Izihloko zeBhayibhili Zokuxoxa Ngazo

1. Abaphrofethi Bamanga

A. Kwakukhulunyiwe ukuthi kwakuzaba labaphrofethi bamanga; baphila ngezikhathi zabaphostoli

Indlela yokubona abaphrofethi bamanga. Dut 18:20-22; Luk 6:26

Kwakhulunywa ngabo, babonwa ngemisebenzi. Mt 24:23-26; 7:15-23

2. Amakhefu, Amalanga Okuzalwa

A. Amalanga okuzalwa, Ikhisimusi, kwakungagcinwa ngamaKhristu okuqala

Abangasiwo maKhristu eqiniso bazigcina izinsuku lezi. Ge 40:20; Mt 14:6

Usuku lokufa kukaJesu kumele lugcinwe. Luk 22:19, 20; 1 Khor 11:25, 26

Imibuthano yemikhosi exokozelayo kayilunganga. Ro 13:13; Ga 5:21; 1 Phe 4:3

3. Ezulwini

A. Ngabangu-144 000 kuphela abaya ezulwini

Ngabalutshwana kuphela abazakuba ngamakhosi loKhristu. Isam 5:9, 10; 20:4

UJesu nguye owaba ngowokuqala; abanye bakhethwa ngemva kwakhe. Kol 1:18; 1 Phe 2:21

Abanye bonke ngobunengi babo bazaphila emhlabeni. IHu 72:8; Isam 21:3, 4

Abangu-144 000 balesikhundla esiqakathekileyo esingeke sitholwe nguloba ngubani. Isam 14:1, 3; 7:4, 9

4. I-Amagedoni

A. Yimpi kaNkulunkulu yokuqeda ububi

Izizwe ziqoqelwa e-Amagedoni. Isam 16:14, 16

UNkulunkulu uyalwa, esebenzisa iNdodana yakhe lezingilosi. 2 The 1:6-9; Isam 19:11-16

Indlela esingasinda ngayo. Zef 2:2, 3; Isam 7:14

B. Akutsho ukuthi uNkulunkulu kaselathando

Umhlaba usumubi kakhulu. 2 Thim 3:1-5

UNkulunkulu uyabekezela, kodwa ukwahlulela okuqondileyo kumele kwenziwe. 2 Phe 3:9, 15; Luk 18:7, 8

Ababi kumele basuswe ukuze abalungileyo baphumelele. Zag 21:18; Isam 11:18

5. Ibandla (Isonto)

A. Ibandla, lakhelwe phezu kukaKhristu

UNkulunkulu kahlali emathempelini enziwe ngabantu. ImiSeb 17:24, 25; 7:48

Ibandla leqiniso liyithempeli elingokomoya lamatshe aphilayo. 1 Phe 2:5, 6

UKhristu, ilitshe elikhulu, abaphostoli, isisekelo esiqakathekileyo. Ef 2:20

UNkulunkulu kumele akhonzwe ngomoya langeqiniso. Joh 4:24

B. Ibandla alakhelwanga phezu kukaPhetro

UJesu akazange athi ibandla lakhelwe kuPhetro. Mt 16:18

UJesu uvezwa ‘njengedwala.’ 1 Khor 10:4

UPhetro waveza uJesu njengesisekelo. 1 Phe 2:4, 6-8; ImiSeb 4:8-12

6. IBhayibhili

A. ILizwi likaNkulunkulu liphefumulelwe

Abantu babeholwa ngumoya ongcwele ukuthi babhale iBhayibhili. 2 Phe 1:20, 21

Lileziphrofetho: Da 8:5, 6, 20-22; Luk 21:5, 6, 20-22; Isay 45:1-4

IBhayibhili lilonke liphefumulelwe futhi lilosizo. 2 Thim 3:16, 17; Ro 15:4

B. Lilesiqondiso esisebenzayo ezinsukwini esiphila kuzo

Ukungalaleli izimiso zeBhayibhili kuyingozi. Ro 1:28-32

Ukuhlakanipha kwabantu ngeke kuqathaniswe lokuhlakanipha kweBhayibhili. 1 Khor 1:21, 25; 1 Thim 6:20

Liyasivikela nxa sisilwa lesitha esikhulu. Ef 6:11, 12, 17

Liqondisa abantu endleleni okumele bahambe ngayo. IHu 119:105; 2 Phe 1:19; Zag 3:5, 6

C. Libhalelwe abantu bezizwe zonke kanye lezinhlanga zonke

Ukubhalwa kweBhayibhili kwaqala eMpumalanga. Eks 17:14; 24:12, 16; 34:27

Uhlelo lukaNkulunkulu alwenzelwanga amakhiwa kuphela. Ro 10:11-13; Gal 3:28

UNkulunkulu wamukela abantu bayo yonke imihlobo. ImiSeb 10:34, 35; Ro 5:18; Isam 7:9, 10

7. Igazi

A. Ukufakwa igazi akuvumelani lobungcwele begazi

UNowa watshelwa ukuthi igazi lingcwele, laliyikuphila. Ge 9:4, 16

Isivumelwano somthetho sasingakuvumeli ukudla igazi. Lev 17:14; 7:26, 27

AmaKhristu lawo ayengavunyelwa ukulidla igazi. ImiSeb 15:28, 29; 21:25

B. Ukufuna ukulondoloza ukuphila akusivumeli ukuthi sephule umthetho kaNkulunkulu

Ukulalela kungcono kulomhlatshelo. 1 Sa 15:22; Mk 12:33

Ukuqakathekisa impilo yomuntu kulokuqakathekisa umthetho kaNkulunkulu kuyingozi. Mk 8:35, 36

8. Indalo

A. Iyavumelana lesayensi ehloliweyo; ayivumelani lokuzenzakalela kwemvelo

Isayensi iyavumelana lendlela izinto ezadalwa ngayo. Ge 1:11, 12, 21, 24, 25

Umthetho kaNkulunkulu ‘wemihlobo etshiyeneyo’ uba liqiniso. Ge 1:11, 12; Jak 3:12

B. Izinsuku zokudala akusizinsuku ezilamahora angu-24

“Usuku” lungatsho ubude besikhathi. Ge 2:4

Usuku kuNkulunkulu lungaba yisikhathi eside. IHu 90:4; 2 Phe 3:8

9. Inhlawulo

A. Impilo kaJesu yabhadalwa “njengenhlawulo yabanengi”

UJesu wanikela impilo yakhe njengenhlawulo. Mt 20:28

Inani legazi elachithekayo lenza kube lokuthethelelwa kwesono. Heb 9:14, 22

Inhlawulo eyodwa yenela wonke umuntu. Ro 6:10; Heb 9:26

Esikuthola ngenhlawulo akuphongubuya nje; kumele inhlawulo iqakathekiswe. Joh 3:16

