Amabhuku Asetshenziswe Ku-Gwalo Lwempilo Lenkonzo YamaKhristu
FEBRUARY 5-11
AMAGUGU ASELIZWINI LIKANKULUNKULU UMATHEWU 12-13
“Umzekeliso Wengqoloyi Lokhula”
(UMathewu 13:24-26) UJesu wabatshela omunye umzekeliso: ‘UMbuso wezulu unjengomuntu owahlanyela inhlanyelo enhle ensimini yakhe. 25 Kodwa kwathi ngesikhathi wonke umuntu elele, isitha sakhe seza sahlanyela ukhula phakathi kwengqoloyi, sahamba. 26 Kwathi ingqoloyi isikhahlele yabumba amazimba ukhula lalo lwavela.
“Khangelani, Mina Ngilani Insuku Zonke”
2 Izehlakalo ezenzakala ensimini yomlimi zitshengisa isikhathi lendlela uJesu azaqoqa ngayo abanjengengqoloyi phakathi kwabantu, okutsho amaKhristu agcotshiweyo azabusa laye eMbusweni wakhe. Ukuhlanyela kwaqalisa ngePhentekhosti lika-33 C.E. Ukuqoqwa kuzapheleliswa ngesikhathi abagcotshiweyo abazabe bephila ekucineni komumo wezinto befakwa uphawu okokucina besebehanjiswa ezulwini. (Mat. 24:31; Isam. 7:1-4) Njengoba nje ukugada phezu kwentaba kunceda umuntu ukuthi abone indawo emgombolozeleyo, umzekeliso lo usinceda ukuthi sibe lombono obanzi ngendlela izinto ezazizantshintsha ngayo okweminyaka engaba ngu-2 000. Ngombono wethu obanzi, yikuphi ukuntshintsha okuphathelane loMbuso esikuzwisisayo? Umzekeliso lo uchasisa ngesikhathi sokuhlanyela, sokukhula kanye lesokuvuna. Isihloko lesi sizagxila kakhulu esikhathini sokuvuna.
UKUNAKEKELWA NGUJESU NGONANZELELO
3 Ikhulu lesibili C.E. lisanda kuqalisa, ‘ukhula lwavela’ lapho amaKhristu amanga eqalisa ukubonakala emhlabeni wonke. (Mat. 13:26) Ekhulwini lesine, inani lamaKhristu anjengokhula laselisedlula khatshana elamaKhristu agcotshiweyo. Khumbula ukuthi emzekelisweni, izisebenzi zacela kumnininsimu imvumo yokuthi zisiphune ukhula. (Mat. 13:28) Umnininsimu waphendula wathini?
(UMathewu 13:27-29) “Izisebenzi zomnininsimu zeza kuye zathi, ‘Mnumzana, kanti kawuhlanyelanga yini imbewu elungileyo ensimini yakho na? Pho ukhula luvele ngaphi?’ 28 “Waphendula wathi, ‘Kwenziwe yisitha lokhu.’ Zambuza izisebenzi zathi, ‘Uyafuna yini ukuthi siyelusiphuna na?’ 29 “‘Waphendula wathi, ‘Hatshi, ngokuba lizakuthi lisiphuna ukhula liqabuke selisiphuna amabele kanye lalo.
“Khangelani, Mina Ngilani Insuku Zonke”
4 Ekhuluma ngengqoloyi lokhula uJesu wathi: “Kuyekeleni kukhule ndawonye kuze kube yisikhathi sokuvuna.” Umlayo lo uveza ukuthi kusukela ekhulwini lokuqala kuze kufike khathesi, amaKhristu agcotshiweyo afananiswa lengqoloyi abelokhu ekhona emhlabeni. Umcijo lo uphinda usekelwe yilokhu okwakhulunywa nguJesu ngemva kwesikhathi esithile etshela abafundi bakhe esithi: “Mina ngilani insuku zonke kuze kube sekupheleni kwesikhathi.” (Mat. 28:20, The Holy Bible in Ndebele) Ngakho-ke amaKhristu agcotshiweyo ayezaqhubeka evikelwa nguJesu izinsuku zonke kuze kufike isikhathi sokucina. Kodwa njengoba ayesekhulelwe ngamaKhristu amanga, asilaqiniso ukuthi ngobani sibili ababebumba iqembu lengqoloyi kulesosikhathi eside. Lanxa kunjalo kusasele amatshumi eminyaka ukuthi isikhathi sokuvuna siqalise, abanjengengqoloyi baqalisa ukubonakala. Kwenzakala njani lokhu?
