5. UJehova ukhangelele ukuthi abangane bakhe benzeni?

Zikhona izinto esingafisa ukuzenzelwa ngabangane bethu.

• Yiziphi izinto ongafisa ukuthi abangane bakho bakwenzele zona?

Bala u-1 Johane 5:3 beselixoxa ngombuzo lo:

• Kuyini uJehova akhangelele ukuthi abangane bakhe bakwenze?

Kuqakathekile ukuthi sitshintshe indlela esiphila ngayo ukuze sithokozise uJehova. Bala u-Isaya 48:17, 18 beselixoxa ngombuzo olandelayo:

• Kungani uJehova esithi labo abafuna ukuba ngabangane bakhe kumele batshintshe indlela abaphila ngayo?

Ukufunda iBhayibhili sekukwenze wamthanda kakhulu yini uNkulunkulu? Uyafisa yini ukuqhubeka usondela kuye? Nxa uJehova engabona ukuthi umthanda ngenhliziyo yonke, laye uzahlala ekuthanda. Pho ungatshengisa njani ukuthi uyamthanda uJehova?

1. Singamtshengisa njani uJehova ukuthi siyamthanda?

Sitshengisa ukuthi siyamthanda uJehova ngokumlalela. (Bala u-1 Johane 5:3.) UJehova kasibambi ngamandla ukuthi simlalele kodwa ufuna ngamunye wethu azikhethele ukuthi uzamlalela yini loba hatshi. Kungani engasibambi ngamandla? Ngoba ufuna ‘simlalele ngenhliziyo yonke.’ (KwabaseRoma 6:17, amabala angaphansi) Lokhu kutsho ukuthi uJehova ufuna simlalele ngoba simthanda. Ingxenye 3 lo-4 zebhuku leli zizakunceda ukuthi umthande uJehova ngokwenza okumthokozisayo langokubalekela izinto azizondayo.

2. Kuyini okungenza kube nzima ukutshengisa uJehova ukuthi siyamthanda?

“Zinengi inhlupho ezingehlela umuntu olungileyo.” (IHubo 34:19) Ezinye inhlupho zibangelwa yisono esilaso, ukuswela imali, ukungaphathwa kuhle loba obunye nje ubunzima. Nxa siphakathi kwenhlupho kungaba nzima ukwenza okuthokozisa uJehova. Phela kulula ukwenza okubi ikanti kungumqanso ukwenza okuhle. Kodwa nxa ungazimisela ukwenza okuthokozisa uJehova uyabe utshengisa ukuthi umthanda ukwedlula loba yini lokuthi uthembekile kuye. Ungenza njalo laye uzaqhubeka ethembekile kuwe futhi kasoze akutshiye.—Bala u-2 Samuyeli 22:26.

4. Thokozisa uJehova

Bala iZaga 27:11 beselixoxa ngemibuzo elandelayo:

• UJehova uzwa njani nxa simlalela futhi sitshengisa ukuthi sihlakaniphile? Kungani kumthokozisa lokho?

5. Ungenelisa ukuhlala uthembekile kuJehova

IVIDIYO: Vikela Ukholo Lwakho Lanxa Uphikiswa (5:09)

• Kuyake kukuthwalise nzima yini ukutshela abanye abantu ngoJehova?

• Kuyini okwanceda uDube ukuthi anqobe ukwesaba?

Ukuthanda lokho uJehova akuthandayo lokuzonda lokho akuzondayo kuzasinceda ukuthi sihlale sithembekile kuye. Bala iHubo 97:10 beselixoxa ngemibuzo le:

• Ngokwalokho osukufundile ngoJehova, kuyini akuthandayo njalo kuyini akuzondayo?

• Kuyini okumele ukwenze ukuze uthande okulungileyo njalo uzonde okubi?

6. Ukulalela uJehova kuyasinceda

Ukulalela uJehova kuyasinceda zikhathi zonke. Bala u-Isaya 48:17, 18 beselixoxa ngemibuzo elandelayo:

• Ubona angani esikutshelwa nguJehova kuyasinceda yini? Kungani usitsho njalo?

• Ukufunda okunengi ngoJehova uNkulunkulu weqiniso sekukuncede njani?

ISIFINQO

Sitshengisa ukuthi siyamthanda uJehova ngokumlalela langokuhlala sithembekile kuye nxa sihlangana lenhlupho.

Ufundeni?

• Ufundeni kulokho okwenzakala kuJobe?

• Uzatshengisa njani ukuthi uyamthanda uJehova?

