibonelo, oFakazi ababili abahlala e-Australia baqoqoda emnyango womunye umama. Omunye wabo wambuza wathi, “Uyalazi yini ibizo likaNkulunkulu?” wasembalela uHubo 83:18. Umama lo uthi, “Uyazi ngamangala! Bathi sebesukile ngathatha imota ngahamba amakhilomitha angu-56 ngisiya kwesinye isitolo samabhuku ukuze ngihlole ukuthi amanye amaBhayibhili alihumutsha njani ibizo leli, ngasengilikhangela kwesinye isichazamazwi. Ngathi sengikholiwe sibili ukuthi ibizo likaNkulunkulu nguJehova ngazibuza ukuthi pho kuyini okunye engingakwaziyo.” Ngemva kwalokho, yena lejaha ayezatshada lalo bahle baqalisa ukufunda iBhayibhili basebebhaphathizwa.
22 ILizwi likaNkulunkulu liyakuntshintsha ukuphila kwalabo abalibalayo besebekholwa ukuthi lokho uJehova asithembisa khona kuzagcwaliseka sibili. (Bala u-1 Thesalonika 2:13.) Umlayezo weBhayibhili usebenza kakhulu ukwedlula loba yini esingazama ukuyitsho nxa sifuna ukuthinta izinhliziyo zabantu. Yikho kumele sizame sibili ukusebenzisa iLizwi likaNkulunkulu zikhathi zonke ngoba liyaphila.