-
Impilo Yaqalisa Njani?Ungathokoza Kuze Kube Nini Lanini!—Ibhuku Elizakunceda Uzwisise IBhayibhili
-
-
3. Kuyini okwenza abantu bangafanani lezinyamazana?
UJehova waqala ngokudala umhlaba wasesenza izimila lezinyamazana. Ngemva kwalokho ‘wadala umuntu ngomfanekiso wakhe.’ (Bala uGenesisi 1:27.) Kuyini okwenza abantu bangafanani lezinyamazana? Kungenxa yokuthi senziwe ngomfanekiso kaNkulunkulu, okutsho ukuthi siyenelisa ukuba lobuntu obunjengobakhe. Lokhu yikho okwenza senelise ukuba lothando lokwahlulela kuhle. Siyenelisa lokufunda izindimi ezitshiyeneyo, ukukholisa umculo futhi siyathokoza nxa sibuka izinto ezinhle. Okunye njalo okwenza singafanani lezinyamazana yikuthi siyenelisa ukukhonza uMdali wethu.
-
-
Impilo Yaqalisa Njani?Ungathokoza Kuze Kube Nini Lanini!—Ibhuku Elizakunceda Uzwisise IBhayibhili
-
-
5. Izizatho ezenza sikholwe okutshiwo liBhayibhili mayelana lezinto ezidaliweyo
KuGenesisi isahluko 1, iBhayibhili lisitshela ngokudalwa komhlaba lakho konke okukuwo. Uyakuthemba yini lokho elikutshoyo kumbe ucabanga ukuthi yinganekwane nje? Bukelani IVIDIYO beselixoxa ngemibuzo elandelayo.
IBhayibhili lithi amalanga ayisithupha okudalwa kwezinto ayengamahola angu-24 yini?
Okukhulunywa liBhayibhili ngokudalwa kwezinto kulengqondo yini? Kungani usitsho njalo?
Bala uGenesisi 1:1 beselixoxa ngombuzo lo:
Abezesayensi bathi amazulu lomhlaba kwaba lesiqalo. Abakutshoyo kuhambelana njani lalokho osanda kukubala evesini le?
Abanye abantu bacabanga ukuthi uNkulunkulu wasebenzisa ukuzenzakalela kwemvelo ukuthi adale izinto ezikhona. Bala uGenesisi 1:21, 25, 27 beselixoxa ngemibuzo elandelayo:
IBhayibhili lifundisa ukuthi uNkulunkulu wadala into eyodwa yini lapho okwavela khona inhlanzi, lezinyamazana labantu? Kungani usitsho njalo?
-