Amabhuku Asetshenziswe Kugwalo Lwempilo Lenkonzo YamaKhristu
MAY 4-10
“Abanewabo BakaJosefa Bamenzela Umhawu”
w14-ZU 8/1 12-13
“Ngicela Nilalele Iphupho Engiliphuphile”
IBhayibheli liyaphendula: “Lapho abafowabo bebona ukuthi uyise wayemthanda ngaphezu kwabo bonke abafowabo, baqala ukumzonda, futhi babengakwazi ukukhuluma naye ngokuthula.” (Genesise 37:4) Umona wabo ungase uqondakale, kodwa kwakuwubuwula ngabo ukuvumela ukulawulwa yilowo muzwa owushevu. (IzAga 14:30; 27:4) Kwake kwenzeka yini ukuba uzizwe unomona ngothile ngoba enakwa noma enikwa udumo obulufuna? Khumbula abafowabo bakaJosefa. Umona wabo wabangela ukuba benze izenzo ababeyozisola kakhulu ngazo. Isibonelo sabo sikhumbuza amaKristu ukuthi kuwukuhlakanipha ‘ukujabula nabantu abajabulayo.’—Roma 12:15.
Ngokuqinisekile uJosefa wayibona inzondo yabafowabo. Ingabe wayeyifihla ingubo yakhe enhle lapho ekanye nabafowabo? Kungenzeka walingeka ukuba ayifihle. Nokho, khumbula ukuthi uJakobe wayefuna ukuba le ngubo ibe uphawu lothando lwakhe ngaye. UJosefa wayengafuni ukudumaza uyise, ngakho wayeyigqoka ngokwethembeka le ngubo. Singazuza kakhulu esibonelweni sakhe. Nakuba uBaba wethu osezulwini engalokothi abandlulule, ngezinye izikhathi ukhetha ukuzithanda kakhulu izinceku zakhe ezithembekile. Ngaphezu kwalokho, uthi mazihluke kuleli zwe elonakele elinokuziphatha okubi. Njengengubo kaJosefa ekhethekile, ukuziphatha kwamaKristu eqiniso kuwenza ahluke kwabanye abantu. Ngezinye izikhathi ukuziphatha okunjalo kubangela umona nenzondo. (1 Petru 4:4) Ingabe umKristu kufanele afihle ukuthi uyisikhonzi sikaNkulunkulu? Cha—kunalokho uyolingisa uJosefa ongazange ayifihle ingubo yakhe.—Luka 11:33.
w14-ZU 8/1 13 ¶2-4
“Ngicela Nilalele Iphupho Engiliphuphile”
La maphupho ayevela kuJehova uNkulunkulu. Ayeyisiprofetho futhi uNkulunkulu wayefuna ukuba uJosefa adlulisele umyalezo owawukuwo. Ngomqondo othile, uJosefa kwakufanele alingise lokho okwenziwa abaprofethi abaphila ngemva kwakhe lapho besho imiyalezo nezahlulelo zikaNkulunkulu ezaziya kubantu baKhe ababengalaleli.
Ngobuhlakani uJosefa wathi kubafowabo: “Ngicela nilalele iphupho engiliphuphile.” Abafowabo baliqonda iphupho futhi abazange balithande. Baphendula bathi: “Ingabe ngokuqinisekile uzoba inkosi phezu kwethu?” Ukulandisa kuyaqhubeka: “Ngakho bathola isizathu esisha sokumzonda ngenxa yamaphupho akhe nangenxa yamazwi akhe.” Lapho uJosefa echazela uyise nabafowabo iphupho lesibili, basabela ngendlela efanayo. Siyafunda: “Uyise waqala ukumkhuza wathi kuye: ‘Lisho ukuthini leli phupho oliphuphile? Ingabe mina kanye nonyoko nabafowenu ngokuqinisekile sizokukhothamela emhlabathini?’” Nokho, uJakobe waqhubeka ecabanga ngalokhu. Ingabe uJehova wayekhuluma nalo mfana?—Genesise 37:6, 8, 10, 11.