• Kuyini okuzakunceda ukuthi uhlale uthembekile kuJehova?

THOLA OKUNENGI

Bukela ividiyo le ubone ukuthi ungenzani ukuze ubeqotho kuJehova lakubafowethu labodadewethu.

“Koqotho Uzaziveza Uqotho” (16:49)

Bala isihloko lesi uzwe ukuthi uSathane wabamangalela esithini abantu.

“UJobe Wahlala Eqotho” (IBhayibhili Likhuluma Ngani? ingxenye 6)

Bukela ividiyo le ukuze ubone ukuthi abantwana bangatshengisa njani ukuthi bayamthanda uJehova.

Thokozisa UJehova (8:16)

Bukela ividiyo le ubone ukuthi kuyini okunganceda abasakhulayo ukuthi bahlale beqotho kuJehova lanxa beyengwa ngabanye.

Ungavumi Ukuyengwa Ngontanga (3:59)

Sonke kumele senze izinqumo futhi ezinye zakhona zingasinceda kumbe zisizwise ubuhlungu, ikanti ezinye zingaphambanisa ubungane bethu loJehova. Ngokwesibonelo, kumele sikhethe ukuthi sizahlala ngaphi, sizakwenza msebenzi bani lokuthi sizatshada yini loba hatshi. Nxa singakhetha kuhle sizathokoza njalo sithokozise loJehova.

1. IBhayibhili lingakunceda njani ukuthi ukhethe kuhle?

Ungakenzi loba yisiphi isinqumo, thandaza kuJehova njalo uhlolisise ukuthi iBhayibhili lithini ngalokho ofuna ukukwenza. (Bala iZaga 2:3-6.) Amanye amavesi aseBhayibhilini ahle asitshele ukuthi uJehova ufuna senzeni futhi ukulandela lokho asitshela khona kuyasinceda.

Kodwa uJehova uzakuncedisa njani nxa eBhayibhilini kungelamthetho otshoyo ukuthi kumele wenzeni? Uzakutshengisa ‘indlela okufanele uhambe ngayo’ esebenzisa izimiso eziseLizwini lakhe iBhayibhili. (U-Isaya 48:17) Kodwa kuyini isimiso? Isimiso liqiniso elingatshintshiyo elitshengisa indlela uNkulunkulu abona ngayo izindaba ezitshiyeneyo. Ezinye izindaba eziseBhayibhilini zilezimiso ezisinceda sizwisise ukuthi uNkulunkulu uthini ngendaba ethile. Nxa singazwisisa ukuthi uJehova uyibona njani indaba ethile, sizakhetha ngendlela ezamthokozisa.

2. Kuyini okumele ucabangisise ngakho ungakenzi loba yisiphi isinqumo?

IBhayibhili lithi: ‘Umuntu okhaliphileyo uyacabangisisa ngawo wonke amanyathelo akhe.’ (IZaga 14:15) Lokhu kutsho ukuthi kumele siqale sicabangisise ngalokho esifuna ukukwenza. Zibuze ukuthi: ‘IBhayibhili lithini ngalokho engifuna ukukukhetha? Angisoze ngizisole yini ngesinqumo lesi? Engikukhethayo kuzabaphatha njani abanye? Kuzamthokozisa yini uJehova?’—UDutheronomi 32:29.

UJehova nguye olelungelo lokusitshela ukuthi yikuphi okuhle lokubi. Yikho ukwazi izimiso lemithetho yakhe kanye lokuzimisela ukuyilandela kuzasinceda ukuthi siqeqetshe umzwangedwa wethu. Umzwangedwa yilokho esikuzwa ngaphakathi okusinceda sehlukanise okuhle lokubi. (KwabaseRoma 2:14, 15) Umzwangedwa ofundiswe kuhle uzasinceda ukuthi sikhethe kuhle.

GEBHA UJULE

3. Vuma ukuqondiswa liBhayibhili

IVIDIYO: Vuma Ukuqondiswa Yizimiso ZeBhayibhili (5:54)

• Yisiphi isipho esiligugu esisiphiwe nguJehova?

• Kungani uJehova esinike inkululeko yokuzikhethela?

• Kuyini asinike khona okusinceda senelise ukuyisebenzisa kuhle inkululeko yethu yokuzikhethela?

Bala u-Efesu 5:15, 16 ukuze ubone esinye isimiso esiseBhayibhilini. Ngemva kwalokho xoxani ngokuthi ungasisebenzisa njani isimiso lesi ukuze . . .

