Abatshadileyo Bangawuqinisa Njani Umtshado Wabo?

U-Abhrahama loSara bayisibonelo esihle kwabatshadileyo ngoba babethandana futhi behloniphana. (Gen 12:11-13; 1Pe 3:6) Kodwa lokhu akutsho ukuthi izinto zonke zazitshelela emtshadweni wabo. Abatshadileyo bangafundani ku-Abhrahama loSara?

Hlalani lixoxa lonke. Ungazondi nxa otshade laye angakhuluma amazwi abuhlungu ngesikhathi ecaphukile. (Gen 16:5, 6) Hlelani isikhathi sokuba ndawonye. Kumele okukhulumayo lokwenzayo kutshengise ukuthi uyamthanda omunye wakho. Okuqakatheke ukwedlula konke yikutaditsha lonke, ukuthandaza lonke, kanye lokukhonza ndawonye. Lokhu kuzakwenza lobabili libe ngabangane bakaJehova. (Tsh 4:12) Imitshado eqinileyo yenza uJehova, uMsunguli womtshado, adunyiswe.

BUKELANI IVIDIYO ETHI INDLELA ONGAQINISA NGAYO UMTSHADO WAKHO, BESELIPHENDULA IMIBUZO ELANDELAYO:

• Yiziphi izinto ezazitshengisa ukuthi uShaan loKiara babengasazwanani?

• Kungani kuqakathekile ukuthi abatshadileyo bangafihlelani lutho?

• Isibonelo sika-Abhrahama loSara sabanceda njani?

• Kuyini okwenziwa nguShaan loKiara ukuze baqinise umtshado wabo?

• Kungani kumele abatshadileyo bakulindele ukuthi bazaba lenhlupho emtshadweni?