(UMathewu 13:30) Kuyekeleni kukhule ndawonye kuze kube yisikhathi sokuvuna. Lapho-ke ngizakuthi kubavuni: Qalani ngokuqoqa ukhula lilubophe izinyanda ukuba lutshiswe; libe seliqoqa amabele liwalethe esiphaleni.’”
“Khangelani, Mina Ngilani Insuku Zonke”
10 Esokuqala, yikuqoqwa kokhula. UJesu uthi: ‘Ngesikhathi sokuvuna ngizakuthi kubavuni: Qalani ngokuqoqa ukhula lilubophe izinyanda.’ Ngemva kuka-1914, izingilosi zaqalisa ‘ukuqoqa’ amaKhristu alukhula ngokuwehlukanisa ‘lamadodana ombuso’ agcotshiweyo.—Mat. 13:30, 38, 41.
11 Njengoba umsebenzi wokuqoqa wawuthuthuka, ukungafanani kwamaqembu la amabili kwaqhubeka kucaca. (Isam. 18:1, 4) Ngo-1919 kwasekusegcekeni ukuthi iBhabhiloni eNkulu yayisiwile. Kuyini okwakusenza ukuthi kukhanye ukuthi kulomahluko omkhulu phakathi kwamaKhristu eqiniso lawamanga? Ngumsebenzi wokutshumayela. Ababekhokhela baqalisa ukugcizelela ukuthi kuqakathekile ukuthi uMfundi weBhayibhili munye ngamunye enze umsebenzi wokutshumayela ngoMbuso. Ngokwesibonelo iphetshana eladindwa ngo-1919 elalilesihloko esithi, To Whom the Work Is Entrusted, lakhuthaza wonke amaKhristu agcotshiweyo ukuthi atshumayele indlu ngendlu. Lalisithi: “Umsebenzi lo ukhanya unzima kodwa ngoweNkosi futhi ngamandla ayo sizaphumelela ukuwenza. Kuyisibusiso ukuba ngomunye wabawenzayo.” Bakwamukela njani lokhu? INqabayokulinda ka-1922 ilandisa ukuthi, kusukela khonapho bawuthuthukisa umsebenzi wabo wokutshumayela. Yikho-ke umsebenzi wokutshumayela indlu ngendlu wahle waba luphawu lwamaKhristu la athembekileyo futhi ulokhu uluphawu lwawo lalamuhla.
12 Esesibili yikuqoqwa kwengqoloyi. UJesu ulaya izingilosi zakhe esithi: ‘Qoqani amabele liwalethe esiphaleni sami.’ (Mat. 13:30) Kusukela ngo-1919 abagcotshiweyo bebeqoqwa belethwa ebandleni lobuKhristu elavuselelwayo. AmaKhristu agcotshiweyo azabe ephila kuze kube sekupheleni kwesikhathi, azaqoqwa okokucina ngesikhathi esamukela umvuzo wawo wasezulwini.—Dan. 7:18, 22, 27.
Ukuchwayisisa IMibhalo
(UMathewu 12:20) Umhlanga ofecekileyo kayiyikuwephula lentambo yesibane ethunqayo kayiyikuyicima, ize ilethe ukunqoba kokulunga.
nwtsty umcijo wokutaditsha okuMt 12:20
Intambo yesibane ethunqayo: Isibane esasisetshenziswa ezindlini sasibunjwa ngebumba besekugcwaliswa amafutha e-oliva. Intambo yayimunya amafutha ukuze isibane siqhubeke sibhebha. Umutsho wesiGrikhi othi ‘intambo yesibane ethunqayo’ ungatsho intambo elokhu isathunqa ngenxa yokuthi iyabe ilokuyinhlansi okuncane lanxa ilangabi liyabe seliphela kumbe selicitshiwe. Isiphrofetho esiku-Isaya 42:3 sakhuluma ngozwela lukaJesu, ukuthi kasoze acitshe inhlansi yethemba yabantu abathobekileyo labathwele nzima.
(UMathewu 13:25) Kodwa kwathi ngesikhathi wonke umuntu elele, isitha sakhe seza sahlanyela ukhula phakathi kwengqoloyi, sahamba.
Ubukwazi Yini?
Kuliqiniso yini ukuthi endulo umuntu wayengangena ensimini yomunye ahlanyele ukhula?
KUMATHEWU 13:24-26 uJesu wathi: “UMbuso wezulu unjengomuntu owahlanyela inhlanyelo enhle ensimini yakhe. Kodwa kwathi ngesikhathi wonke umuntu elele, isitha sakhe seza sahlanyela ukhula phakathi kwengqoloyi, sahamba. Kwathi ingqoloyi isikhahlele yabumba amazimba ukhula lalo lwavela.” Abanye abalobi abatshiyeneyo bayakwala ukuthi lokhu uJesu akutshoyo emzekelisweni lo kwakusenzakala sibili kudala. Kodwa izingwalo zasendulo zomthetho wamaRoma ziyakuveza ukuthi lokhu kwakusenzakala.
