Uhlelo Lweviki Eliqalisa Ngo-February 17

IVIKI ELIQALISA NGO-FEBRUARY 17

Ingoma 15 loMthandazo

□ Isifundo SeBhayibhili Sebandla

cl isahl. 3 ¶1-10 (30 imiz.)

□ Isikolo Senkonzo SamaKhristu:

Ukubalwa kweBhayibhili: UGenesisi 29-31 (10 imiz.)

No. 1: UGenesisi 29:​21-35 (4 imiz kumbe engaphansi)

No. 2: Lokho Ukuvuswa Kwabantu Abafileyo Okuzatsho Ebantwini Bonke​—⁠rs k. 412 ¶1–4 (5 imiz.)

No. 3: IBhayibhili LiLizwi LikaNkulunkulu Eliphefumulelweyo​—td 6A (5 imiz.)

□ Umhlangano Wenkonzo:

Ingoma 92

10 imiz: Tshengisa Umusa Lapho Utshumayela. Ingxoxo etholakala ebhukwini elithi-Ministry School, ikhasi 118 indima 1, kusiya ekhasini 119 indima 5.

5 imiz: Uyayisebenzisa Yini i-jw.org Enkonzweni Yakho? Ingxoxo. Cela izilaleli zitsho okuhle ezihlangane lakho lapho zisebenzisa i-jw.org enkonzweni. Khuthaza izilaleli ukuthi zitshele abanye nge-jw.org nxa kuvela ithuba.

15 imiz: “Yenza Isikhathi SeSikhumbuzo Salonyaka Sibe Ngesithokozisayo!” Imibuzo lezimpendulo. Cela labo abangaphilanga kuhle emzimbeni kumbe abelemisebenzi engabaniki isikhathi esinengi kodwa abahlela ukuba ngamaphayona asizayo ukuthi balandise indlela abazahlela ngayo ukuze benelise ukwengeza inkonzo yabo. Ngesikhathi selixoxa ngendima 3, cela umbonisi wenkonzo alandise ukuthi kuhlelweni ngemihlangano yenkonzo yasensimini ngo-March, April, lango May.

Ingoma 8 loMthandazo

Yenza Isikhathi SeSikhumbuzo Salonyaka Sibe Ngesithokozisayo!

1. Yiphi enye indlela esingengezelela ngayo intokozo yethu phakathi kwesikhathi seSikhumbuzo?

¹ Ungathanda ukwengezelela intokozo yakho phakathi lenyanga ka-March, April leka-May? Enye indlela yokukwenza lokhu yikwengezelela isikhathi osisebenzisa enkonzweni, kanti nxa kusenza, ube liphayona elisizayo. Lokhu kuzengezelela njani intokozo yakho?

2. Ukuthuthukisa inkonzo yethu kuzakwengezelela njani intokozo yethu?

² Engezelela Intokozo Yakho: UJehova wasidala ngendlela yokuthi sithokoze njalo sisuthiseke ngokumkhonza langokwanelisa isidingo sethu sokumkhonza esizalwa laso. (Mat. 5:3) Wasenza njalo ngendlela yokuthi senelise ukuthokoza nxa sisipha abanye. (ImiSeb. 20:35) Inkonzo isinika ithuba lokukhonza uNkulunkulu lokunceda abantu. Ngakho ukuhlanganyela ngokwengeziweyo enkonzweni kunika intokozo enkulu. Ngaphezu kwalokho, singasebenzisa isikhathi esinengi sitshumayela, indlela esitshumayela ngayo izathuthuka. Njengoba sithuthuka, siba lesibindi, uvalo lokwethuka besekuphela. Sizakuba lamathuba amanengi okutshumayela lokuqala izifundo zeBhayibhili. Lokho kwenza inkonzo ithokozise kakhulu.

3. Kungani izinyanga zika-March lo-April kuyizinyanga ezinhle zokuba liphayona elisizayo?

³ Kuzaba kuhle kakhulu ukuthi sibe ngamaphayona asizayo ngo-March lango-April ngoba ngalezo nyanga siyakhetha ukuthi sifuna ukutshumayela amahora angu-30 kumbe angu-50. Ngaphezu kwalokho, kusukela ngoMgqibelo mhlaka-22 March kusiya ngelanga leSikhumbuzo ngoMvulo mhlaka-14 April, sizahlanganyela emkhankasweni othokozisayo wokunxusela abantu eSikhumbuzweni. Amabandla azakuba lentokozo enkulu, njengoba abantu abanengi bezabe besebenza ‘bemanyene’ ukwenzela ukuthi kusetshenzwe insimu yonke ngesikhathi esabelweyo.​—Zef. 3:9.

4. Kumele senzeni nxa sifuna ukuba ngamaphayona asizayo?

⁴ Lungiselela Khathesi: Nxa ubungakalungiseleli, zinike ithuba lokuthi ukhangele ukuthi isikhathi sakho simi njani, ubusubona ukuthi ungantshintsha ngaphi ukuze wengezelele inkonzo yakho phakathi lenyanga eyodwa loba ezidlula lapho. Khuleka ngayo indaba le. (Jak. 1:5) Xoxa ngayo labanye emulini lasebandleni. (Zaga. 15:22) Uzathola ukuthi lanxa ungaphilanga kuhle loba umsebenzi wakho ungakuvumeli, lawe ungenelisa ukuba lentokozo etholakala ngobuphayona obusizayo.

5. Uzaba yini umpumela singengezelela inkonzo yethu ngesikhathi seSikhumbuzo salonyaka?

⁵ UJehova ufuna izikhonzi zakhe zithokoze. (Hubo. 32:11) Ukuzinikela kwethu ngamandla wonke ukuze sengezelele inkonzo yethu ngesikhathi seSikhumbuzo salonyaka, akusoze kuthokozise thina kuphela kodwa kuzathokozisa loBaba wethu osezulwini.​—Zaga. 23:24; 27:11.