ILizwi LikaNkulunkulu Liyasebenza Yini Empilweni Yakho?

Ukubala iBhayibhili nsuku zonke kuzasinceda ukuthi ‘sigxile njalo siqine ekukholweni.’ (Kol. 2:6, 7) Ukuze iLizwi likaJehova lisebenze empilweni zethu kumele sicabangisise ngesikufundayo besesikusebenzisa. (Heb. 4:12; Jak. 1:22-25) UJoshuwa 1:8 usitshela izindlela ezintathu ezingasisiza ukuze ukufunda kwethu kuphumelele: (1) Bala iLizwi likaNkulunkulu “emini lebusuku.” (2) ‘Cabanga ngalo.’ Lokhu kutsho ukunakana ngalokho oyabe ukubala njalo uzame ukukubona ngelihlo lengqondo okwakusenzakala ngalesosikhathi. (3) Kusebenzise ‘konke okulotshwe kulo.’ Ukuzimisela ukwenza konke lokhu kuzakunceda wenze izinqumo ezinhle njalo ‘uphumelele’ empilweni.