ISIPHALA SEZINGWALO ESIKU-INTHANETHI seWatchtower
ISIPHALA SEZINGWALO ESIKU-INTHANETHI
seWatchtower
Ndebele (Zimbabwe)
  • IBHAYIBHILI
  • AMABHUKU
  • IMIHLANGANO YEBANDLA
  • ypq umbuzo 7 kk. 21-23
  • Ngingenzani Nxa Ngiyengwa Ukuthi Ngiye Emacansini?

Akulavidiyo yalokho okukhethileyo.

Uxolo, sehlulekile ukudlala ividiyo oyidingayo.

  • Ngingenzani Nxa Ngiyengwa Ukuthi Ngiye Emacansini?
  • Izimpendulo Zemibuzo Engu-10 Ebuzwa Ngabasakhulayo
  • Okuhambelana Lokudingayo
  • Ungavumi Ukuyengwa Ukuthi Uye Emacansini
    Imibuzo Ebuzwa Ngabasakhulayo
  • Ngingenzani Ukuze Ngingahlali Ngicabanga Ngezemacansini?
    Imibuzo Ebuzwa Ngabasakhulayo
Izimpendulo Zemibuzo Engu-10 Ebuzwa Ngabasakhulayo
ypq umbuzo 7 kk. 21-23
Intombazana iyala ukuya emacansini lejaha elithile

UMBUZO 7

Ngingenzani Nxa Ngiyengwa Ukuthi Ngiye Emacansini?

KUNGANI KUQAKATHEKILE?

Ikusasa lakho lizakuba lihle kumbe libe libi kusiya ngezinqumo ozenzayo mayelana lezemacansini.

KUNGUWE UBUZAKWENZANI?

Cabanga ngesimo lesi: Sekulezinyanga ezimbili kuphela uSisa loSibusiso bethandana kodwa sebehlanyisana. Batshona bethumezelana imilayezo njalo bexoxa okwesikhathi eside efonini. Sebejayelene kakhulu, kodwa uSibusiso sefuna bachaphele kwelinye ibanga.

Okwezinyanga ezimbili ezidlulileyo, uSisa loSibusiso bebebambana izandla futhi beqabujana kancane. USisa kafuni ukuthi kudlulele ngale kwalokhu. Kodwa ubona angani uSibusiso angamala nxa angayala ukulala laye. USisa uzitshela ukuthi, ‘USibusiso nguye yedwa ongenza ngizizwe ngimuhle futhi ngiqakathekile. Phela vele mina loSibusiso sisemathandweni . . . ’

Asithi usukhulile okokuthi usungathandana lothile, ubuzakwenzani ngabe usesimeni esinjengesikaSisa?

QALA UCABANGE!

Isigqoko sisetshenziswa ukuhlikihla idoti

Ukuya emacansini kuyisipho uNkulunkulu asiphe abatshadileyo kuphela. Uyabe usitshaphaza isipho leso nxa ungaya emacansini ungakatshadi. Kufanana lokuthatha isigqoko esihle osiphiweyo uhlikihle ngaso idoti

Kulemithetho yemvelo efanana lowamandla adonsela phansi, ngakho uyabe uziyenga nxa ungeqa endaweni ephezulu uzitshela ukuthi awusoze uyetshayelela phansi. Kuyafanana lokwephula imithetho kaNkulunkulu ephathelane lezemacansini, efanana lalo othi: “Lixwaye ukuxhwala kobufebe.”—1 KwabaseThesalonika 4:3.

Yiyiphi impumela engaba khona nxa ungephula umthetho lowo? IBhayibhili lithi: “Lowo owenza isono sobufebe wenza isono emzimbeni wakhe.” (1 KwabaseKhorinte 6:18) Yibuphi ubufakazi obutshengisa ukuthi amazwi la aliqiniso?

Ukuchwayisisa okwenziweyo kuveze impumela emibi ejayele ukuba khona nxa abasakhulayo besiya emacansini bengakatshadi.

  • UKUZISOLA. Abasakhulayo abanengi asebeke baya emacansini bengakatshadi bathi bazisola kakhulu sebekwenzile.