Esinye isichazamazwi seBhayibhili sithi: “Ukuhlanyela ukhula ensimini yomunye ukuze uphindisele . . . kwakulicala emthethweni wamaRoma. Khona nje ukuthi kwakulomthetho owawusenqabela isenzo lesi kutshengisa ukuthi abantu babekwenza lokhu.” Ingcitshi yezomthetho okuthiwa ngu-Alastair Kerr iveza ukuthi ngo-533 C.E., uMbusi weRoma uJustinian wabhala ibhuku lakhe elalifinqa umthetho wamaRoma njalo ecaphuna lamanye amazwi ayekhulunywa ngabatshutshisi ababephatha amacala ngeminyaka yabo-100 kusiya ku-250 C.E. Ebhukwini leli (Digest, 9.2.27.14) umlobi uveza ukuthi umtshutshisi u-Ulpian wakhuluma ngecala elake lathoniswa ngumbusi weRoma uCelsus ngekhulu lesibili. Icala lelo laliphathelane lomuntu owahlanyela ukhula ensimini yomunye futhi lokhu kwaphambanisa ukukhula kwengqoloyi. Ebhukwini leli kulandiswa lokho umthetho owawukutsho ukuze lowo owonelweyo athole inhlawulo yakhe kulowo owenze icala.
Ukuthi ukuganga lokhu kwakusenziwa endulo ngesikhathi soMbuso wamaRoma kuyibufakazi bokuthi lokhu uJesu akutshoyo emzekelisweni wakhe kwakuyinto eyayisenzakala sibili.
Ukubalwa KweBhayibhili
FEBRUARY 12-18
AMAGUGU ASELIZWINI LIKANKULUNKULU UMATHEWU 14-15
“Ukupha Abanengi Ukudla Kusetshenziswa Izandla Ezilutshwana”
(UMathewu 14:16, 17) UJesu waphendula wathi, “Kakudingeki ukuthi bahambe. Bapheni lina ukudla.” 17 Baphendula bathi, “Thina esilakho lapha yizinkwa ezinhlanu lezinhlanzi ezimbili.”
Ukupha Abanengi Ukudla Kusetshenziswa Izandla Ezilutshwana
2 UJesu uthi ebona lelixuku labantu elikhulu, alizwele usizi abesesilisa abagulayo futhi alifundise izinto ezinengi eziphathelane loMbuso kaNkulunkulu. Kuthi sekuntambama abafundi bakhe bamtshela ukuthi kayekele abantu bahambe ukuze bayezithengela ukudla emizini eseduzane. Kodwa uJesu uthi kubafundi bakhe: “Bapheni lina ukudla.” Kumele ukuthi amazwi akhe ayabamangalisa, ngoba ukudla abalakho kulutshwana kakhulu, izinkwa ezinhlanu lokuzinhlanzi okungatsholutho.
(UMathewu 14:18, 19) Wathi, “Kuletheni lapha.” 19 Wasetshela abantu ukuthi kabahlale phansi etshanini. Wasethatha izinkwa zonhlanu lezinhlanzi zombili wakhangela ezulwini wabonga, wasehlephula izinkwa. Waseziqhubela abafundi, abafundi labo bazinika abantu.
Ukupha Abanengi Ukudla Kusetshenziswa Izandla Ezilutshwana
3 Efuqwa yisihawu, uJesu wenza isimangaliso, okuyiso sodwa esibhalwe kuwo womane amaVangeli. (Makho 6:35-44; Luka. 9:10-17; Joha. 6:1-13) UJesu uthuma abafundi bakhe ukuthi batshele abantu ukuthi bahlale phansi etshanini babe ngu-50 kumbe 100 iqembu ngalinye. Ngemva kokubonga, uhlephula izinkwa kanye lezinhlanzi. Kulokuthi yena anike abantu, uJesu ‘uqhubela abafundi, abafundi labo bazinika abantu.’ Kuyisimanga ukuthi ukudla kwenela bonke abantu kuze kusale! Akucabange: UJesu usephe izinkulungwane zabantu ukudla esebenzisa izandla ezilutshwana, abafundi bakhe.
(UMathewu 14:20, 21) Bonke badla basutha, abafundi bakhe babutha imvuthu ezasalayo bagcwalisa izitsha ezilitshumi lambili. 21 Inani lalabo abadlayo lalingaba ngamadoda ayizinkulungwane ezinhlanu, ngaphandle kwabesifazana labantwana.
nwtsty umcijo wokutaditsha okuMt 14:21
ngaphandle kwabesifazana labantwana: UMathewu nguye yedwa okhuluma ngabesifazana labantwana nxa elandisa ngesimanga lesi. Kungenzakala ukuthi bonke abadlayo babedlula 15 000.