B. Kwakuyimbadalo ehambelanayo

U-Adamu wadalwa engelasono. Dut 32:4; Tshu 7:29; Ge 1:31

Walahlekelwa yimpilo engelasono futhi lenzalo yakhe yalahlekelwa yikho. Ro 5:12, 18

Abantwana bakhe babengeke benze lutho; kwakudingakala umuntu ohambelana lo-Adamu. IHu 49:7; Dut 19:21

Impilo kaJesu engelasono iba yinhlawulo. 1 Thim 2:5, 6; 1 Phe 1:18, 19

10. Inkolo

A. Kulenkolo eyodwa kuphela eyeqiniso

Ithemba elilodwa, ukholo olulodwa, ubhaphathizo olulodwa. Ef 4:5, 13

Ilaywe ukuthi yenze abafundi. Mt 28:19; ImiSeb 8:12; 14:21

Ibonakala ngezithelo zayo. Mt 7:19, 20; Luk 6:43, 44; Joh 15:8

Kulothando lokuvumelana phakathi kwamalunga ayo. Joh 13:35; 1 Khor 1:10; 1 Joh 4:20

B. Imfundiso yamanga iyasolwa ngokupheleleyo

UJesu wayisola imfundiso yamanga. Mt 23:15, 23, 24; 15:4-9

Wenza njalo ukuze avikele labo ababeyizimpumputhe ezingokomoya. Mt 15:14

Iqiniso labakhulula ukuthi babe ngabafundi bakaJesu. Joh 8:31, 32

C. Ukuntshintsha inkolo kuqakathekile nxa sekulobufakazi bokuthi ngeyamanga

Iqiniso liyakhulula; linika ubufakazi bokuthi inengi lilamanga. Joh 8:31, 32

Ama-Israyeli kanye labanye batshiya inkolo yabo yakudala. Jos 24:15; 2 AmaK 5:17

AmaKhristu okuqala antshintsha imibono. Gal 1:13, 14; ImiSeb 3:17, 19

UPhawuli wantshintsha inkolo yakhe. ImiSeb 26:4-6

Umhlaba wonke udukisiwe; kudingeka ukuntshintsha indlela yokucabanga. Isam 12:9; Ro 12:2

D. Okukhanya ‘kukuhle ezinkolweni zonke’ akutsho ukuthi zilesibusiso sikaNkulunkulu

UNkulunkulu ubeka izimiso zokumkhonza. Joh 4:23, 24; Jak 1:27

Inkolo ayilunganga uma ingenzi intando kaNkulunkulu. Ro 10:2, 3

“Imisebenzi emihle” ingaliwa. Mt 7:21-23

Ikhanya ngezithelo. Mt 7:20

11. Insindiso

A. Insindiso ivela kuNkulunkulu esebenzisa umhlatshelo wenhlawulo kaJesu

Ukuphila yisipho esivela kuNkulunkulu esebenzisa iNdodana yakhe. 1 Joh 4:9, 14; Ro 6:23

Insindiso ingatholakala kuphela ngomhlatshelo kaJesu. ImiSeb 4:12

Akulamisebenzi etshengisa ukuphenduka engenziwa ngumuntu “osesifa.” Jak 2:14, 26

Kumele sisebenze nzima ukuze sikuthole. Luk 13:23, 24; 1 Thim 4:10

B. Umutsho othi “ukusindiswa kanye kutsho ukusindiswa kwaphakade” awuveli eMibhalweni

Abahlanganyela emoyeni ongcwele labo bangawa. Heb 6:4, 6; 1 Khor 9:27

Ama-Israyeli amanengi abhujiswa lanxa ayesindisiwe eGibhithe. Jud 5

Ukusindiswa akwenzakali ngokuphangisa nje. Flp 2:12; 3:12-14; Mt 10:22

Labo ababuyela emuva babi ukwedlula isikhathi bengakazi lutho. 2 Phe 2:20, 21

C. Imfundiso ethi “Insindiso yomhlaba wonke” ayiveli emibhalweni

Ukuphenduka kunzima kwabanye. Heb 6:4-6

UNkulunkulu akathokozi ngokufa komubi. Hez 33:11; 18:32

Kodwa uthando alalo ngeke luvumele ukungalungi. Heb 1:9

Ababi bazabhujiswa. Heb 10:26-29; Isam 20:7-15

12. ISabatha

A. Ilanga leSabatha aliwabophi amaKhristu

Umthetho wema ukusebenza kusetshenziswa ukufa kukaJesu. Ef 2:15

Isabatha aliwabophi amaKhristu. Kol 2:16, 17; Ro 14:5, 10

Bakhuzwa ngokugcina iSabatha, njalo njalo. Gal 4:9-11; Ro 10:2-4

Ngena ekuphumuleni kukaNkulunkulu ngokholo langokulalela. Heb 4:9-11

B. Ukugcina isabatha kwakudingakala kuphela kuma-Israyeli asendulo

Isabatha laqala ukugcinwa ngemva kokuphuma kwabako-Israyeli. Eks 16:26, 27, 29, 30

Kwakumele ligcinwe ngabako-Israyeli njengoba kwakuluphawu lwabo bodwa. Eks 31:16, 17; IHu 147:19, 20

Iminyaka yesabatha yayidingekile ngaphansi koMthetho. Eks 23:10, 11; Lev 25:3, 4

Isabatha alisiyonto edingekayo kumaKhristu. Ro 14:5, 10; Gal 4:9-11

C. Isabatha likaNkulunkulu lokuphumula (ilanga lesikhombisa leviki “yokudala”)

Laqalisa ekucineni kokudalwa komhlaba. Ge 2:2, 3; Heb 4:3-5

Laqhubeka kwaze kwadlula isikhathi uJesu esemhlabeni. Heb 4:6-8; IHu 95:7-9, 11

AmaKhristu ayaphumula emisebenzini yawo. Heb 4:9, 10

Ilanga leli Iiphela lapho uMbuso kaNkulunkulu uqeda umsebenzi ophathelane lomhlaba. 1 Khor 15:24, 28

13. Isihogo (IHadesi, IShiyoli)

A. Kakusiyo ndawo yokuhlukuluzwa ngomlilo

Ngenxa yobuhlungu, uJobe wakhulekela ukuya khona. Job 14:13

Yindawo okungenziwa lutho. IHu 6:5; Tshu 9:10; Isay 38:18, 19

UJesu wavuswa engcwabeni. ImiSeb 2:27, 31, 32; IHu 16:10

IHadesi izakhupha abanye abafileyo, izatshabalaliswa. Isam 20:13, 14

B. Umlilo umela ukubhujiswa

Ukubhujiswa ekufeni kufaniswa lomlilo. Mt 25:41, 46; 13:30

Abantu ababi njalo abangaphendukiyo bazabhujiswa phakade njengokungathi babhujiswa ngomlilo. Heb 10:26, 27

