• Basekele Odade Abasebandleni Lenu
    INqabayokulinda (Efundwayo)—2020 | September
    • UJesu uhlezi phansi efundisa. UMatha loMariya bahlezi enyaweni zakhe futhi bamlalele. Umfanekiso: 1. Indoda lomkayo bavakatshele udade osekhulile njalo ogulayo. Indoda ikhuluma laye ngapha umkayo upakitsha izinto ezithengiweyo. 2. Indoda lomkayo benza ukukhonza kwemuli lomunye udade lendodakazi yayo. 3. Umfowethu uncedisa odade ababili ukutshintsha ivili lemota.

      Kumele silingisele uJesu sitshengise ukuthi silendaba labodadewethu abathembekileyo (Khangela indima 6-9)f

      6. Ngokwalokho okutshiwo kuLukha 10:38-42, uJesu wamnceda njani uMatha loMariya?

      6 UJesu wayezinika isikhathi sokuba labesifazana ababekhonza uNkulunkulu futhi wayengumngane omuhle kubo. Ngokwesibonelo, wayengumngane kaMariya loMatha okungenzakala babengatshadanga. (Bala uLukha 10:38-42.) Amazwi kaJesu lalokho ayekwenza kwakusenza bakhululeke ukuba laye. UMariya waze wakhululeka ukuhlala enyaweni zakhe njengalokho okwakusenziwa ngumfundi.c UMatha yena wakhululeka ukutshela uJesu ayekucabanga ngesikhathi ezondele ukuthi uMariya wayengamncedisi ukulungisa ukudla. UJesu wabancedisa bobabili ukuthi bafunde izifundo eziqakathekileyo. Kanti njalo watshengisa ukuthi ulendaba labo kanye lomnewabo uLazaro ngokubavakatshela langezinye izikhathi. (Joh. 12:1-3) Yikho uLazaro wathi esegula kakhulu, uMariya loMatha babekwazi ukuthi bangacela uJesu abancede.—Joh. 11:3, 5.