Ukupha Abanengi Ukudla Kusetshenziswa Izandla Ezilutshwana
AKUSIBONE ngelihlo lengqondo isehlakalo lesi. (Bala uMathewu 14:14-21.) Sekusele isikhatshana ukuthi iPhasika lika-32 C.E., lifike. Ixuku lamadoda angu-5 000 kungabalwa abesifazana labantwana, liloJesu labafundi bakhe endaweni esesikhaleni eduze leBhethisayida, esabelweni esisenyakatho ekhunjini loLwandle lwaseGalile.
Ukuchwayisisa IMibhalo
(UMathewu 15:7-9) Lina bazenzisi! u-Isaya wayeqondile aze aphrofethe ngani athi: “Lababantu bangihlonipha ngezindebe zabo, kodwa izinhliziyo zabo zikhatshana kwami. Bangikhonza ngeze; izimfundiso zabo yimithetho kuphela efundiswa ngabantu.”
nwtsty umcijo wokutaditsha okuMt 15:7
bazenzisi: Ibala lesiGrikhi elithi hy·po·kri·tesʹ lalisitsho abalingiswa bemidlalo abangamaGrikhi (ngokuya kwesikhathi labeRoma) ababegqoka izinto ezivala ubuso njalo ezikhulisa lelizwi. Ibala leli lacina selisetshenziswa njengesingathekiso lisitsho umuntu ofihla inhloso zakhe loba ubuntu bakhe ngokuzenza umuntu olungileyo. UJesu uthi abakhokheli benkolo abangamaJuda ‘ngabazenzisi.’—Mt 6:5, 16.
(UMathewu 15:26, NW) Wamphendula wathi: “Akuqondanga ukuthatha isinkwa sabantwana usiphosele imidlwane.”
nwtsty umcijo wokutaditsha okuMt 15:26
sabantwana . . . imidlwane: UMthetho kaMosi wawusithi izinja zingcolile. Yikho izikhathi ezinengi iMibhalo isebenzisa ibala leli ngendlela yokuthethisa. (Lev 11:27; Mt 7:6; Flp 3:2; Isam 22:15) Kodwa endabeni ekuMakho (7:27) lekuMathewu, uJesu wasebenzisa ibala elithi “imidlwane” ukuze atshengise ukuthi wayengathethisi. Mhlawumbe lokhu kutshengisa ukuthi uJesu wasebenzisa ibala elalisetshenziswa ezifuyweni ezazigcinwa ezindlini zalabo abangayisiwo maJuda. Ngesikhathi uJesu efananisa ama-Israyeli ‘labantwana’ futhi efananisa labo abangayisiwo maJuda ‘lemidlwane’ wayefuna ukutshengisa ukuthi okuqakathekileyo yikuphi. Emulini elabantwana lezinja, abantwana yibo abaqala ukuphiwa ukudla.
Ukubalwa KweBhayibhili
FEBRUARY 19-25
AMAGUGU ASELIZWINI LIKANKULUNKULU UMATHEWU 16-17
“Ucabanga Izinto Zikabani?”
(UMathewu 16:21) Kusukela ngalesosikhathi uJesu waqalisa ukuchazela abafundi bakhe ukuthi wayemele aye eJerusalema ayehlupheka ngezinto ezinengi ezandleni zabadala, abaphristi abakhulu labafundisi bomthetho, njalo lokuthi wayemele abulawe kuthi ngelanga lesithathu avuswe aphile. (UMathewu 16:22, NW) UPhetro uthe esizwa lokhu wamdonsela eceleni, wamkhuza esithi: “Zizwele isihawu Nkosi; lokho ngeke kwenzeke kuwe loba sekutheni.”
w07-ZU 2/15 16 ¶17
Madoda—Lingisani Ubunhloko BukaKristu
17 Kwesinye isenzakalo, uJesu wachazela abaphostoli bakhe ukuthi kumelwe aye eJerusalema nokuthi wayeyoshushiswa lapho ‘ngamadoda amadala nabapristi abakhulu nababhali, abulawe, avuswe ngosuku lwesithathu.’ Lapho ezwa lokhu, uPetru wambizela eceleni uJesu wamkhuza, ethi: “Yiba nomusa kuwe, Nkosi; ngeke neze ube nalesi siphetho.” Kusobala ukuthi umbono kaPetru wawufiphazwe umzwelo. Wayedinga ukulungiswa. Ngakho, uJesu wathi kuye: “Yana emva kwami, Sathane! Uyisikhubekiso kimi, ngoba awucabangi imicabango kaNkulunkulu, kodwa eyabantu.”—Mathewu 16:21-23.