‘Ukuchukuluzwa’ kukaSathane yikufa kwaphakade. Isam 20:10, 14, 15

C. Indaba yendoda enothileyo loLazaro ayisibufakazi bokuhlukuluza okungapheliyo

Umlilo kanye lesifuba sika-Abhrahama akusikweqiniso. Luk 16:22-24

Umusa ka-Abhrahama uqathaniswa lobumnyama. Mt 8:11, 12

Ukubhujiswa kweBhabhiloni kubizwa ngokuthi yikuhlukuluzwa ngomlilo. Isam 18:8-10, 21

14. Isikhonzi

A. Wonke amaKhristu kumele abe yizikhonzi

UJesu wayeyisikhonzi sikaNkulunkulu. Ro 15:8, 9; Mt 20:28

AmaKhristu alandela isibonelo sakhe. 1 Phe 2:21; 1 Khor 11:1

Kumele atshumayele ukuze afeze inkonzo. 2 Thim 4:2, 5; 1 Khor 9:16

B. Okudingakalayo ukuthi ufanele inkonzo yokutshumayela

Umoya ongcwele kaNkulunkulu lolwazi ngeLizwi lakhe. 2 Thim 2:15; Isay 61:1-3

Ukulandela isibonelo sikaKhristu ekutshumayeleni. 1 Phe 2:21; 2 Thim 4:2, 5

UNkulunkulu uqeqetsha ngomoya ongcwele langenhlanganiso. Joh 14:26; 2 Khor 3:1-3

15. ISikhumbuzo, IMasi

A. Ukukhumbula Isidlo seNkosi Sakusihlwa

Kwakusenziwa kanye ngomnyaka ngelanga lePhasika. Luk 22:1, 17-20; Eks 12:14

Kukhunjulwa ukufa kukaKhristu okungumhlatshelo. 1 Khor 11:26; Mt 26:28

Labo abalethemba lokuphila ezulwini yibo abadlayo. Luk 22:29, 30; 12:​32, 37

Indlela umuntu akwazi ngayo ukuthi ulethemba lelo. Ro 8:15-17

B. IMasi ayivumelani lokusemibhalweni

Ukuze kube lokuthethelelwa kwezono kufanele kuchitheke igazi. Heb 9:22

UKhristu nguye yedwa onguMmeli wesivumelwano esitsha. 1Thim 2:5, 6; Joh 14:6

UKhristu usezulwini; kayehliswanga phansi ngabaphristi. ImiSeb 3:20, 21

Akulasidingo sokuphinda umhlatshelo kaKhristu. Heb 9:24-26; 10:11-14

16. Isiphambano

A. UJesu bamenza ihlazo ngokumlengisa esigodweni

UJesu waphanyekwa esigodweni kumbe emthini. ImiSeb 5:30; 10:39; Gal 3:13

AmaKhristu kumele ahlupheke esenziwa ihlazo. Joh 15:20; 1 Phe 2:20, 21

B. Isiphambano akumelanga sikhonzwe

Ukubukisa isigodo sokuhlutshwa sikaJesu kulihlazo. Heb 6:6; Mt 27:41, 42

Ukusebenzisa isiphambano nxa ukhonza yikusebenzisa izithombe. Eks 20:4, 5; Jer 10:3-5

UJesu ungumoya, akasekho esigodweni sokuhlutshwa. 1 Thim 3:16; 1 Phe 3:18

17. Isono

A. Lokho isono esiyikho

Siyikwephulwa komthetho kaNkulunkulu, isimiso sakhe esipheleleyo. 1 Joh 3:4; 5:17

Umuntu njengesidalwa sikaNkulunkulu uzalandisa kuye. Ro 14:12; 2:12-15

Umthetho wawuchaza isono, wenza abantu basazi isono. Gal 3:19; Ro 3:20

Bonke bonile, bayasilela enkazimulweni kaNkulunkulu. Ro 3:23; IHu 51:5

B. Okwenza bonke bahlupheke ngesono sika-Adamu

U-Adamu wadlulisela isono lokufa kubo bonke. Ro 5:12, 18

UNkulunkulu wayelesihawu ngokuvumela abantu bonke ukuba babekhona. IHu 103:8, 10, 14, 17

Umhlatshelo kaJesu uhlawulela izono. 1 Joh 2:2

Isono sizasuswa kanye layo yonke imisebenzi kaDeveli. 1 Joh 3:8

C. Ukudla isithelo esingavunyelwayo yikho okwakuyisono, hatshi ukuya kwabo emacansini

Ukwaliswa ukudla isihlahla kwenziwa ngaphambi kokuba u-Eva adalwe. Ge 2:17, 18

U-Adamu lo-Eva batshelwa ukuthi babe labantwana. Ge 1:28

Abantwana abasimpumela wesono, kodwa bangumpumela wesibusiso sikaNkulunkulu. IHu 127:3-5

U-Eva wona ngesikhathi umkakhe engekho; wasesiya kumkakhe. Ge 3:6; 1 Thim 2:11-14

U-Adamu njengenhloko wahlamukela umthetho kaNkulunkulu. Ro 5:12, 19

D. Lokho okutshiwo yikonela umoya ongcwele (Mt 12:32; Mk 3:28, 29)

Sathola isono esingasiso lesi esokuthuka umoya ongcwele. Ro 5:8, 12, 18; 1 Joh 5:17

Umuntu angathuka umoya ongcwele kodwa abuye aphenduke. Ef 4:30; Jak 5:19, 20

Ukwenza isono ngabomo kwenza umuntu abhujiswe. 1 Joh 3:6-9

UNkulunkulu wahlulela abanjalo, asuse umoya wakhe. Heb 6:4-8

Akumelanga sibathandazele abantu abanjalo abangaphendukiyo. 1 Joh 5:16, 17

18. Izinsuku Zokucina

A. Kutshiwoni nxa kuthiwa “ukucina komhlaba”

Ukucina kwesikhathi. Mt 24:3; 2 Phe 3:5-7; Mk 13:4

Akutsho ukucina komhlaba, kodwa kutsho ukucina kwesikhathi lesi esibi. 1 Joh 2:17

Isikhathi sokucina sandulela ukubhujiswa. Mt 24:14

Kusinda abalungileyo; umhlaba omutsha uyalandela. 2 Phe 2:9; Isam 7:14-17

B. Kumele siphaphame ukuze sibone izimpawu zesikhathi sokucina

Izimpawu zivezwe nguNkulunkulu ukuze zisiqondise. 2 Thim 3:1-5; 1 The 5:1-4

Umhlaba uyehluleka ukubona ukuqakatheka kwakhona. 2 Phe 3:3, 4, 7; Mt 24:39

UNkulunkulu akaphuzi kodwa unika isixwayiso. 2 Phe 3:9

Umvuzo wokuhlala uphapheme. Luk 21:34-36

19. Izithombe

A. Ukusebenzisa izithombe ekukhonzeni akumthokozisi uNkulunkulu

Ngeke siwenze umfanekiso kaNkulunkulu. 1 Joh 4:12; Isay 40:18; 46:5; ImiSeb 17:29

