Yabelana Labanye ‘Izinto Ezinhle’ Ngokwamukela Izihambi (Mat. 12:35a)

Sonke siyafisa ukuthi sabelane labanye “izinto ezinhle” ‘ngokuzejwayeza ukuphana.’ (Rom. 12:13) Abadala baba yizibonelo kulokhu ngokuhlela ukuthi izikhulumi ezivakatshileyo zinikwe ukudla, imali yomtshova kumbe eyamafutha. Kodwa kungenzeka ukuthi sesabe ukwamukela izihambi ezindlini zethu ngoba indawo esihlala kuyo isiyangisa kumbe singela mali yokudla. Ukuze singakhathazeki ngalokho, kumele amazwi uJesu awatsho kuMatha ahlale enkeneneza ezindlebeni zethu. (Luk. 10:39-42) Wathi “okungcono” kakhulu yibudlelwane obuhle lokukhuthazana kulokukhathazeka ngokuthi abavakatshileyo bazakudlani kumbe ukuthi indlu yethu ibukeka njani. Nxa silandela iseluleko sikaJesu sizakwenza lokho okutshiwo liLizwi likaNkulunkulu, sabelane labafowethu “izinto ezinhle.”​—3 Joh. 5-8.