(UMathewu 16:23, NW) Kodwa yena wamfulathela uPhetro, wathi kuye: “Yana emva kwami Sathane! Uyisikhubekiso kimi, ngoba kawucabangi imicabango kaNkulunkulu, kodwa ucabanga eyabantu.”
Qaphela! USathane Ukufuna Ngabomvu
16 USathane angenelisa lokuqila izinceku zikaJehova ezikhutheleyo. Ngokwesibonelo, ake sikhangele ukuthi kwahamba njani lapho uJesu etshela abafundi bakhe ukuthi kwasekuseduze ukuthi abulawe. UPhetro wathi esizwa lokhu wambizela eceleni wathi kuye: “Woba lomusa kuwe, Nkosi; lokhu kakusoze kwafa kwenzakala kuwe.” Lanxa uPhetro wayengabe engahlosanga okubi, uJesu wamphendula wathi: “Yana emva kwami, Sathane!” (Mat. 16:22, 23, NW) Kungani uJesu wabiza uPhetro ngokuthi “Sathane”? Wayekwazi ukuthi sasesizafika isikhathi sokuthi afe ukuze abe ngumhlatshelo wenhlawulo futhi atshengise ukuthi uDeveli ungusomangase. Lesi kwakungayisiso sikhathi sokuthi uJesu abe ‘lomusa kuye.’ Kwakuyisikhathi esiqakatheke kakhulu ngenxa yokuthi ukufa kwakhe kwakuzahlenga abantu. Ngabe uJesu waphongulibala kancane nje iqhinga likaSathane lalizabe liphumelele.
17 Lathi siphila esikhathini esinzima kakhulu ngoba ukuphela sekuseduze. USathane ufuna “sibe lomusa” kithi kulokuthi sihlale silindile. Uzama ukusiyenga ukuthi sigijimisane lezinto zomhlaba lo ezingabangela ukuthi sicine sikhohlwa ukuthi ukuphela sekuseduze. Yikho-ke kasihlaleni ‘silindile’ singavumi ukuqilwa sikhangele! (Mat. 24:42) Akumelanga siwakholwe amanga aluhlaza afafazwa nguSathane ezama ukusiyenga esithi ukuphela kukhatshana kumbe ngeke kwafa kwafika.
(UMathewu 16:24, NW) UJesu wasesithi kubafundi bakhe: “Loba ngubani ofuna ukungilandela, kazidele, athathe isigodo sakhe sokuhlutshwa, aqhubeke engilandela.
w06-ZU 4/1 23 ¶9
‘Hambani Niyokwenza Abafundi, Nibabhapathize’
9 Ukulandela isibonelo sikaJesu sokwenza intando kaNkulunkulu kuhilelani? UJesu wathi kubafundi bakhe: “Uma umuntu efuna ukungilandela, makazidele athathe isigxobo sakhe sokuhlushwa angilandele njalo.” (Mathewu 16:24) Zintathu izinto azichaza lapha. Okokuqala ukuba ‘sizidele.’ Ngamanye amazwi, siyenqaba ukubuswa ukuthambekela kwethu kokungapheleli kobugovu, samukele iseluleko nesiqondiso sikaNkulunkulu. Okwesibili, ‘sithatha isigxobo sethu sokuhlushwa.’ Ngosuku lukaJesu isigxobo sokuhlushwa sasifanekisela ihlazo nokuhlupheka. NjengamaKristu, siyavuma ukuthi siyohlupheka ngenxa yezindaba ezinhle. (2 Thimothewu 1:8) Nakuba izwe lingase lisiklolodele noma lisigxeke, ‘siyalidelela ihlazo’ njengoKristu, sethaba ngokwazi ukuthi sithokozisa uNkulunkulu. (Hebheru 12:2) Okokugcina, silandela uJesu “njalo.”—IHubo 73:26; 119:44; 145:2.