UJosefa wayengeyona inceku yokuqala noma yokugcina uJehova ayitshela ukuba isho umyalezo oyisiprofetho owawungeke uthandwe owawungase uholele nasekushushisweni. UJesu wayengummemezeli omkhulu wemiyalezo enjalo futhi washo lokhu kubafundi bakhe: “Uma beye bashushisa mina, bayonishushisa nani.” (Johane 15:20) AmaKristu abo bonke ubudala angafunda lukhulu okholweni nasesibindini sikaJosefa osemusha.
it-1-E 678
U-Edomi
(U-Edomi) [Okubomvu], Ama-Edomi.
U-Esawu loJakhobe babengamaphahla futhi elinye ibizo lika-Esawu kwakungu-Edomi. (Gen 36:1) Wanikwa ibizo leli ngenxa yokuthengisa ubuzibulo ukuze athole indumba ezaziphekwe zaba bomvana. (Gen 25:30-34) IBhayibhili lithi langesikhathi u-Esawu ezalwa wayebomvu. (Gen 25:25) U-Esawu lesizukulwane sakhe bahlala endaweni eyayiyisibomvu.
it-1-E 561-562
Ukugciniswa
Ukuvuma kukamalusi ukuthi wayezakwelusa umhlambi, kwakusitsho ukuthi wayezagcina izifuyo lezo njalo azinakekele. Umnikazi wayengaqiniseka ukuthi izifuyo zakhe zazingasoze zilambe kumbe zintshontshwe, nxa lokho kwakungenzakala kwakuzamele umalusi abhadale. Lanxa kunjalo ngezinye izikhathi umalusi wayengehluleka ukuvikela umhlambi. Ngokwesibonelo, ngesinye isikhathi ezinye izifuyo zazidliwa zinyamazana zeganga futhi leli kwakungasocala likamalusi. Kwakumele umalusi atshengise umnikazi wezifuyo loba yibuphi ubufakazi obabuzatshengisa ukuthi isifuyo sakhe sasibulewe yinyamazana yeganga. Umnikazi wezifuyo wayengasoze abhadalise umalusi ezimeni ezinjalo.
Isimiso lesi sasisebenza lakwezinye izimo. Nxa umuntu wayegciniswa impahla wayesiba lomlandu omkhulu. Izibulo elingumfana kumbe ijaha elidala kwakumele ligcine njalo linakekele abanawalo. Lokhu kusinceda sizwisise ukuthi yindaba uRubheni wakhathazeka kakhulu lapho abanawakhe besithi bafuna ukubulala uJosefa. Nanku esikuthola kuGenesisi 37:18-30, “URubheni wathi: ‘Kasingacimi impilo yakhe.’ . . . ‘Lingachithi igazi. . . . lingambeki isandla.’ URubheni watsho lokhu ukuze amlamlele kubo abesembuyisela kuyise.” URubheni wabuyela emgodini ukuthi ayekhipha uJosefa kodwa kamtholanga. Lokhu kwamhlukuluza kakhulu waze wadabula “izigqoko zakhe ngokudabuka.” Wabuyela kubanawakhe wathi, “Umfana kasekho! Sengizakwenzanjani manje?” Wayekwazi ukuthi uyise wayengamethesa icala lokungagcini umnawakhe. Ukuze bangaphiwa umlandu, abanewabo bathatha ijazi likaJosefa baligxamuza egazini lembuzi basebeqambela uJakhobe amanga bathi uJosefa wayedliwe yinyamazana yeganga. Banika uJakhobe ijazi lelo, futhi ngemva kokulihlola wabona sibili ukuthi kwakulijazi likaJosefa. UJakhobe kazange anike uRubheni icala ngoba wakholwa sibisibili ukuthi uJosefa wayedliwe yinyamazana yeganga.—Gen 37:31-33.
MAY 11-17
“UJehova Waqhubeka EloJosefa”
w14-ZU 11/1 12 ¶4-5
“Ngingabenza Kanjani Lobu Bubi Obukhulu Kangaka?”
“UJosefa yena, wehliselwa eGibhithe, futhi uPotifari, isikhulu sikaFaro segceke, induna yemilindankosi, umGibhithe, wamthenga esandleni sabakwa-Ishmayeli ababemehlisele khona.” (Genesise 39:1) Ngalawo mazwi ambalwa, ukulandisa kweBhayibheli kusisiza sibone ngeso lengqondo ukuhlazeka kwale nsizwa njengoba yayisithengiswa okwesibili. Yayimane nje iyimpahla! Singase sicabange ngoJosefa elandela inkosi yakhe entsha, isikhulu segceke saseGibhithe, ezitaladini eziphithizelayo zedolobha elinoxhaxha lwezitolo njengoba belibangise ekhaya likaJosefa elisha.