AmaKhristu ayaxwayiswa ukuthi angasebenzisi izithombe. 1 Khor 10:14; 1 Joh 5:21

UNkulunkulu kumele akhonzwe ngomoya langeqiniso. Joh 4:24

B. Ukukhonza izithombe kwabonakala kuma-Israyeli ukuthi akuncedi

Ukukhonza izithombe kwakungavunyelwa kumaJuda. Eks 20:4, 5

Aziboni, azizwa; abazenzayo bazafanana lazo. IHu 115:4-8

Zaletha isithiyo, lokubhujiswa. IHu 106:36, 40-42; Jer 22:8, 9

C. Ukukhonza izinto ezihambelana lezithombe akuvunyelwa

UNkulunkulu kakuvumelanga ukukhonza izinto ezihambelana lezithombe. Isa 42:8

UNkulunkulu nguye yedwa “Owuzwayo umthandazo.” IHub 65:1, 2

20. OFakazi bakaJehova

A. Imvelaphi yaboFakazi bakaJehova

UJehova uveza ofakazi bakhe. Isay 43:10-12; Jer 15:16

Uhlu lwabofakazi abathembekileyo lwaqalisa ngo-Abela. Heb 11:4, 39; 12:1

UJesu wayethembekile futhi engufakazi weqiniso. Joh 18:37; Isam 1:5; 3:14

21. Ububi, Ukonakala Komhlaba

A. Ngubani olomlandu ngokonakala okusemhlabeni

Ukubusa okubi yikho okwenza ukuthi kube lezikhathi ezimbi khathesi. Zag 29:2; 28:28

Umbusi womhlaba uyisitha sikaNkulunkulu. 2 Khor 4:4; 1 Joh 5:19; Joh 12:31

Umaye walethwa nguDeveli, okwesikhathi esifitshane. Isam 12:9, 12

UDeveli uyabotshwa, ukuthula okungapheliyo kuyalandela. Isam 20:1-3; 21:3, 4

B. Okwenza ukuthi ububi buvunyelwe

UDeveli wasola ubuqotho bezidalwa zikaNkulunkulu. Job 1:11, 12

Abathembekileyo baphiwe ithuba lokutshengisa ubuqotho babo. Ro 9:17; Zag 27:11

UDeveli uvezwa njengosomangase, indaba isazoxazululwa. Joh 12:31

Abathembekileyo banikwa umvuzo wokuphila okungapheliyo. Ro 2:6, 7; Isam 21:3-5

C. Ukuvumela ukuthi izinsuku zokucina zithathe isikhathi eside luhlelo lomusa

Njengasosukwini lukaNowa, kuthatha isikhathi ukuxwayisa abantu. Mt 24:14, 37-39

UNkulunkulu akaphuzi kodwa ulesihawu. 2 Phe 3:9; Isay 30:18

IBhayibhili liyasinceda ukuthi singabanjwa yimijibila silibele. Luk 21:36; 1 The 5:4

Dinga uhlelo lukaNkulunkulu khathesi ukuze uvikelwe. Isay 2:2-4; Zef 2:3

D. Ukulungisa ukonakala okusemhlabeni akuveli ebantwini

Abantu bayesaba futhi abakwazi okumele bakwenze. Luk 21:10, 11; 2 Thim 3:1-5

UMbuso kaNkulunkulu uzaphumelela hatshi owabantu. Da 2:44; Mt 6:10

Ukuze uphile, dinga ukuthula kanye leNkosi khathesi. IHu 2:9, 11, 12

22. Ubuthathu bukaNkulunkulu

A. UNkulunkulu, uBaba, ngumuntu oyedwa, omkhulu emhlabeni wonke

UNkulunkulu akasibantu abathathu. Dut 6:4; Mal 2:10; Mk 10:18; Ro 3:29, 30

INdodana yadalwa; kuqala kwakuloNkulunkulu yedwa. Isam 3:14; Kol 1:15; Isay 44:6

UNkulunkulu ngumbusi womhlaba wonke okwezikhathi zonke. Flp 2:5, 6; Da 4:35

UNkulunkulu kumele aphakanyiswe phezu kwakho konke. Flp 2:10, 11

B. Kusukela ingakabuyi emhlabeni langemva kokubuya kwayo, iNdodana ilesikhundla esingaphansi kwesikaYise

INdodana iyalalela isezulwini, ithunywe nguYise. Joh 8:42; 12:49

Yayilalela ngesikhathi isesemhlabeni, uYise mkhulu kakhulu. Joh 14:28; 5:19; Heb 5:8

Yaphakanyiselwa ezulwini, kodwa ilokhu izehlisa. Flp 2:9; 1 Khor 15:28; Mt 20:23

UJehova yinhloko kaKhristu futhi unguNkulunkulu. 1 Khor 11:3; Joh 20:17; Isam 1:6

C. Ubunye bukaNkulunkulu loKhristu

Bahlala bemanyene ngokupheleleyo. Joh 8:28, 29; 14:10

Ubunye obunjengobendoda lomkayo. Joh 10:30; Mt 19:4-6

Wonke amaKhristu kumele abe lobunye obufananayo. Joh 17:20-22; 1 Khor 1:10

Indlela eyodwa yokukhonza uJehova ngoKhristu izahlala kuze kube nini lanini. Joh 4:23, 24

D. Umoya ongcwele kaNkulunkulu ungamandla akhe asebenzayo

Ungamandla, hatshi umuntu. Mt 3:16; Joh 20:22; ImiSeb 2:4, 17, 33

Awusimuntu osezulwini loNkulunkulu kanye loKhristu. ImiSeb 7:55, 56; Isam 7:10

Uqondiswa nguNkulunkulu ukuthi afeze izinjongo zakhe. IHu 104:30; 1 Khor 12:4-11

Labo abakhonza uNkulunkulu bayawuthola futhi baqondiswa yiwo. 1 Khor 2:12, 13; Gal 5:16

23. UDeveli, Amadimoni

A. UDeveli ngumuntu olomzimba womoya

Akasibubi obuphakathi komuntu kodwa ngumuntu olomzimba womoya. 2 Thim 2:26

UDeveli ngumuntu womoya njengezingilosi. Mt 4:1, 11; Job 1:6

Wazenza wabanguDeveli ngenxa yesifiso esibi. Jak 1:13-15

B. UDeveli ngumbusi womhlaba lo esingeke simbone ngawethu amehlo

Uphethe umhlaba wonke njengonkulunkulu wawo. 2 Khor 4:4; 1 Joh 5:19; Isam 12:9

Uvunyelwe ukuthi aqhubeke ekhona udaba luze lulungiswe. Eks 9:16; Joh 12:31

Uzaphoselwa emgodini ongelamkhawulo ngemva kwalokho abhujiswe. Isam 20:2, 3, 10

C. Amadimoni zingilosi ezahlamukayo

Amadimoni alandela uSathane kungakafiki uZamcolo. Ge 6:1, 2; 1 Phe 3:19, 20

Amadimoni aphoselwa emgodini, asuswa ekukhanyeni asiwa ebumnyameni. 2 Phe 2:4; Jud 6