Ukuchwayisisa IMibhalo
(UMathewu 16:18) Yikho ngiyakutshela ukuthi unguPhetro, njalo phezu kwalelidwala ngizakwakha ibandla lami, futhi amasango aseHadesi akayikulahlula.
nwtsty umcijo wokutaditsha okuMt 16:18
unguPhetro, njalo phezu kwalelidwala: Ibala lesiGrikhi elithi peʹtros elisetshenziswa kwabesilisa litsho “isiqephu sedwala, loba ilitshe.” Lapha lisetshenziswe njengebizo qho (Phetro), ngesiGrikhi okuyilo ibizo uJesu alinika uSimoni. (Joh 1:42) Elesifazana elithi peʹtra litsho “idwala,” njalo lingatsho idwala eliyisisekelo loba idwala elikhulu. Ibala leli lesiGrikhi liyatholakala kuMt 7:24, 25; 27:60; Luk 6:48; 8:6; Ro 9:33; 1Khor 10:4; 1Phe 2:8. Kufanele ukuthi uPhetro kazange azibone eyilo idwala lapho uJesu ayezakwakhela khona ibandla lakhe ngoba ku-1Phe 2:4-8 wathi kwakukhulunywe kudala ukuthi uJesu nguye “ilitshe lengosi” loba ilitshe eliyisisekelo, elikhethwe nguNkulunkulu. Umphostoli uPhawuli laye wathi uJesu ‘yisisekelo’ ‘ledwala lomoya.’ (1Khor 3:11; 10:4) Ngamanye amazwi uJesu wayesitsho ukuthi: ‘Wena, engakubiza ngokuthi Phetro, Isiqephu Sedwala, usumazi kuhle uKhristu, ‘lelidwala,’ onguye ozakuba yisisekelo sebandla lobuKhristu.’
ibandla: Ngokokuqala ukuthi ibala lesiGrikhi elithi ek·kle·siʹa lisetshenziswe. Libunjwe ngamabala amabili esiGrikhi; elithi ek, okutsho ukuthi “phandle” kanye lelithi ka·leʹo, elitsho “ukubiza.” Litsho iqembu labantu elibizelwe ndawonye ukuze lizokwenza okuthile. Endabeni le uJesu watshengisa ukuthi ibandla lobuKhristu lalizabunjwa ngamaKhristu agcotshiweyo, ‘amatshe aphilayo’ ‘akhiwayo ukuba yindlu yokomoya.’ (1Phe 2:4, 5) Ibala leli lesiGrikhi lisetshenziswa kakhulu ku-Septuagint njalo lifanana lelesiHebheru elitsho “ibandla,” elandise ukusetshenziswa nxa kukhulunywa ngesizwe sonke sabantu bakaNkulunkulu. (Dut 23:3; 31:30) Ku-ImiSeb 7:38, ama-Israyeli aphuma eGibhithe abizwa ngokuthi ‘libandla.’ Ngokufananayo amaKhristu ‘abizwa esemnyameni’ njalo ‘akhethwa esemhlabeni’ yiwo abumba ‘ibandla likaNkulunkulu.’—1Phe 2:9; Joh 15:19; 1Khor 1:2.
(UMathewu 16:19) Ngizakupha amakhiye oMbuso wasezulwini; loba kuyini okubophayo emhlabeni kuzabotshwa ezulwini, njalo loba kuyini okuthukululayo emhlabeni kuzathukululwa ezulwini.’
nwtsty umcijo wokutaditsha okuMt 16:19
amakhiye oMbuso wasezulwini: EBhayibhilini labo ababephiwa amakhiye kungaba ngawoqobo loba afanekiselayo, babelesikhundla esithile. (1Lan 9:26, 27; Isay 22:20-22) Yikho ibala elithi “amakhiye” kwesinye isikhathi lalisitsho isikhundla loba umsebenzi othile. UPhetro wasebenzisa “amakhiye” ayewaphiwe ukuze avulele amaJuda (ImiSeb 2:22-41), amaSamariya (ImiSeb 8:14-17), kanye labeZizweni (ImiSeb 10:34-38) ithuba lokwemukela umoya kaNkulunkulu ukuze bangene eMbusweni wezulu.
Ukubalwa KweBhayibhili
FEBRUARY 26–MARCH 4
AMAGUGU ASELIZWINI LIKANKULUNKULU UMATHEWU 18-19
“Ungakhubekisi Abanye Njalo Lawe Ungakhubeki”
(UMathewu 18:6, 7, NW) Kodwa loba ngubani okhuba omunye walaba abancane abalokholo kimi, kungaba ngcono kuye ukuthi kugaxwe entanyeni yakhe inkalakatha yelitshe lokuchola, elidonswa ngubabhemi, abesephoselwa enzikini yolwandle. 7 “Maye kuwo umhlaba ngoba wenza abantu bakhubeke! Khona akusoze kwenzakale ukuthi izinto ezikhubayo zingabi khona, kodwa maye kulowo owenza abanye bakhubeke!
nwtsty imicijo yokutaditsha ekuMt 18:6, 7
inkalakatha yelitshe lokuchola, elidonswa ngubabhemi: NgesiGrikhi, “ilitshe lokuchola likababhemi.” Ilitshe leli lalingaba ngamamitha angu-1,2 kusiya kwangu-1,5 ububanzi njalo lalisinda okokuthi kwakumele lize lidonswe ngubabhemi.