Ekhaya! Le ndawo yayingafani nhlobo nendawo ayeyazi iyikhaya. Wayekhulele emndenini ofuduka njalo futhi owelusa imihlambi yawo yezimvu. Lapha, izicebi zaseGibhithe ezinjengoPotifari, zazihlala ezindlini zikanokusho ezipendwe ngemibala egqamile. Abavubukuli babika ukuthi abantu baseGibhithe lasendulo babethanda izingadi eziluhlaza ezibiyelwe ngezindonga ezinde, izihlahla zomthunzi kanye namachibi okwakutshalwa kuwo i-papyrus, intebe kanye nezinye izitshalo ezimila emanzini. Ezinye izindlu zazakhiwa ezingadini, zibe novulandi abanethunzi elimnandi, amafasitela aphakeme angenisa umoya opholile, amagumbi amaningi kuhlanganise negumbi elikhulu lokudlela namagumbi ezisebenzi.
w14-ZU 11/1 14-15
“Ngingabenza Kanjani Lobu Bubi Obukhulu Kangaka?”
Kuncane kakhulu esikwaziyo ngamajele aseGibhithe lasendulo. Abavubukuli baye bathola amanxiwa alawo majele—izakhiwo ezinkulu ezinezitokisi nemigodi. Kamuva uJosefa wachaza leyo ndawo ngegama elisho ukuthi ‘umgodi,’ elisikisela ukuthi kwakuyindawo emnyama eqeda ithemba. (Genesise 40:15) Encwadini yamaHubo sifunda ukuthi uJosefa waqhubeka ehlukunyezwa: “Izinyawo zakhe bazihlupha ngezibopho.” (IHubo 105:17, 18) Ngezinye izikhathi abaseGibhithe babebophela izingalo zeziboshwa ngemuva ngezinsimbi bahlanganise izindololwane zazo, ezinye zazigaxwa izinsimbi entanyeni. Yeka indlela okumelwe ukuba uJosefa wahlukumezeka ngayo—ebe engenzanga lutho!
Okubi nakakhulu ukuthi akahlalanga isikhashana ejele. Ukulandisa kuthi uJosefa “wahlala etilongweni.” Wahlala iminyaka eminingi kuleyo ndawo embi! UJosefa wayengazi ukuthi uyoke akhululwe. Lezo zinsuku zokuqala ezibuhlungu zaphenduka amasonto, amasonto aphenduka izinyanga. Kodwa yini eyamsiza ukuba angalahlekelwa ithemba?
Ukulandisa kusinikeza le mpendulo eduduzayo: “UJehova waba noJosefa futhi waqhubeka edlulisela kuye umusa wothando.” (Genesise 39:21) Akukho zindonga zasejele, izinsimbi noma imigodi emnyama okungavimba uthando lukaJehova oluqotho ukuba lufinyelele izinceku zakhe. (Roma 8:38, 39) Singase simbone ngeso lengqondo uJosefa ethululela usizi lwakhe kuYise wasezulwini amthandayo ngomthandazo, futhi ethola uhlobo lokuthula nokuzola okunikezwa ‘uNkulunkulu wenduduzo yonke’ kuphela. (2 Korinte 1:3, 4; Filipi 4:6, 7) UJehova waphinde wamenzelani uJosefa? Sifunda ukuthi waqhubeka enika uJosefa “umusa emehlweni esikhulu esiyinhloko setilongo.”
w14-ZU 11/1 15 ¶2
“Ngingabenza Kanjani Lobu Bubi Obukhulu Kangaka?”
Ukulandisa kusinikeza le mpendulo eduduzayo: “UJehova waba noJosefa futhi waqhubeka edlulisela kuye umusa wothando.” (Genesise 39:21) Akukho zindonga zasejele, izinsimbi noma imigodi emnyama okungavimba uthando lukaJehova oluqotho ukuba lufinyelele izinceku zakhe. (Roma 8:38, 39) Singase simbone ngeso lengqondo uJosefa ethululela usizi lwakhe kuYise wasezulwini amthandayo ngomthandazo, futhi ethola uhlobo lokuthula nokuzola okunikezwa ‘uNkulunkulu wenduduzo yonke’ kuphela. (2 Korinte 1:3, 4; Filipi 4:6, 7) UJehova waphinde wamenzelani uJosefa? Sifunda ukuthi waqhubeka enika uJosefa “umusa emehlweni esikhulu esiyinhloko setilongo.”
it-2-E 555
U-Onani
(U-Onani) [litsho ukuthi “amandla amakhulu”].
