• ‘Owesifazana Oqotho’
    Lingisela Ukholo Lwabo

    • 7, 8. (a) UNawomi wayebona umusa kaBhowazi uvela kubani, njalo kungani wayebona njalo? (b) Kuyini okunye uRuthe akwenzayo okwakutshengisa ukuthi wayelothando oluqotho?

      7 Ingxoxo yathi isatsha uRuthe watshela uNawomi ukuthi uBhowazi wayemenzele umusa omkhulu. Lokhu kwamthokozisa uNawomi waze wathi: “UJehova kambusise! Kakuyekelanga ukutshengisa umusa wakhe kwabaphilayo lakwasebafayo.” (Ruthe. 2:20) Wayebona ukuthi umusa kaBhowazi wawuvela kuJehova ngoba nguye okhuthaza abantu abamkhonzayo ukuthi babe ngabaphanayo futhi uthembisa lokuthi uzabanika umvuzo nxa besiba lomusa kwabanye.a—Bala iZaga 19:17.

  • ‘Owesifazana Oqotho’
    Lingisela Ukholo Lwabo

    • a UNawomi wananzelela ukuthi uJehova ulomusa kwabaphilayo aphinde abe lomusa kwasebafayo. Wayefelwe ngumkakhe lamadodana akhe amabili. URuthe laye wayefelwe ngumkakhe. Akuthandabuzwa ukuthi abesifazana laba kanye lamadoda la womathathu babethandana kakhulu. Ngakho-ke nxa uNawomi loRuthe babesenzelwa umusa kwakufanana lokuthi wenzelwa amadoda la ayengafisa ukuthi abesifazana laba banakekelwe.

      b Ilungelo lokuthatha umfelokazi kukhanya laliqala liphiwe abafowabo bomuyi, besekulandela izihlobo eziseduze. Kwakufanana lokwakusenziwa nxa kusabiwa ilifa.—Nani. 27:5-11.

  • ‘Owesifazana Oqotho’
    Lingisela Ukholo Lwabo

    • 11, 12. (a) Lapho uNawomi etshela uRuthe ukuthi uBhowazi ‘wayengumhlengi’ wayekhuluma ngaluphi uhlelo olwaluseMthethweni kaNkulunkulu? (b) URuthe wathini ngalokho ayekutshelwa nguninazala?

      11 URuthe wathi eqamba ibizo likaBhowazi, uNawomi wahle wathi: “Indoda leyo iyisihlobo sethu esiseduze; ingomunye wezihlobo zethu ezingabahlengi.” (Ruthe. 2:20) Kwakusitshoni lokhu? UMthetho uNkulunkulu awunika abako-Israyeli wawulezinhlelo ezazitshengisa ukuthi wayezikhathalela izimuli ezazithwele nzima ngenxa yobuyanga kumbe ukufelwa. Nxa owesifazana engafelwa ngumkakhe engakabi lomntwana wayedabuka kakhulu enhliziyweni ngoba ibizo lomkakhe laliyahle litshabalale, lingazakali kuzizukulwane ezilandelayo. Kodwa uMthetho kaNkulunkulu wawuvumela umfowabo wendoda ukuthi athathe umfelokazi lo ukuze azale indlalifa eyayingakhulisa ibizo lomkakhe owayetshonile futhi ikhangele lempahla yemuli.b—Dute. 25:5-7.