3. OFakazi bakaJehova bamlingisela njani uJesu?

UJesu wayebathanda kakhulu abalandeli bakhe okokuthi wayebabona beyizihlobo zakhe. (Bala uMakho 3:35.) LaboFakazi bakaJehova bayimuli eyodwa yikho bebizana ngokuthi mfowethu kumbe dadewethu. (KuFilimoni 1, 2) Siwulalela ngenhliziyo yonke umlayo othi: “Lithande bonke abazalwane.” (1 UPhetro 2:17) Zinengi indlela oFakazi bakaJehova abatshengisa ngazo ukuthi bayathandana. Ngokwesibonelo, bayancedisana nxa bephakathi kobunzima kungelani lokuthi bangaphi kwendawo.

6. Ukubhabhathizwa kwenza ube lilunga lemuli kaJehova

Nxa ungabhabhathizwa uba lilunga lemuli emanyeneyo esemhlabeni wonke. Bonke oFakazi bakaJehova bakholwa izinto ezifananayo futhi baziphatha ngendlela efananayo kungelani lokuthi bahlala ngaphi lokuthi bakhuliswe njani. Bala uJakhobe 2:23 lo-1 Phetro 2:17 beselixoxa ngombuzo olandelayo:

• Ukubhabhathizwa kunceda ngani?

Nxa siphakathi kwabafowethu labodadewethu sizwa njengeNkosi uDavida eyathi: “Khangela ukuthi kuhle kangakanani lokuthi kumnandi njani ukuthi abazalwane bahlale ndawonye bemanyene!” (IHubo 133:1) Ngamunye wethu kukhona okumele akwenze ngoba ukumanyana lokhu akuzenzakaleli.

1. Kuyini okwenza abantu bakaNkulunkulu bamanyane?

Nxa ungangena imihlangano yethu kwelinye ilizwe awusoze uzizwe ulahlekile lanxa kukhulunywa ulimi ongaluzwayo. Lokhu kubangelwa yikuthi oFakazi bakaJehova balothando njalo bafunda izinto ezifananayo kungelani lokuthi bahlala ngaphi. Kanti njalo bonke ‘babiza ibizo likaJehova’ futhi ‘bamkhonza bemanyene.’—UZefaniya 3:9.

2. Ungenzani ukuze kuhlale kulokuthula?

“Thandanani kakhulu ngenhliziyo yonke.” (1 UPhetro 1:22) Ungayisebenzisa njani ivesi le? Kulokuthi ukhangele amaphutha abanye, zama ukubona okuhle abakwenzayo. Jayelana labafowethu labodadewethu abatshiyeneyo, hatshi labo abathanda izinto ozithandayo kuphela. Kanti njalo zama ngamandla wonke ukulwisana laloba yiluphi ubandlululo ongabe ulalo.—Bala u-1 Phetro 2:17.a

3. Kumele wenzeni nxa kulokungazwanani phakathi kwakho lomunye ebandleni?

Lanxa simanyene, sonke siyake siphambanise. Ngezinye izikhathi siyake senze izinto ezizwisa abanye ubuhlungu kumbe ezibacaphulayo. Lokhu yikho okwenza iLizwi likaNkulunkulu lithi: “Qhubekani . . . lithethelelana . . . Njengoba nje uJehova walithethelela ngenhliziyo yonke, lani kufanele lenze njalo.” (Bala uKholose 3:13.) Simphambanisela kanengi uJehova kodwa uyasithethelela. Yikho ukhangelele ukuthi lathi sibathethelele abanye. Nxa ungananzelela ukuthi okwenzileyo kuzwise omunye ubuhlungu, zama ukuyilungisa masinyane indaba yakhona.—Bala uMathewu 5:23, 24.b

GEBHA UJULE

4. Lwisana lobandlululo

Kumele sibathande bonke abafowethu labodadewethu. Kodwa engxenye kukuthwalisa nzima ukuthanda abafowethu beminye imihlobo. Kuyini okungakunceda nxa kunjalo? Bala imiSebenzi 10:34, 35 beselixoxa ngemibuzo elandelayo:

• UJehova kakhethi kodwa wamukela bonke abantu abafuna ukuba ngoFakazi bakhe. Ubona angani kumele ubaphathe njani abantu beminye imihlobo?