Indodana kaJuda yesibili ayizalelwa yindodakazi engumKhenani eyayithiwa nguShuwa. (Gen 38:2-4; 1Imi 2:3) U-Eri izibulo likaJuda wayengcolile emehlweni kaJehova, yikho uJehova wambulala njalo wafa engelamntwana. U-Onani watshelwa ukuthi angene uThamari umkamfowabo. Nxa babengaba lendodana, yayingasoze ibizwe ngokuthi lizibulo lika-Onani kodwa yayizakuba yindlalifa ka-Eri. Nxa ingasabanga khona, u-Onani wayezazithathela ilifa likamfowabo. Kwakusithi nxa u-Onani elala lomkamfowabo “achithele phansi inhlanyelo” ukuze angazaleli umfowabo abantwana. Ayisikho ukuthi u-Onani wayetshaya ibhonyaponya, ngoba iBhayibhili lithi wayechithela inhlanyelo emhlabathini “sonke isikhathi nxa angalala lomkamfowabo.” Okwenza uJehova wabulala u-Onani yikuthi wayeyisihwaba futhi kazange alalele umthetho wokungena umkamfowabo. Laye wafa engelamntwana.—Gen 38:6-10; 46:12; Nan 26:19.
w04-ZU 1/15 30 ¶4-5
Imibuzo Evela Kubafundi
UJuda wona ngoba akazange afeze isithembiso sakhe sokuba ashadise uThamari nendodana yakhe uShela. Wabuye walala nowesifazane ayecabanga ukuthi uyisifebe sasethempelini. Lokhu kwakuphambene nenjongo kaNkulunkulu, eyayiwukuba owesilisa alale kuphela nomuntu ashade naye. (Genesise 2:24) Nokho, empeleni uJuda akazange alale nesifebe. Kunalokho, engazi wathatha isikhundla sendodana yakhe uShela ngokungena uThamari futhi ngenxa yalokho wazala izingane ezingokomthetho.
Ngokuqondene noThamari, lokho akwenza kwakungekona ukuziphatha okubi. Amadodana akhe angamawele ayengabhekwa njengamadodana obufebe. Lapho uBhowazi waseBhetlehema engena uRuthe umMowabikazi, amadoda amadala aseBhetlehema akhuluma kahle ngendodana kaThamari uPherezi, ethi kuBhowazi: “Kwangathi indlu yakho ingaba njengendlu kaPherezi, lowo uThamari amzalela uJuda, ngenzalo uJehova azokunika yona ngale ntombazane.” (Ruthe 4:12) UPherezi futhi uyabalwa ohlwini lokhokho bakaJesu Kristu.—Mathewu 1:1-3; Luka 3:23-33.
MAY 18-24
“UJehova Ukhulula UJosefa”
w15-ZU 2/1 14 ¶4-5
“Izincazelo Akuzona Yini EzikaNkulunkulu?”
Kungenzeka umphathindebe wamkhohlwa uJosefa, kodwa uJehova yena akazange amkhohlwe. Ngobunye ubusuku, wenza uFaro waphupha amaphupho amabili angasoze awakhohlwa. Kwelokuqala, inkosi yabona izinkomo eziyisikhombisa ezinhle nezikhuluphele ziphuma eMfuleni iNayile, zilandelwa izinkomo eziyisikhombisa ezimbi nezizacile. Izinkomo ezizacile zadla ezikhuluphele. Kamuva, uFaro waphupha izikhwebu zokusanhlamvu eziyisikhombisa ezikhuluphele zihluma ohlangeni. Kodwa kwakhula ezinye ezizacile nezihangulwe umoya, zaqala ukugwinya izikhwebu zokusanhlamvu ezazikhuluphele. Ekuseni, uFaro wavuka ephazamiseke kakhulu ngenxa yala maphupho, ngakho wabiza wonke amadoda akhe ahlakaniphile nabapristi abenza imilingo ukuze bachaze la maphupho. Bonke bahluleka. (Genesise 41:1-8) Asazi ukuthi baphelelwa amazwi yini noma baqhamuka nemibono engavumelani. Kunoma ikuphi, uFaro wadumala—nokho wayefuna ngempela ukuthola incazelo yala maphupho ayindida.