  • UKUNGATHEMBANI. Nxa abathandanayo sebelele bonke, ngamunye wabo angazibuza ukuthi, ‘Mina ngingowesingaki ukulala laye?’

  • UKUDANA. Amankazana amanengi afisa ukuthandana lomfana ozabavikela hatshi ofuna ukugcwalisa izifiso zakhe ngokulala labo. Ikanti labafana abanengi kabafisi ukuthandana lenkazana elibele lendlela.

  • Okuqakathekileyo okungamelanga ukukhohlwe: Nxa ungalala lomuntu ungakatshadi, uyabe uzitshaphaza futhi ulahlela khatshana into eligugu. (KwabaseRoma 1:24) Umzimba wakho uligugu kakhulu, akumelanga uwutshaphaze.

Tshengisa ukuthi awusiye thathekile ‘ngokuxwaya ukuxhwala kobufebe.’ (1 KwabaseThesalonika 4:3) Nxa ungatshada uzabe usukhululekile ukuya emacansini. Uzakukholisa ukuya emacansini ngoba uyabe ukwazi ukuthi wenza okuqondileyo futhi ungasakhathazeki ngempumela emibi yokuya emacansini ungakatshadi.—IZaga 7:22, 23; 1 KwabaseKhorinte 7:3.

UNGAPHENDULA USITHINI?

  • Kambe umuntu okuthandayo sibili angakutshaphaza?

  • Kambe umuntu olendaba lawe sibili angakuyenga ukuthi wonele uJehova?​—KumaHebheru 13:4.

OKWAMANKAZANA KUPHELA

Intombazana ihlezi njalo iyacabanga

Abafana abanengi bathi kabafuni ukutshada lenkazana asebeke balala layo ngenxa yokuthi bafuna intombi egcweleyo.

Nxa lokhu kukumangalisa kumbe kukucaphula khumbula lokhu: Amafilimu lezinhlelo ze-TV zenza kukhanye angani abasakhulayo abaya emacansini bayazikholisela njalo bayathandana okweqiniso.

Ungabi yisithutha! Labo abakuyenga ukuthi uye emacansini labo kabalandaba lawe, bayabe bezifunela okwabo.​—1 KwabaseKhorinte 13:4, 5.

OKWABAFANA KUPHELA

Umfana osakhulayo uhlezi njalo uyacabanga

Nxa kulomuntu othandana laye, zibuze, ‘Ngiyayithanda yini intombi yami? Nxa ngiyithanda, ngingayitshengisa njani?’ Ngokulandela imithetho kaNkulunkulu, ngokuxwaya izimo ezingenza ngicine ngisiya emacansini layo langokuba lendaba layo.

Nxa ungenza njalo, intombi yakho izakuthanda kakhulu njalo izazizwa ngendlela umShulamithi owayeziphethe kuhle azizwa ngayo ngejaha lakhe. Wathi: “Usithandwa sami ngowami lami ngingowakhe.” (INgoma Yezingoma 2:16)

NANTI ICEBO

Nxa othile angathi, “Nxa ungithanda uzavuma ukulala lami,” ungatshoni umbhoda, wothi, “Lawe nxa ungithanda awusoze uthi ngilale lawe!”

Amajaha lezintombi kufanele aphathane njani? Nanku okumele uhlale ukukhumbula: Ungenzi lutho ongeke ufise ukuthi abazali bakho bakubone ulwenza.

ONGAKWENZA

  • Uzathini nxa othile esithi uye emacansini laye?

  • Yiziphi izimo ezingenza kube nzima kakhulu ukuthi wale?

  • Ungazixwaya njani izimo lezo?

    Amabhuku EsiNdebele (2000-2025)
    Phuma
    Ngena
    • Ndebele (Zimbabwe)
    • Thumeza
    • Amasethingi
    • Copyright © 2025 Watch Tower Bible and Tract Society of Pennsylvania
    • Imithetho Yokusebenzisa
    • Ipholisi Yemfihlo
    • Privacy Settings
    • JW.ORG
    • Ngena
    Thumeza