Alwisa uNkulunkulu, ahlukuluze labantu. Luk 8:27-29; Isam 16:13, 14

Azabhujiswa kanye loSathane. Mt 25:41; Luk 8:31; Isam 20:2, 3, 10

24. UJehova, uNkulunkulu

A. Ibizo likaNkulunkulu

Ibala elithi “Nkulunkulu” alicacisi ukuthi likhuluma ngobani; iNkosi yethu ilebizo layo yodwa. 1 Khor 8:5, 6

Sithandazela ukuthi ibizo lakhe lingcweliswe. Mt 6:9, 10

UJehova libizo likaNkulunkulu. IHu 83:18; Eks 6:2, 3; 3:15; Isay 42:8

Ibizo ku-KJ. Eks 6:⁠3 (Dy amabala angaphansi). IHu 83:18; Isay 12:2; 26:4

UJesu wenza ibizo leli laziwa. Joh 17:6, 26; 5:43; 12:12, 13, 28

B. Ukuba khona kukaNkulunkulu

Akwenzakali ukuthi ubone uNkulunkulu uphile. Eks 33:20; Joh 1:18; 1 Joh 4:12

Akudingakali ukuthi ubone uNkulunkulu ukuze ukholwe. Heb 11:1; Ro 8:24, 25; 10:17

UNkulunkulu waziwa ngemisebenzi yakhe ebonakalayo. Ro 1:20; IHu 19:1, 2

Ukugcwaliseka kwezithembiso kutshengisa ukuthi uNkulunkulu ukhona. Isay 46:8-11

C. Izimpawu zobuntu bukaNkulunkulu

UNkulunkulu uluthando. 1Joh 4:8, 16; Eks 34:6; 2 Khor 13:11; Mik 7:18

Ulokuhlakanipha okukhulu kakhulu. Job 12:13; Ro 11:33; 1 Khor 2:7

Uqotho, wahlulela ngokulunga. Dut 32:4; IHu 37:28

Ungumninimandla, ulamandla wonke. Job 37:23; Isam 7:12; 4:11

D. Akusibo bonke abakhonza uNkulunkulu ofananayo

Indlela ekhanya inhle ayilunganga ngazozonke izikhathi. Zag 16:25; Mt 7:21

Izindlela zimbili, ngeyodwa kuphela eya ekuphileni. Mt 7:13, 14; Dut 30:19

Banengi onkulunkulu kodwa kuloNkulunkulu oyedwa oweqiniso. 1 Khor 8:5, 6; IHu 82:1

Ukwazi uNkulunkulu weqiniso kuqakathekile ukuze uphile. Joh 17:3; 1 Joh 5:20

25. UJesu

A. UJesu uyiNdodana kaNkulunkulu njalo uyiNkosi ebekiweyo

Izibulo likaNkulunkulu, wasetshenziswa ukudala zonke izinto. Isam 3:14; Kol 1:15-17

Wenziwa waba ngumuntu ozalwe ngowesifazana, engaphansanyana kwezingilosi. Gal 4:4; Heb 2:9

Wazalwa ngomoya ongcwele kaNkulunkulu, elekhaya lakhe ezulwini. Mt 3:16, 17

Wabekwa esikhundleni esiphezulu kakhulu ukwedlula isikhathi esaphila ezulwini. Flp 2:9, 10

B. Ukukholwa kuJesu Khristu kuqakathekile ukuze sisindiswe

UKhristu uyiNzalo ethenjisiweyo evela ku-Abhrahama. Ge 22:18; Gal 3:16

UJesu nguye yedwa uMphristi omkhulu, uyinhlawulo. 1 Joh 2:1, 2; Heb 7:25, 26; Mt 20:28

Ukuphila kutholakala ngokwazi uNkulunkulu loJesu, langokulalela. Joh 17:3; ImiSeb 4:12

C. Kudingeka okunengi kulokukholwa kuJesu

Ukukholwa kumele kuhambisane lemisebenzi. Jak 2:17-26; 1:22-25

Kumele silalele imilayo, senze umsebenzi awenzayo. Joh 14:12, 15; 1 Joh 2:3

Akusibo bonke abasebenzisa ibizo leNkosi abazangena eMbusweni. Mt 7:21-23

26. Ukubhaphathizwa

A. AmaKhristu kumele abhaphathizwe

UJesu wabeka isibonelo. Mt 3:13-15; Heb 10:7

Luphawu lokuzidela kumbe olokuzinikela. Mt 16:24; 1 Phe 3:21

Ngokwalabo asebekhule okokuthi bangafundiswa. Mt 28:19, 20; ImiSeb 2:41

Ukucwiliswa emanzini yiyo indlela eqondileyo. ImiSeb 8:38, 39; Joh 3:23

B. Ukubhaphathizwa akuzikhiphi izono

UJesu akazange abhaphathizwe ukuze akhitshwe izono. 1 Phe 2:22; 3:18

Igazi likaJesu liyazihlambulula izono. 1 Joh 1:7

27. Ukubuya kukaKhristu

A. Ukubuya lokhu akubonakali ebantwini

Watshela abafundi ukuthi umhlaba awusayikumbona futhi. Joh 14:19

Ngabafundi kuphela abambona esiya ezulwini; lokubuya kwakhe kuzaba njalo. ImiSeb 1:6, 10, 11

Usezulwini, ungumoya ongabonakaliyo. 1 Thim 6:14-16; Heb 1:3

Ubuyela emandleni oMbuso wasezulwini. Da 7:13, 14

B. Kukhanya ngezenzakalo esizibonayo

Abafundi bacela uphawu lokubuya kwakhe. Mt 24:3

AmaKhristu “akhanyiselwa” ukuba khona kwakhe ngokuzwisisa lokho abakubalayo. Ef 1:18

Okunengi okwenzakalayo kunika ubufakazi bokuba khona kwakhe. Luk 21:10, 11

Izitha ‘ziyabona’ njengoba ukubhujiswa kusenzakala. Isam 1:7

28. Ukufa

A. Imbangela yokufa

Umuntu wayelesiqalo esihle, elethemba lokuphila kuze kube nini lanini. Ge 1:28, 31

