ISIFUNDO 4

Yethule Kuhle Imibhalo

UMathewu 22:41-45

OKUMELE UKWENZE: Qala uwendlalele umbhalo ungakawubali ukuze abakulaleleyo bafise ukuzwa ukuthi uthini.

Zibuze ukuthi uwubalelani umbhalo. Yethula umbhalo ngamunye ngendlela ezakwenza abantu okhuluma labo bawubone lula umcijo oqakathekileyo ofuna bawuthole.

Hlolisisa indaba okuthethwe kuyo umbhalo ofuna ukuwubala. Nxa ufuna ukutsho ukuthi amazwi asevesini oyibalayo akhulunywa ngubani lokuthi abhalwa ngubani, woba leqiniso lokuthi okutshoyo kuqondile.
Vumela iBhayibhili lizikhulumele. Nxa ukhuluma labantu abakholwa kuNkulunkulu, lisebenzise kakhulu iBhayibhili ukuze kukhanye ukuthi okutshoyo kuvela eLizwini likaNkulunkulu lokuthi lilamacebo angcono kulawo wonke asebenzayo empilweni.
Yenza abakulaleleyo bafise ukuzwa umbhalo ozawubala. Babuze umbuzo ozaphendulwa yivesi ozayibala, kumbe ukhulume ngohlupho okwaziyo ukuthi ivesi ithi luzalungiswa njani, loba uqale utsho isimiso esizacaciswa yindaba ozayibala eBhayibhilini.

Zibuze ukuthi kuyini abakwaziyo ngendaba okhuluma ngayo langombhalo owubalayo. Lanxa umbhalo bewujayele, wethule ngendlela ekhangayo njalo ubancede ukuthi bawubone ngelinye ilihlo kumbe bawuzwisise ngendlela entsha.