izinto ezikhubayo: Kucatshangwa ukuthi ibala lesiGrikhi elithi skanʹda·lon, elitsho “into ekhubayo,” mdabuko walo lalisitsho isithiyo njalo abanye bathi kwakutshiwo ugodo olusesithiyweni okwakufakwa kulo okokuthiya. Kodwa ibala leli lacina selisitsho loba yini engakhuba loba iwise omunye. Lingasetshenziswa nxa kukhulunywa ngesenzo loba isimo esingenza umuntu acine esephambuka endleleni eyiyo, ukukhubeka kumbe ukuwela esonweni. KuMt 18:8, 9 ibala eliyisenzo elithi skan·da·liʹzo, elihunyutshwe ngokuthi “khubekisa” lingatsho “ukuba yisithiyo; ukubangela ukona.”
nwtsty amapikitsha
Ilitshe lokuchola
Amatshe okuchola ayesetshenziswa ukuchola amabele lokuhluza amafutha kuma-oliva. Amanye ayebhodiswa ngesandla kodwa amanye ayemakhulu okokuthi kwasekudinga inyamazana ukuthi iwadonse. Mhlawumbe lilitshe elikhulu elihambelana lalelo amaFilisti abamba uSamsoni ngamandla ukuthi alibhodise. (Hlu 16:21) Amatshe ayedonswa zinyamazana ayekhona lasezindaweni ezinengi ezazingaphansi koMbuso weRoma.
Ilitshe Lokuchola Lelokucholela
Ilitshe lokuchola elinjengaleli elisepikitsheni lalidonswa yisifuyo ngokwesibonelo ubabhemi njalo lalisetshenziswa ukuchola amabele kumbe ukupatshaza ama-oliva. Amanye amatshe okuchola ayengaba ngamamitha angu-1,5 ububanzi, elokucholela libe likhulu kulalapho.
(UMathewu 18:8, 9) Aluba isandla sakho kumbe unyawo lwakho lukwenzisa isono kuqume ukulahle. Kungcono kuwe ukuba ungene ekuphileni uyingini kumbe ugogekile kulokuba lezandla ezimbili kumbe izinyawo ezimbili ujinge uphoselwe emlilweni waphakade. 9 Aluba ilihlo lakho likwenzisa isono, likopole ulilahle. Kungcono kuwe ukungena ekuphileni ulelihlo elilodwa kulokuba lamehlo amabili kodwa uphoselwe emlilweni wesihogo [“eGehena,” NW].
nwtsty umcijo wokutaditsha okuMt 18:9
EGehena: Ibala leli lisukela emabaleni esiHebheru athi geh hin·nomʹ atsho “isigodi saseHinomi,” sona esasisentshonalanga leningizimu yeJerusalema. (Khangela sgd Ingxenye 16-A, imephu “IJerusalema Lezindawo Eziseduze Kwayo.”) Ngesikhathi uJesu esasemhlabeni izibi zazitshiselwa esigodini leso, yikho ibala elithi “Gehena” lalikufanekisela kuhle ukutshabalaliswa ngokupheleleyo.
nwtstg INgcazelo Yamabala
IGehena
Leli libala lesiGrikhi iSigodi SaseHinomi esasibizwa ngalo. Isigodi lesi sasiseningizimu ntshonalanga yeJerusalema. (Jer 7:31) Kwaphrofethwa ukuthi izidumbu zazizalahlelwa endaweni le. (Jer 7:32; 19:6) Akulabufakazi obutshengisa ukuthi izinyamazana loba abantu kwakuphoselwa eGehena ukuze kutshiswe loba kuhlukuluzwe emlilweni, yikho isigodi lesi sasingeke simele indawo engabonakaliyo lapho imiphefumulo yabantu etshiswa khona phakade. UJesu labafundi bakhe basebenzisa ibala leli elifanekisela isijeziso esiphakade ‘esiyikufa kwesibili,’ loba ukutshabalaliswa phakade.—Isam 20:14; Mt 5:22, NW; 10:28, NW.
