4:10-15

Okwenza uMosi wanqoba ukwesaba yikuthi uJehova wayemsekela. Ungafundani endleleni uJehova ancedisa ngayo uMosi?

• Akumelanga uzikhathaze kakhulu ngongenelisi ukukwenza

• Ungathandabuzi ukuthi uJehova uzakuncedisa ukuthi wenze umsebenzi akunike wona

• Ukuba lokholo kuJehova kuzakunceda unqobe ukwesaba

Ngesikhathi uMosi ephiwa umsebenzi nguJehova, wacabanga ukuthi kasoze enelise ukuwenza. (Eks 4:10, 13) Uyake ucabange ukuthi awusoze wenelise ukwenza umsebenzi owuphiwe nguJehova yini? Nxa kuyikuthi usafunda iBhayibhili laboFakazi bakaJehova, uyazibuza ukuthi uzenelisa ukutshumayela endlini ngendlu yini? Ungosakhulayo olenhloni zokutshumayela esikolo yini? Uyesaba ukutshumayela obala kumbe ngefoni yini? Khuleka kuJehova umncenge ukuthi akunike umoya ongcwele. (1Pe 4:11) Ungathandabuzi ukuthi uzakuncedisa ukuthi wenze loba yiwuphi umsebenzi akunika wona.—Eks 4:11, 12.