Ekugcineni, umphathindebe wamkhumbula uJosefa! Washaywa unembeza, watshela uFaro ngensizwa ephawulekayo eyayisetilongweni eyachaza ngokunembile iphupho lakhe nelenduna yababhaki eminyakeni emibili edlule. Ngokushesha, uFaro wathumela ukuba kulandwe uJosefa etilongweni.—Genesise 41:9-13.
w15-ZU 2/1 14-15
“Izincazelo Akuzona Yini EzikaNkulunkulu?”
UJehova uyabathanda abantu abathobekile nabathembekile, ngakho akumangazi ukuthi wanika uJosefa incazelo eyayihlule amadoda ahlakaniphile nabapristi. UJosefa wachaza ukuthi amaphupho amabili kaFaro ayenencazelo efanayo. Ngokuwuphinda kabili lo myalezo, uJehova wayegcizelela ukuthi lento “imi iqinile”—izogcwaliseka ngempela. Izinkomo ezikhuluphele nezikhwebu zokusanhlamvu zaziyiminyaka eyisikhombisa yenala enkulu eGibhithe, kanti izinkomo ezizacile nezikhwebu zokusanhlamvu ezingenalutho zazimelela iminyaka eyisikhombisa yendlala. Leyo ndlala yayiyoqothula inala yezwe.—Genesise 41:25-32.
w15-ZU 2/1 15 ¶3
“Izincazelo Akuzona Yini EzikaNkulunkulu?”
UFaro wawagcina amazwi akhe. Ngokushesha uJosefa wagqokiswa izembatho zelineni elicolekile. UFaro wamnika umgexo wegolide, indandatho yophawu, inqola yodumo negunya eliphelele ezweni lonke lokwenza icebo lakhe lisebenze. (Genesise 41:42-44) Ngosuku nje uJosefa wayeka ukuba isiboshwa etilongweni wayiswa esigodlweni. Wavuka eyisiboshwa esingelutho, lashona esewumbusi, engowesibili ngokubukhulu embusweni kaFaro. Kuyacaca ngempela ukuthi ukholo lukaJosefa kuJehova uNkulunkulu lwalwamukeleka! UJehova wakubona konke ukungabi nabulungisa inceku yakhe eyabhekana nabo kuyo yonke leyo minyaka. Wakulungisa konke lokho ngesikhathi esifanele nangendlela efanele. UJehova wayengahlosile nje ukulungisa ububi obabenziwe kuJosefa kuphela kodwa wayefuna nokulondoloza isizwe sakwa-Israyeli esasizoba khona. Sizobona ukuthi kwenzeka kanjani lokho ezihlokweni ezilandelayo zalolu chungechunge.
w15-ZU 11/1 9 ¶1-3
Ingabe Bewazi?
Kungani uJosefa aphuca ngaphambi kokuya kuFaro?
Ngokulandisa kukaGenesise, uFaro wayala ukuba uJosefa, isiboshwa esingumHebheru, alethwe kuye ngokushesha ukuze azochaza amaphupho akhe ayemhlupha. Kwase kuphele iminyaka eminingi uJosefa eboshiwe. Nakuba uFaro ayala ukuba alandwe ngokushesha, uJosefa waqala ngokuphuca. (Genesise 39:20-23; 41:1, 14) Lo mniningwane obonakala ungabalulekile ovezwa umbhali, ubonisa ukuthi uJosefa wayejwayelene namasiko aseGibhithe.
Ukungashefi intshebe kwakuyinto evamile ezizweni eziningi zasendulo, kuhlanganise nesizwe samaHebheru. Ngokuphambene nalokho, i-McClintock and Strong’s Cyclopedia of Biblical, Theological, and Ecclesiastical Literature ithi “amaGibhithe asendulo ayewukuphela kwesizwe saseMpumalanga esenqaba ukuba netshebe.”