(UMathewu 18:10) Nanzelelani ukuthi lingeyisi lamunye walaba abancinyane. Phela ngilitshela ukuthi izingilosi zabo ezulwini zihlezi zibubona ubuso bukaBaba ezulwini.
nwtsty umcijo wokutaditsha okuMt 18:10
zibubona ubuso bukaBaba: Kumbe “ziloBaba.” Izingilosi yizo zodwa ezenelisa ukubona ubuso bukaNkulunkulu ngenxa yokuthi zilaye ezulwini.—Eks 33:20.
w10-ZU 11/1 16
Indlela Izidalwa Zomoya Ezisithinta Ngayo
UJesu wembula ukuthi izingelosi zinomthwalo wemfanelo wokusiza izinceku zikaNkulunkulu ukuba zihlale zinobuhlobo obuhle naYe. Ngakho, lapho exwayisa abafundi bakhe ngokukhuba abanye, wathi: “Qaphelani ukuba nina madoda ningadeleli noyedwa walaba abancane; ngoba ngiyanitshela ngithi izingelosi zabo ezulwini zibubona ngaso sonke isikhathi ubuso bukaBaba osezulwini.” (Mathewu 18:10) UJesu wayengasho neze ukuthi umlandeli wakhe ngamunye unengelosi yakhe. Kodwa wabonisa ukuthi izingelosi ezisebenza eduze noNkulunkulu zinesithakazelo esikhulu emalungwini ebandla lobuKristu.
Ukuchwayisisa IMibhalo
(UMathewu 18:21, 22) UPhetro weza kuJesu wabuza wathi, “Nkosi, umfowethu ngizamthethelela kangaki nxa elokhu engona na? Kuze kube kakhombisa na?” 22 UJesu waphendula wathi, “Ngithi, hatshi kakhombisa, kodwa okwezikhathi ezingamatshumi ayisikhombisa lesikhombisa.
nwtsty umcijo wokutaditsha okuMt 18:22
okwezikhathi ezingamatshumi ayisikhombisa lesikhombisa: NgesiGrikhi ibala leli litsho “amatshumi ayisikhombisa aphindwe kasikhombisa.” Umutsho lo wesiGrikhi ungatsho “amatshumi ayisikhombisa lesikhombisa” (izikhathi ezingamatshumi ayisikhombisa lesikhombisa) kumbe “amatshumi ayisikhombisa aphindwe kasikhombisa” (izikhathi ezingu-490). Umutsho ofananayo wesiHebheru wahunyutshwa ku-Septuagint embhalweni kaGe 4:24 ngokuthi “izikhathi ezingamatshumi ayisikhombisa lesikhombisa.” Ukuphindwa kuka-7 kwakufanana lokuthi “okungapheliyo” loba “okungelamkhawulo” kungelani lokuthi umutsho lo uhunyutshwe njani. Lapho uJesu entshintsha izikhathi eziyisikhombisa uPhetro ayekhulume ngazo zisiba ngezingamatshumi ayisikhombisa lesikhombisa, wayefundisa abalandeli bakhe ukuthi kungabi lalapho abakhawula khona nxa bethethelela abanye. Kodwa ibhuku okuthiwa yi-Babylonian Talmud (Yoma 86b) lithi: “Nxa umuntu angaphambanisa kuze kube kathathu uyaxolelwa, kodwa angaphambanisa okwesine kaxolelwa.”
(UMathewu 19:7) Babuza bathi, “Kungani pho uMosi walaya ukuthi indoda imuphe umkayo incwadi yesahlukaniso imxotshe?”
nwtsty umcijo wokutaditsha okuMt 19:7
incwadi yesahlukaniso: Kumbe “incwadi yokuchitha umtshado.” UMthetho wawusithi indoda esifuna ukwehlukana lomkayo kumele imlobele incwadi esemthethweni, mhlawumbe iye lasebadaleni bako-Israyeli ngodaba lolu. Lokhu kwakuyinika isikhathi sokuthi icabangisise ngalokho eyayisikhethe ukukwenza hlezi intshintshe ingqondo. UMthetho lo wawenzelwe ukuthi abantu bangachithi umtshado mahlayana nje futhi uvikela abesifazana. (Dut 24:1) Kodwa ngesikhathi uJesu esasemhlabeni, abakhokheli benkolo basebekwenze kwaba lula ukuchitha umtshado. UJosephus, owezembali owaphila ngesikhathi sabaphostoli owayeyehlukane lomkakhe futhi engumFarisi wathi, ukuchitha umtshado kwakuvunyelwa “kungelani lokuthi kwenzakaleni (njalo isikhathi esinengi ngamadoda akwenzayo lokho).”
nwtsty ipikitsha
Incwadi Yokuchitha Umtshado
Incwadi le yokuchitha umtshado yalotshwa ngesi-Aramu ngo-71 kumbe 72 C.E. Yatholakala eceleni elisenyakatho lendawo okuthiwa yiWadi Murabbaat eseNkangala YaseJudiya. Encwadini le kulotshwe ukuthi ngomnyaka wesi-6 wokuvukela kwamaJuda, uJoseph indodana kaNaqsan owayehlala edolobheni laseMasada wehlukana loMiriam indodakazi kaJonathan.
Ukubalwa KweBhayibhili