OFakazi BakaJehova NgamaKhristu Eqiniso Yini?

OFakazi bakaJehova bakholwa ukuthi bangamaKhristu eqiniso. Kungani? Sikuthatha ngaphi esikukholwayo? Kungani sisithi singoFakazi bakaJehova? Sitshengisa njani ukuthi siyabathanda abanye?

1. OFakazi bakaJehova bakuthatha ngaphi abakukholwayo?

UJesu wathi: “Ilizwi [likaNkulunkulu] liliqiniso.” (UJohane 17:17) OFakazi bakaJehova bakholwa okutshiwo liBhayibhili njengoJesu. Ngeminyaka yabo-1870 kuleqembu labantu abathile elaqalisa ukuhlolisisa okufundiswa liBhayibhili. Abantu laba babezimisele ukulandela okuseBhayibhilini lanxa kwakutshiyene lokwakufundiswa emasontweni. Baqalisa lokufundisa abanye iqiniso ababelithola eBhayibhilini.a

2. Kungani sisithi singoFakazi bakaJehova?

Izinceku zikaJehova zifundisa abanye iqiniso ngaye, yikho uJehova esithi zingofakazi bakhe. (KumaHebheru 11:4–12:1) UNkulunkulu watshela abantu bakhe wathi: “Lingofakazi bami.” (Bala u-Isaya 43:10.) IBhayibhili lithi uJesu ‘nguFakazi Othembekileyo.’ (ISambulo 1:5) Yikho kusukela ngo-1931 saqalisa ukubizwa ngebizo elithi oFakazi bakaJehova futhi kuyasithokozisa kakhulu ukubizwa ngalo.

3. OFakazi bakaJehova bamlingisela njani uJesu?

UJesu wayebathanda kakhulu abalandeli bakhe okokuthi wayebabona beyizihlobo zakhe. (Bala uMakho 3:35.) LaboFakazi bakaJehova bayimuli eyodwa yikho bebizana ngokuthi mfowethu kumbe dadewethu. (KuFilimoni 1, 2) Siwulalela ngenhliziyo yonke umlayo othi: “Lithande bonke abazalwane.” (1 UPhetro 2:17) Zinengi indlela oFakazi bakaJehova abatshengisa ngazo ukuthi bayathandana. Ngokwesibonelo, bayancedisana nxa bephakathi kobunzima kungelani lokuthi bangaphi kwendawo.

GEBHA UJULE

4. Sikholwa okufundiswa liBhayibhili

UJehova wathi abantu babezazwisisa iqiniso eliseBhayibhilini kancane kancane. Bala uDanyeli 12:4 beselixoxa ngombuzo lo:

• Ukuhlolisisa okufundiswa liBhayibhili kwenze abantu bakaNkulunkulu batholani?

UCharles Russell wayengomunye wabafundi beBhayibhili. Bukelani IVIDIYO ukuze ubone ukuthi yena labanye bakhe babesenzani ukuze bazwisise okuseBhayibhilini. Ngemva kwalokho xoxani ngombuzo olandelayo.

IVIDIYO: Indlela Iqiniso EliseBhayibhilini Elavunjululwa Ngayo (7:45)

• UCharles Russell labanye bakhe babesenzani ukuze bazwisise okuseBhayibhilini?

Ubukwazi yini?

Ngezinye izikhathi siyake silungisise indlela esizwisisa ngayo okuseBhayibhilini. Kungani? Phela nxa ilanga liphuma liyabe lilokhu likhanyisa kancane kancane, ngendlela efananayo uNkulunkulu wenza sizwisise iqiniso eliseBhayibhilini kancane kancane. (Bala iZaga 4:18.) Iqiniso eliseBhayibhilini alitshintshi kodwa siyalungisisa esikukholwayo nxa indlela esizwisisa ngayo iMibhalo ingacaciswa.

5. Senza khona kanye okutshiwo libizo lethu

IVIDIYO: Ibizo Elitshengisa Lokho Esiyikho (2:40)

• Kungani kuqondile ukuthi sibizwe ngebizo leli?

UJehova ukhethe abantu ukuthi babe ngofakazi bakhe ukuze benze iqiniso ngaye laziwe. Phela sekufundiswe amanga amanengi ngoNkulunkulu, yikho kumele abantu balazi iqiniso. Yiwaphi amanye amanga afundiswayo?

Amanye amasonto afundisa ukuthi uNkulunkulu ufuna kusetshenziswe izithombe ekumkhonzeni. Bala uLevi 26:1 beselixoxa ngemibuzo le:

• IBhayibhili lithini ngendaba le? UJehova uzwa njani nxa abantu besebenzisa izithombe?

Abanye abakhokheli bamasonto bafundisa ukuthi uJesu nguNkulunkulu. Bala uJohane 20:17 beselixoxa ngemibuzo elandelayo:

• IBhayibhili lithini ngendaba le? UJesu nguNkulunkulu yini?

• Uzwa njani ngokuthi uJehova uthume oFakazi bakhe ukuthi bafundise iqiniso ngaye langeNdodana yakhe?

6. Siyathandana

IBhayibhili lifanisa amaKhristu eqiniso lezitho zomzimba ezitshiyeneyo. Bala u-1 Khorinte 12:25, 26 beselixoxa ngemibuzo elandelayo:

• AmaKhristu eqiniso kumele enzeni nxa amanye amaKhristu esebunzimeni?

• Kuyini oyake ukubone okutshengisa ukuthi oFakazi bakaJehova bayathandana?

Nxa abanye oFakazi bakaJehova bangehlelwa ngumonakalo kweyinye indawo abanye babo bayancedisa kungelani lokuthi bangaphi. Bukelani IVIDIYO ukuze ubone isibonelo salokhu. Ngemva kwalokho xoxani ngombuzo olandelayo.

IVIDIYO: Abazalwane BeHaiti Bama Baqina Ngesikhathi Sesiphepho (5:29)

• Indlela oFakazi bakaJehova abancedisa ngayo ngesikhathi somonakalo itshengisa njani ukuthi balothando?

ISIFINQO

OFakazi bakaJehova ngamaKhristu eqiniso. Siyimuli eyodwa, sikholwa esikufunda eBhayibhilini njalo sifundisa abanye iqiniso ngoJehova.

Ufundeni?

• Kuyini okwenza saqalisa ukusebenzisa ibizo elithi oFakazi bakaJehova?

• OFakazi bakaJehova baphathana njani?

• Ucabanga ukuthi oFakazi bakaJehova ngamaKhristu eqiniso yini?

THOLA OKUNENGI

Bukela ividiyo le uzwe okunengi ngembali yethu.

OFakazi BakaJehova Balokholo Olukhanya Ngemisebenzi, Ingxenye 1: Baphuma Emnyameni (1:00:53)

Bukela ividiyo le ubone ukuthi oFakazi bakaJehova bawaveze njani amanga afundiswa emasontweni.

Abantu BakaNkulunkulu Badumisa Ibizo Lakhe (7:08)

Bala isihloko lesi ukuze uthole izimpendulo zemibuzo ongabe ulayo mayelana laboFakazi bakaJehova.

“Imibuzo Ejayele Ukubuzwa Ngabantu Mayelana LaboFakazi BakaJehova” (Ikhasi elikuwebhusayithi yethu)

UStephen wayezonda masinyane futhi elodlakela. Bala isihloko lesi uzwe ukuthi wabonani kuboFakazi bakaJehova okwamenza watshintsha.

“Impilo Yami Yaqhubeka Isibambi Kakhulu” (INqabayokulinda, July 1, 2015)