• uthole isikhathi sokubala iBhayibhili nsuku zonke.

• uthuthukise indlela ophatha ngayo abanye emulini kungelani lokuthi ungumzali kumbe ungumntwana.

• ungene imihlangano yebandla.

4. Fundisa umzwangedwa wakho ukuze ukuncede ukhethe kuhle

IVIDIYO: “Hlalani Lilomzwangedwa Omuhle” (5:13)

• Kuyini okwenziwe ngudadewethu esimbone kuvidiyo ukuze aqeqetshe umzwangedwa wakhe njalo akhethe ngendlela ethokozisa uJehova?

Kungani kungamelanga sicele abanye ukuthi basenzele izinqumo? Bala uHebheru 5:14 beselixoxa ngemibuzo le:

• Lanxa kulula ukucela abanye ukuthi basenzele izinqumo, kuyini okumele sizifundise khona?

• Kuyini ongakusebenzisa ukuze ufundise umzwangedwa wakho?

5. Cabanga ngemizwangedwa yabanye

Abantu batshiyene yikho besenza izinqumo ezitshiyeneyo. Singatshengisa njani ukuthi silendaba lemizwangedwa yabanye? Ake sixoxe ngezibonelo ezimbili:

Isibonelo sokuqala: Udadewethu othanda ukuzicomba uthuthela ebandleni elilabodadewethu abaphatheka kubi nxa bebona umuntu othanda ukuzicomba.

Bala uRoma 15:1 lo-1 Khorinte 10:23, 24 beselixoxa ngemibuzo elandelayo:

• Ngemva kokucabangisisa ngamavesi lawa, udadewethu lo angakhetha ukwenzani? Uzakwenzani nxa kulomuntu ongakhubeka ngenxa yento umzwangedwa wakho okuvumela ukuthi uyenze?

Isibonelo sesibili: Lanxa umfowethu ekwazi ukuthi akukubi ukunatha utshwala, yena ukhetha ukungabuthinti. Uthi enxuswe komunye umbuthano abone abafowethu benatha.

Bala umTshumayeli 7:16 loRoma 14:1, 10 beselixoxa ngemibuzo le:

• Ngemva kokucabangisisa ngamavesi lawa, umzalwane lo angakhetha ukwenzani? Uzakwenzani nxa ungabona umuntu esenza into umzwangedwa wakho ongakuvumeliyo ukuthi uyenze?

Okuzakunceda ukuthi ukhethe kuhle

1. Thandaza kuJehova umcele akuncedise ukuthi ukhethe kuhle.—UJakhobe 1:5.

2. Hlolisisa okutshiwo liBhayibhili lamabhuku adindwe yinhlanganiso yethu ukuze uthole izimiso ongazisebenzisa. Ungacela lokuthi amaKhristu aqinileyo ekukhonzeni akucebise.

3. Cabangisisa ngokuthi awusoze uzisole yini ngesinqumo sakho lokuthi sizabaphatha njani abanye.

ISIFINQO

Okuzasinceda ukuthi sikhethe kuhle yikuzibuza ukuthi esikukhethayo kuzamthokozisa yini uJehova lokuthi kuzabaphatha njani abanye.

Ufundeni?

• Kuyini okuzakunceda ukuthi wenze izinqumo ezithokozisa uJehova?

• Ungawuqeqetsha njani umzwangedwa wakho?

• Ungatshengisa njani ukuthi ulendaba lemizwangedwa yabanye?

THOLA OKUNENGI

Bala isihloko lesi ubone okuzakunceda ukuthi wenze izinqumo ezizakwenza uqhubeke ungumngane kaJehova.

“Khetha Ngendlela Ezathokozisa UNkulunkulu” (INqabayokulinda, April 15, 2011)

Bukela ividiyo le ukuze ufunde okunengi ngokuthi uJehova ubakhokhela njani abantu bakhe.

UJehova Uyabakhokhela Abantu Bakhe (9:50)

Bukela ividiyo le ubone ukuthi kuyini okwanceda eyinye indoda ukuthi ikhethe kuhle.

UJehova Uyakugcwalisa Konke Asithembisa Khona (5:46)

Bala isihloko lesi ubone ukuthi ungazenza njani izinqumo ezithokozisa uJehova lanxa kungelamthetho oseBhayibhilini.

“Ungenelisa Ukwenza Izinqumo Ezinhle Lanxa Kungelamthetho OseBhayibhilini” (INqabayokulinda, December 1, 2003)