Ukungalaleli kwaletha isigwebo sokufa. Ge 2:16, 17; 3:17, 19

Bonke abantwana baka-Adamu sebelesono futhi bayafa. Ro 5:12

B. Isimo sabafileyo

U-Adamu wenziwa waba ngumphefumulo, akawufakwanga. Ge 2:7, NW; 1 Khor 15:45, NW

Okufayo ngumuntu loba umphefumulo. Eze 18:4; Isay 53:12, NW; Job 11:20, NW

Abafileyo kabazi lutho futhi kabezwa lutho. Tshu 9:5, 10; IHu 146:3, 4

Abafileyo balele futhi balindele ukuvuswa. Joh 11:11-14, 23-26; ImiSeb 7:⁠60

C. Ngeke sikhulume labafileyo

Abafileyo kabaphili loNkulunkulu njengemimoya. IHu 115:17; Isay 38:18

Siyaxwayiswa ukuthi singazami ukukhuluma labafileyo. Isay 8:19; Lev 19:31

Izangoma lezanuse kazivunyelwa. Dut 18:10-12; Gal 5:19-21

29. Ukufakaza

A. Wonke amaKhristu kumele afakaze, akhulume ngezindaba ezinhle

Kumele avume uJesu phambi kwabantu ukuze amukelwe. Mt 10:32

Kumele abe ngabenzi beLizwi, etshengisa ukuthi alokholo. Jak 1:22-24; 2:24

Abatsha labo kumele babe ngabatshumayelayo. Mt 28:19, 20

Ukuvuma obala kuletha insindiso. Ro 10:10

B. Kuyadingakala ukubuyela kwabafuna ukufunda, kanye lokuqhubeka sifakaza

Isixwayiso ngokucina kwesikhathi kumele sihanjiswe. Mt 24:14

UJeremiya watshumayela ngokuphela kweJerusalema okweminyaka eminengi. Jer 25:3

NjengamaKhristu okuqala, kasimi ukufakaza. ImiSeb 4:18-20; 5:28, 29

C. Kumele utshumayele ukuze ukhululeke ecaleni legazi

Kumele uxwayise abantu ngokucina kwesikhathi okuzayo. Hez 33:7; Mt 24:14

Ukwehluleka ukwenza njalo kuletha icala legazi. Hez 33:8, 9; 3:18, 19

UPhawuli wakhululwa ecaleni legazi; wakhuluma iqiniso elipheleleyo. ImiSeb 20:26, 27; 1 Khor 9:16

Kusindisa bobabili ofakazayo kanye lalowo olalelayo. 1 Thim 4:16; 1 Khor 9:22

30. Ukuhlelelwa Ikusasa

A. Umuntu akazange ahlelelwe ikusasa

Injongo kaNkulunkulu iqinisekile. Isay 55:11; Ge 1:28

Abantu baphiwa inkululeko yokuzikhethela ukuthi bakhonze uNkulunkulu. Joh 3:16; Flp 2:12

31. Ukukhonza Amadlozi

A. Ukukhonza amadlozi kuyize

Amadlozi kawaphili, kawakwazi lutho. Tshu 9:5, 10

Okhokho bakuqala abakufanelanga ukukhonzwa. Ro 5:12, 14; 1 Thim 2:14

UNkulunkulu akakuvumeli ukukhonza okunjalo. Eks 34:14; Mt 4:10

B. Abantu bangahlonitshwa, kodwa uNkulunkulu nguye yedwa okumele akhonzwe

Abasakhulayo kumele bahloniphe abantu abadala. 1 Thim 5:1, 2, 17; Ef 6:1-3

Kodwa uNkulunkulu nguye yedwa okumele akhonzwe. ImiSeb 10:25, 26; Isam 22:8, 9

32. Ukukhonza uMariya

A. UMariya ngunina kaJesu hatshi “unina kaNkulunkulu”

UNkulunkulu kalasiqalo. IHub 90:2; 1 Thim 1:17

UMariya waba ngunina weNdodana kaNkulunkulu, ngesikhathi isemhlabeni. Luk 1:35

B. UMariya kazange “ahlale eyintombi”

Wathathwa nguJosefa. Mt 1:19, 20, 24, 25

Waba labanye abantwana ngaphandle kukaJesu. Mt 13:55, 56; Luk 8:19-21

Ngaleso sikhathi babengasi ‘bafowabo abangokomoya.’ Joh 7:3, 5

33. Ukuphikiswa, Ukuhlukuluzwa

A. Izizatho zokuphikiswa kwamaKhristu

UJesu wazondwa, wakhuluma langokuthi abalandeli bakhe bazaphikiswa. Joh 15:18-20; Mt 10:22

Ukubambelela ezimisweni eziqondileyo kunika umhlaba icala. 1 Phe 4:1, 4, 12, 13

USathane, unkulunkulu walesisikhathi, uphikisana loMbuso. 2 Khor 4:4; 1 Phe 5:8

UmKhristu kesabi, uNkulunkulu uyamsekela. Ro 8:38, 39; Jak 4:8

B. Inkosikazi akumelanga ivumele ukuthi umkayo amehlukanise loNkulunkulu

Inkosikazi yaxwayiswa; abantu bangatshela umkayo amanga. Mt 10:34-38; ImiSeb 28:22

Kumele inkosikazi ithembe uNkulunkulu loKhristu. Joh 6:68; 17:3

Ukuthembeka kwenkosikazi kungasindisa umkayo. 1 Khor 7:16; 1 Phe 3:1-6

Indoda iyinhloko, kodwa akumelanga ibuse ezindabeni zokukhonza. 1 Khor 11:3; ImiSeb 5:29

C. Indoda akumelanga ivumele inkosikazi yayo ukuthi imalise ukukhonza uNkulunkulu

Kumele ithande umkayo kanye lemuli futhi ifisele bonke ukuthi bathole ukuphila. 1 Khor 7:16

Indoda ilomlandu wokwenza izinqumo, lokondla imuli. 1 Khor 11:3; 1 Thim 5:8

UNkulunkulu uthanda indoda elimelayo iqiniso. Jak 1:12; 5:10, 11

Ukwephula imilayo ngenxa yokufuna ukuthula nje akumthokozisi uNkulunkulu. Heb 10:38

Kumele ikhokhele imuli njengoba isiya emhlabeni omutsha. Isam 21:3, 4

34. Ukuphila

A. Ukuphila okungapheliyo kuthenjiswe abantu abalalelayo

UNkulunkulu ongaqambi amanga uthembise ukuphila. Tit 1:2; Joh 10:27, 28

Ukuphila okungapheliyo kuthenjiswe labo abalokholo. Joh 11:25, 26

Ukufa kuzabhujiswa. 1 Khor 15:26; Isam 21:4; 20:14; Isay 25:8

B. Ukuphila kwasezulwini ngokwalabo abakha umzimba kaKhristu

UNkulunkulu ukhetha amalunga ngokuthanda kwakhe. Mt 20:23; 1 Khor 12:18

Ngabangu-144 000 kuphela abathethwe emhlabeni. Isam 14:1, 4; 7:2-4; 5:9, 10

Ngitsho loJohane uMbhaphathizi akayi ezulwini ukuthi abe seMbusweni. Mt 11:11

C. Ukuphila kwasemhlabeni kuthenjiswe abantu abanengi, “ezinye izimvu”

Inani elincane yilo elizakuba loJesu ezulwini. Isam 14:1, 4; 7:2-4

“Ezinye izimvu” azisibo bafowabo bakaKhristu. Joh 10:16; Mt 25:32, 40

Abanengi khathesi baqoqelwa ndawonye ukuze basinde. Isam 7:9, 15-17

Abanye bavuselwa ukuthi baphile emhlabeni. Isam 20:12; 21:4

35. Ukusilisa, Ukukhuluma Ngezindimi

A. Ukusilisa okuvela eLizwini likaNkulunkulu kunceda kuze kube nini lanini

Ukungabi lobuhlobo obuhle loNkulunkulu kuyingozi. Isay 1:4-6; 6:10; Hos 4:6

Ukusilisa okuqakathekileyo yikunceda abantu ukuthi babe lobuhlobo obuhle loNkulunkulu. Joh 6:63; Luk 4:18

