INGXENYE 3

Kwakunjani Ukuphila EPharadayisi?

UJehova wanika uAdamu loEva izinto ezinengi ezinhle. UGenesisi 1:28

UJehova usedale u-Eva futhi umnika u-Adamu

UJehova wenza owesifazana wokuqala, uEva. UAdamu wasephiwa uEva ukuthi abe ngumfazi wakhe.—⁠UGenesisi 2:21, 22.

UJehova wabadala belengqondo lemizimba epheleleyo engela sici.

U-Adamu lo-Eva babuka ikhaya labo eliyiPharadayisi

Ikhaya labo eliyiPharadayisi kwakuyinsimu yase Edeni—indawo enhle okwamagama elomfula lenyamazana lezihlahla ezilezithelo.

UNkulunkulu wayekhuluma labo, ebafundisa. Nxa babezamlalela babezaphila kuze kube nini lanini emhlabeni oyiPharadayisi.

Kulesihlahla uNkulunkulu ayebatshele ukuthi bengadli kuso. UGenesisi 2:16, 17

Isihlahla uJehova ayetshele u-Adamu lo-Eva ukuthi bangasidli

UJehova watshengisa uAdamu loEva isihlahla esisodwa ensimini wasebatshela ukuthi akumelanga basidle ngoba bengasidla bazakufa.

Ingilosi embi, uSathane, isebenzisa inyoka ukuthi ikhulume lo-Eva

Eyinye yezingilosi zikaNkulunkulu yahlamuka kuye. Ingilosi leyi embi nguSathane uDeveli.

USathane wayangefuni uAdamu loEva balalele uNkulunkulu. Yikho ke wasebenzisa inyoka ukutshela uEva ukuthi uma engadla isithelo sesihlahla lesi, wayengasoze afe, kodwa wayezakuba njengoNkulunkulu. Eqinisweni lokhu kwakungamanga.—UGenesisi 3:1-5.