Bazali Ncedani Abantwabenu Ukuthi Baphumelele

Abazali abesaba uNkulunkulu bafisa ukubona abantwababo besiba yizikhonzi zikaJehova ezithembekileyo. Bangabancedisa ukuthi benze njalo ngokuhlanyela imfundiso yeBhayibhili ezinhliziyweni zabo besesebancane. (Dut 6:7; Zag 22:6) Lokhu kudinga ukuzinikela kodwa kuletha intokozo enkulu.​—3Jo 4.

Abazali bangafunda okunengi kuJosefa loMariya. Babehamba ‘minyaka yonke eJerusalema belanda uMkhosi wePhasika,’ lanxa kwakungumsebenzi onzima futhi kubiza imali. (Luk 2:41) Okwakuqakatheke kakhulu kuJosefa loMariya yikuthi imuli yabo isondele eduze kukaJehova. Ngokufananayo, abazali lamuhla bangaqondisa abantwababo ngokwenza konke abangakwenza ukuthi babafundise ngamazwi langesibonelo sabo.​—Hu 127:3-5.

BUKELANI IVIDIYO ETHI BENZA KONKE ABABENGAKWENZA, BESELIPHENDULA IMIBUZO ELANDELAYO:

• UJon loSharon Schiller baqhubeka njani bekhonza uJehova ngapha benakekela imuli yabo?

• Kungani kumele abazali bafundise njalo baqondise abantwababo kusiya ngezidingo zabo?

• Abazali bangabasiza njani abantwababo ukuthi bamelane lezilingo ezihlasela ukholo lwabo?

• Yiwaphi amathuluzi esiwaphiwa yinhlanganiso kaJehova oke wawasebenzisa ukuthi uncede abantwabakho babe ngabangane bakaJehova?