Kususa izono; kunike intokozo, lokuphila. Jak 5:19, 20; Isam 7:14-17

B. Umbuso kaNkulunkulu uzaletha ukwelatshwa emzimbeni okungapheliyo

UJesu welapha abagulayo, watshumayela ngezibusiso zoMbuso. Mt 4:23

UMbuso uthenjiswe njengendlela yokuqeda ukugula. Mt 6:10; Isay 9:7

Ngitsho lokufa kuzaqedwa. 1 Khor 15:25, 26; Isam 21:4; 20:14

C. Ukusilisa kwakulezinsuku akulabufakazi bokuthi kuvunyelwe nguNkulunkulu

Abafundi abazange bazisilise ngokuyisimangaliso. 2 Khor 12:7-9; 1 Thim 5:23

Izipho zokusilisa zaphela ngemva kwezikhathi zabaphostoli. 1 Khor 13:8-11

Ukusilisa akusibufakazi bokuthi silomusa kaNkulunkulu. Mt 7:22, 23; 2 The 2:9-11

D. Ukukhuluma ngezindimi kwakuluhlelo lwesikhathi esifitshane

Kwakuyisibonakaliso; izipho ezinkulu kwakumele zifunwe. 1 Khor 14:22; 12:30, 31

Kwakukhulunyiwe ukuthi izipho ezimangalisayo zomoya zizadlula. 1 Khor 13:8-10

Ukwenza imisebenzi emangalisayo akutshengisi ukuthi silomusa kaNkulunkulu. Mt 7:22, 23; 24:24

36. Ukuthathana (Umtshado)

A. Ukuthathana kumele kuhlonitshwe

Kufaniswa loKhristu kanye lomlobokazi. Ef 5:22, 23

Umbheda wokuthathana akumelanga ungcoliswe. Heb 13:4

Abathatheneyo belulekwa ukuthi bangahlali behlukene. 1 Khor 7:10-16

I-Por·neiʹa yiso kuphela isimiso esiseMibhalweni esingenza ukuthi kuchithwe umtshado. Mt 19:9

B. Isimiso sobunhloko kumele sihlonitshwe ngamaKhristu

Indoda njengenhloko kumele ithande futhi inakekele imuli. Ef 5:23-31

Inkosikazi kumele izithobe, ithande futhi ilalele umkayo. 1 Pe 3:1-7; Ef 5:22

Abantwana kumele balalele. Ef 6:1-3; Kol 3:20

C. Umsebenzi wabazali abangamaKhristu

Kumele bathande, babe lesikhathi labo futhi babe lendaba labo. Tit 2:4

Ungabacaphuli. Kol 3:21

Banike izidingo ezingokwenyama, okugoqela lezinto eziphathelane lokukhonza. 2 Khor 12:14; 1 Thim 5:8

Bafundise okuzabanceda okwempilo yabo yonke. Ef 6:4; Zag 22:6, 15; 23:13, 14

D. AmaKhristu kumele atshade lamaKhristu kuphela

Tshada kuphela “eNkosini.” 1 Khor 7:39; Dut 7:3, 4; Neh 13:26

E. Isithembo kasikho eMibhalweni

Ekuqaliseni indoda kwakumele ibe lomfazi oyedwa. Ge 2:18, 22-25

UJesu wabuyisela lezi zimiso esenzela amaKhristu. Mt 19:3-9

AmaKhristu okuqala ayengathathi isithembo. 1 Khor 7:2, 12-16; Ef 5:28-31

37. Ukuvuswa Kwabafileyo

A. Ithemba ngabantu abafileyo

Bonke abasemathuneni bazavuswa. Joh 5:28, 29

Ukuvuswa kukaJesu kuyaqinisekisa ukuthi ukuvuswa kwabafileyo kukhona. 1 Khor 15:20-22; ImiSeb 17:31

Abathuka umoya ongcwele abasoze bavuke. Mt 12:31, 32

Labo abatshengisa ukholo baqinisekiswa ukuthi bazavuswa. Joh 11:25

B. Ukuvuswa ukuthi uyephila ezulwini kumbe emhlabeni

Bonke bayafa ku-Adamu; bathola ukuphila kuJesu. 1 Khor 15:20-22; Ro 5:19

Kulomahluko okhona kulabo abavuswayo. 1 Khor 15:40, 42, 44

Labo abazaba loJesu bazakuba njengaye. 1 Khor 15:49; Flp 3:20, 21

Labo abangasoze babuse bazahlala emhlabeni. Isam 20:4b, 5, 13; 21:3, 4

38. Ukuxubanisa Izinkolo

A. Ukuhlangana lezinye izinkolo akusindlela eqondileyo yokukhonza uNkulunkulu

Yinye kuphela indlela, incinyane, balutshwana abayifumanayo. Ef 4:4-6; Mt 7:13, 14

Baxwayiswa ngokuthi izinkolelo zamanga ziyangcolisa. Mt 16:6, 12; Gal 5:9

Baphiwa umlayo wokuthi bazehlukanise. 2 Thim 3:5; 2 Khor 6:14-17; Isam 18:4

B. Akusiqiniso ukuthi “zonke izinkolo zilungile”

Abanye balentshiseko kodwa hatshi ngokuvumelana leqiniso. Ro 10:2, 3

Imvubelo encane ibilisa konke okunye okungabe kukuhle. 1 Khor 5:6; Mt 7:15-17

Abafundisi bamanga baletha imbubhiso. 2 Phe 2:1; Mt 12:30; 15:14

Ukukhonza okuhlanzekileyo kudinga ukuzinikela. Dut 6:5, 14, 15

39. UMbuso

A. Lokho uMbuso kaNkulunkulu ozakwenzela abantu

Uzakwenza ukuthi intando kaNkulunkulu yenzakale. Mt 6:9, 10; IHu 45:6; Isam 4:11

Nguhulumende olenkosi kanye lemithetho. Isay 9:6, 7; 2:3; IHu 72:1, 8

Uzabhubhisa bonke ububi, ubuse umhlaba wonke. Da 2:44; IHu 72:8

Ukubusa okweminyaka eyinkulungwane kuzenza ukuthi abantu baphile kuhle, ePharadayisi. Isam 21:2-4; 20:6

