AMAGUGU ASELIZWINI LIKANKULUNKULU | U-ISAYA 52-57
UKhristu Wahlupheka Ngenxa Yethu
“Weyiswa njalo waliwa ngabantu . . . Sathi utshaywe nguNkulunkulu, ebethwe nguye, njalo uhlutshiwe”
Abantu bameyisa uJesu njalo bamethesa icala lokuhlambaza. Abanye babekholwa ukuthi wayejeziswa nguNkulunkulu, kwakungani umhlasela ngesifo esenyanyekayo
“Kwakuyintando kaJehova ukumchoboza, . . . lentando kaJehova izaphumelela ngaye”
UJehova wabuzwa ubuhlungu ngesikhathi iNdodana yakhe ibulawa. Kodwa wathokoza ebona ukuthembeka kukaJesu. Ukufa kukaJesu kwaphendula insolo kaSathane yobuqotho bezinceku zikaNkulunkulu njalo kwenza lokuthi abantu abaphendukayo ezonweni bathole izibusiso ezinengi. Kanti njalo kwenza lokuthi ‘intando kaJehova’ iphumelele