• Kuyini okwenza abantu babandlululane endaweni ohlala kuyo? Kungani kungamelanga wenze njengabo?

Bala u-2 Khorinte 6:11-13 beselixoxa ngombuzo lo:

• Ubona angani ungenzani ukuze uthande abafowenu labodadewenu beminye imihlobo?

5. Zimisele ukuthethelela abanye lokwenza ukuthi kube lokuthula

UJehova uyasithethelela ngenhliziyo yonke lanxa engasoze adinge ukuthi lathi simthethelele ngelinye ilanga. Bala iHubo 86:5 beselixoxa ngemibuzo le:

• Ivesi le isifundisani ngoJehova?

• Uzwa njani ngokuthi uJehova uyakuthethelela?

• Kuyini okungaphambanisa ukuthula okusebandleni?

Singamlingisela njani uJehova ukuze siqhubeke simanyene labafowethu labodadewethu? Bala iZaga 19:11 beselixoxa ngombuzo olandelayo:

• Kumele wenzeni nxa omunye umuntu angakucaphula kumbe akuzwise ubuhlungu?

Sonke siyake sibaphambanisele abanye. Kumele senzeni nxa kungenzakala lokhu? Bukelani IVIDIYO beselixoxa ngombuzo olandelayo.

IVIDIYO: Ukuxolisana Kuletha Isibusiso (6:01)

• Kuyini okwenziwe ngudadewethu ukuze kube lokuthula?

6. Khangela okuhle okwenziwa ngabafowethu labodadewethu

Nxa singabajayela abafowethu labodadewethu sizabona ubuntu babo obuhle lanxa kwezinye izikhathi sizabona lamaphutha abo. Manje kuyini okungasinceda ukuthi singagxili emaphutheni abo? Bukelani IVIDIYO beselixoxa ngombuzo olandelayo.

IVIDIYO: Qhubeka Uthuthukisa Ubuntu Bakho (5:10)

• Kuyini okungakunceda ukuthi ubone okuhle okwenziwa ngabafowenu labodadewenu?

UJehova ukhangela okuhle kithi. Bala u-2 ImiLando 16:9a beselixoxa ngombuzo lo:

• Uzwa njani ngokuthi uJehova uhlala ekhangela okuhle kuwe?

ISIFINQO

Nxa ungumuntu othethelelayo futhi ubathanda abafowethu labodadewethu, uzakwenza ukuthi kuhlale kulokuthula ebandleni.

Ufundeni?

• Kuyini okungakunceda ukuthi ulwisane lobandlululo?

• Kumele wenzeni nxa kulokungazwanani phakathi kwakho lomunye ebandleni?

• Kungani ufuna ukulingisela uJehova endabeni yokuthethelela abanye?

THOLA OKUNENGI

Bukela ividiyo le ubone ukuthi omunye umzekeliso kaJesu ungasifundisani endabeni yokwahlulela abanye.

Lungisa Amaphutha Akho Kuqala (6:56)

Bala isihloko lesi ukuze ubone ukuthi kumele uxolise yini lanxa ucabanga ukuthi ayisuwe ophambanisileyo.

“Ukuxolisa Kwenza Kube Lokuthula” (INqabayokulinda, November 1, 2002)

Bukela ividiyo le ubone okwenziwe ngabanye ukuze bangabandlululi.

Ungahluleli Ngalokho Okubona Ngamehlo (5:06)

Bala isihloko lesi uzwe ukuthi zingalungiswa njani izingxabano kungaphambanisekanga ukuthula okusebandleni.

“Lungisani Izingxabano Ngothando” (INqabayokulinda, May 2016)