• Uhlelo Lweviki Eliqalisa Ngo-September 8
    INkonzo YoMbuso—2014 | September

    • Uhlelo Lweviki Eliqalisa Ngo-September 8

      IVIKI ELIQALISA NGO-SEPTEMBER 8

      Ingoma 133 loMthandazo

      Isifundo seBhayibhili Sebandla:

      cl isahl. 12 ¶16-​21, ibhokisi elisekhasini 127 (30 imiz.)

      Isikolo Senkonzo SamaKhristu:

      Ukubalwa kweBhayibhili: AmaNani 22-25 (10 imiz.)

      No. 1: AmaNani 22:36–23:10 (4 imiz. kumbe engaphansi)

      No. 2: USathane Kayisibo Bubi Obuphakathi Kwabantu​—rs k. 402 ¶1-3 (5 imiz.)

      No. 3: Ngobani Abaya Ezulwini?​—td 3A (5 imiz.)

      Umhlangano Wenkonzo:

      Ingoma 94

      15 imiz: Woba Lenhlonipho Nxa Utshumayela. (2 Khor. 6:3) Ingxoxo esekelwe emibuzweni elandelayo: (1) Kungani kuqakathekile ukuthi sibe lenhlonipho nxa sitshumayela? (2) Singatshengisa njani ukuthi silenhlonipho nxa (a) sifika endaweni esizatshumayela kuyo? (b) singena endlini ngendlu? (c) sesisemnyango? (d) esihamba laye esetshumayela? (e) umninimuzi ekhuluma? (f) umninimuzi ebambekile kumbe umkhathi ungemuhle? (g) umninimuzi esiphatha kubi?

      15 imiz: “Ukuthuthukisa Indlela Esitshumayela Ngayo​—Ukubeka Isendlalelo Sokuphindela.” Ingxoxo. Kakube lesiboniso sommemezeli okhuluma yedwa. Ummemezeli lo ulungiselela umbuzo oyisendlalelo sokuphindela futhi umbuzo lo uzawubuza nxa umninimuzi angamukela imagazini.

      Ingoma 68 loMthandazo

  • Ukuthuthukisa Indlela Esitshumayela Ngayo​—Ukubeka Isendlalelo Sokuphindela
    INkonzo YoMbuso—2014 | September

    • Ukuthuthukisa Indlela Esitshumayela Ngayo​—Ukubeka Isendlalelo Sokuphindela

      Kungani Kuqakathekile? Nxa singathola umuntu ofuna ukufunda iBhayibhili, kufanele sibuyele kuye ngosuku ayabe ekhona ngalo endlini ukuze sithelele inhlanyelo yeqiniso esiyihlanyelileyo. (1 Khor. 3:⁠6) Ukuze sikwenze lokhu kufanele sibeke isendlalelo ngokumbuza ukuthi singaphenduka nini. Okunye okungasisiza yikumbuza umbuzo esizaxoxa ngawo ngesikhathi esilandelayo. Lokhu kuzamenza afise ukuthi siphenduke futhi abale ibhuku esimtshiyele lona nxa kuyikuthi impendulo yombuzo esiwubuzileyo ikhona. Ukubeka isendlalelo sokuphenduka kwenza ukubuyela kube lula ngoba umninimuzi uyabe ekwazi elizaxoxa ngakho esikhathini esizayo. Nxa sesimbona esikhathini esizayo kumele simtshele ukuthi sizoxoxa laye ngombuzo esambuza wona.

      Zama Ukwenza Okulandelayo Kulinyanga:

      Nxa ulungiselela intshumayelo yakho, lungiselela lombuzo ozawuphendula nxa usuphindela. Xoxa labamemezeli otshumayela labo ngombuzo lowo.