Ingabe kwakuyintshebe kuphela ephucwayo? Umagazini i-Biblical Archaeology Review uthi amanye amasiko aseGibhithe ayedinga ukuba umuntu azilungise ngaphambi kokuya kuFaro njengalapho ezilungisela ukuya ethempelini. Esimweni esinjalo, uJosefa kwakufanele aphuce zonke izinwele ezisekhanda nezisemzimbeni wakhe.
w09-ZU 11/15 28 ¶14
Ukubonisa Imikhuba Emihle Njengezikhonzi ZikaNkulunkulu
Ngezikhathi zeBhayibheli abazali abesaba uNkulunkulu babeqikelela ukuthi izingane zabo zifunda imikhuba emihle ekhaya. Qaphela indlela ebonisa inhlonipho u-Abrahama no-Isaka indodana yakhe ababexoxa ngayo kuGenesise 22:7. UJosefa naye wabonisa ukuthi wayeqeqeshwe kahle abazali bakhe. Lapho eboshiwe, wayezihlonipha ezinye iziboshwa. (Gen. 40:8, 14) Akusho kuFaro kubonisa ukuthi wayefundisiwe indlela efanele yokukhuluma nomuntu osesikhundleni esiphakeme.—Gen. 41:16, 33, 34.
MAY 25-31
“UJosefa Wazibamba”
w15-ZU 5/1 13 ¶5
“Ingabe Ngisesikhundleni SikaNkulunkulu?”
Kuthiwani ngoJosefa? Wababona ngaso leso sikhathi abafowabo! Ngaphezu kwalokho, lapho ebabona bekhothama phambi kwakhe, wavele wacabanga ngesikhathi esengumfanyana. Ukulandisa kusitshela ukuthi: “Ngokushesha uJosefa wakhumbula amaphupho” uJehova ayemenze wawaphupha ngesikhathi esengumfanyana, amaphupho ayebikezela isikhathi lapho abafowabo babeyokhothama khona phambi kwakhe—njengoba kwase kunjalo manje! (Genesise 37:2, 5-9; 42:7, 9) Yini uJosefa ayengayenza? Ingabe wayeyobamukela? Noma wayeyofuna ukuziphindiselela?
w15-ZU 5/1 14 ¶1
“Ingabe Ngisesikhundleni SikaNkulunkulu?”
Akuvamile ukuba sizithole sisesimweni esingavamile njengalesi. Nokho, umbango nokwahlukana emindenini kuyinto evamile ezweni namuhla. Lapho sibhekene nezinselele ezinjalo, kalula nje singase silandele inhliziyo yethu futhi senze ngokwemizwelo yethu engaphelele. Kuwukuhlakanipha ukulingisa uJosefa sizame ukuqonda indlela uNkulunkulu afuna sisingathe ngayo izinto. (IzAga 14:12) Khumbula, nakuba kubalulekile ukwenza ukuthula namalungu omndeni, ukuthula noJehova neNdodana yakhe kona kubaluleke ngisho nakakhulu.—Mathewu 10:37.
w15-ZU 5/1 14 ¶2
“Ingabe Ngisesikhundleni SikaNkulunkulu?”
UJosefa wavivinya abafowabo kaningana ngenjongo yokuba athole lokho ababeyikho ngempela enhliziyweni. Waqala ngokuthi akhulume nabo kabuhlungu, esebenzisa umhumushi, ebamangalela ngokuthi bayizinhloli. Bezama ukuzivikela, bamtshela ngomndeni wabo—baveza nento ebaluleke kakhulu ukuthi babenomfowabo omncane owayesele ekhaya. UJosefa wazama ukuyifihla injabulo yakhe. Ingabe umfowabo omncane wayesaphila ngempela? Manje uJosefa wakwazi lokho okwase kufanele akwenze. Wathi: “Nizovivinywa ngalokhu,” wabe esebatshela ukuthi wayefuna ukumbona lo mfowabo omncane. Ngokuhamba kwesikhathi wavuma ukubadedela, babuyele ekhaya bayolanda umfowabo omncane uma oyedwa wabo ayezovuma ukusala agcinwe eboshiwe.—Genesise 42:9-20.
it-2-E 108 ¶4
UJosefa
Abanewabo bakaJosefa bathi bebona izinto zonke lezi zisenzakala bacabanga ukuthi babejeziselwa ukuthengisa kwabo uJosefa ukuthi ayekuba yisigqili. