Umthandazo Wokubonga

1. Jehova ufanel’ uk’dunyiswa,

S’khuleka kuwe Mbusi omkhulu.

Uyayizwa im’thandazo yethu,

Siyakubonga ngothando lwakho.

S’yaphambanisa zonke iz’khathi;

Sicel’ us’xolel’ izono zethu.

Was’thenga ngegazi leNdodana.

Sifisa ukufundiswa nguwe.

2. Bayathokoza obanxusela

Emagumeni akho ok’khanya.

S’cel’ us’khokhele ngeLizwi lakho.

Sifun’ ukuhlal’ endlini yakho.

Ulamandla amangalisayo,

Upha inceku zakho is’bindi.

UMbuso wakho s’yawudumisa.

S’tshumayele ngawo kubo bonke.

3. S’cela wandis’ intokozo yethu;

Kabazi ngawe umhlaba wonke.

UMbuso wakho ulokulunga,

Uzaqed’ ukufa lokukhala.

INdodana izaqed’ ububi;

Indalo yonke izathokoza.

Imemeze ibonga isithi:

“Dumisan’ uJehova iNkosi!”