B. Uqalisa ukubusa ngesikhathi izitha zikaKhristu zisasebenza

Ngemva kokuvuswa kwakhe, uKhristu kwakumele alinde okwesikhathi esithile. IHu 110:1; Heb 10:12, 13

Uqala ukubusa, impi yokulwa loSathane. IHu 110:2; Isam 12:7-9; Luk 10:18

UMbuso wabekwa ngaleso sikhathi, umaye womhlaba walandela. Isam 12:10, 12

Ukuhlupheka khathesi kutsho ukuthi sekuyisikhathi sokusekela uMbuso. Isam 11:15-18

C. Awukho ‘enhliziyweni,’ awubanga khona ngemizamo yabantu

UMbuso usezulwini, awukho emhlabeni. 2 Thim 4:18; 1 Khor 15:50; IHu 11:4

Awukho ‘enhliziyweni’; uJesu ukhuluma labaFarisi. Luk 17:20, 21

Awusingxenye yomhlaba lo. Joh 18:36; Luk 4:5-8; Da 2:44

Ohulumende kanye lezimiso zomhlaba kuyakhutshwa. Da 2:44

40. Umhlaba

A. Injongo kaNkulunkulu ngomhlaba

Ipharadayisi lenziwa emhlabeni lisenzelwa abantu abangelasono. Ge 1:28; 2:8-15

Injongo kaNkulunkulu izakwenzakala. Isay 55:11; 46:10, 11

Umhlaba uzagcwala abantu abalokuthula njalo abangelasono. IHu 72:7; Isay 45:18; 9:6,7

Ipharadayisi lizalethwa nguMbuso. Mt 6:9, 10; Isam 21:3-5

B. Kawusoze ubhujiswe loba usale ungelabantu

Umhlaba uzahlala ukhona kuze kube nini lanini. Tshu 1:4; IHu 104:5

Abantu bosuku lukaNowa babhujiswa, hatshi umhlaba. 2 Phe 3:5-7; Ge 7:23

Isibonelo lesi sisinika ithemba lokuthi singasinda kulesi sikhathi esiphila kiso. Mt 24:37-39

Ababi bazabhujiswa; “ixuku elikhulu” lizasinda. 2 The 1:6-9; Isam 7:9, 14

41. Umnyaka ka-1914

A. Izikhathi zabezizweni zaphela ngo-1914 (C.E.)

Uhlu lwamakhosi lwaphanjaniswa, ngo-607 B.C.E. Hez 21:25-27

“Iminyaka eyisikhombisa” yayizadlula kuze kubuyiselwe ukubusa. Da 4:32, 16, 17

Iminyaka eyisikhombisa = izikhathi ezingu-2 × 3 ¹/2, kumbe amalanga angu-2 × 1 260. Isam 12:6, 14; 11:2, 3

Ilanga limela umnyaka. [Kuba yiminyaka engu-2 520] Hez 4:6; AmaN 14:34

Ibalwa kuze kube yikubekwa koMbuso. Lu 21:24; Da 7:13, 14

42. Umoya, Ukusebenzelana Lamadimoni

A. Lokho umoya ongcwele oyikho

Ungamandla kaNkulunkulu asebenzayo, awusiwo muntu. ImiSeb 2:2, 3, 33; Joh 14:17

Wasetshenziswa ekudaleni, ekuphefumuleleni iBhayibhili, njalo njalo. Ge 1:2; Hez 11:5

Ukhetha futhi ugcoba amalunga omzimba kaKhristu. Joh 3:5-8; 2 Khor 1:21, 22

Uqinisa futhi ukhokhela abantu bakaNkulunkulu lamuhla. Gal 5:16, 18

B. Amandla okuphila abizwa ngokuthi ngumoya

Ukuphila, kusekelwa yikuphefumula. Jak 2:26; Job 27:3

UNkulunkulu nguye olamandla adlula amandla okuphila. Zek 12:1; Tshu 8:8

Amandla okuphila kwabantu lawezinyamazana ngakaNkulunkulu. Tshu 3:19-21

Umoya ubekwa kuNkulunkulu ngethemba lokuthi kulokuvuswa kwabantu abafileyo. Luk 23:46

C. Kumele singasebenzelani lamadimoni

ILizwi likaNkulunkulu alikuvumi. Isay 8:19, 20; Lev 19:31; 20:6, 27

Ukubika ngekusasa yibudimoni; akuvunyelwa. ImiSeb 16:16-18

Kukhokhela umuntu ekubhujisweni. Gal 5:19-21; Isam 21:8; 22:15

Ukufunda izinkanyezi akuvunyelwa. Dut 18:10-12; Jer 10:2

43. Umphefumulo

A. Lokho umphefumulo oyikho

Umuntu ungumphefumulo. Ge 2:7, NW; 1 Khor 15:45, NW; Jos 11:11, NW; ImiSeb 27:37, NW

Izinyamazana lazo ziyimiphefumulo. AmaN 31:28, NW; Isam 16:3, NW; Lev 24:18, NW

Umphefumulo ulegazi, uyadla futhi uyafa. Jer 2:34, NW; Lev 7:18, NW; Hez 18:4

Umuntu olokuphila kuthiwa ulomphefumulo. Mk 8:36; Joh 10:15, NW

B. Umehluko phakathi komphefumulo lomoya

Ukuphila komuntu kumbe okwenyamazana ngumphefumulo. Joh 10:15 NW; Lev 17:11, NW

Amandla okuphila aphilisa umphefumulo abizwa ngokuthi “umoya.” IHu 146:4; 104:29, NW

Nxa umuntu esifa, ukusebenza kwamandla okuphila kubuyela kuNkulunkulu. Tshu 12:7, NW

NguNkulunkulu yedwa ongenza ukuthi amandla okuphila asebenze. Hez 37:12-14

44. Umthandazo

A. Imithandazo uNkulunkulu ayizwayo

UNkulunkulu uyayilalela imithandazo yabantu. IHu 145:18; 1 Phe 3:12

Kalaleli imithandazo yabangalunganga ngaphandle kokuthi bantshintshe izenzo zabo. Isay 1:15-17

Kumele sithandaze ngebizo likaJesu. Joh 14:13, 14; 2 Khor 1:20

Kumele sithandaze ngokuvumelana lentando kaNkulunkulu. 1 Joh 5:14, 15

Ukholo luqakathekile. Jak 1:6-8

B. Ukuphindaphinda amazwi afananayo emthandazweni, ukuthandaza kuMariya kumbe “abangcwele” kuyize

Kumele sithandaze kuNkulunkulu ngebizo likaJesu. Joh 14:6, 14; 16:23, 24

Kalaleli amazwi aphindaphindwayo. Mt 6:7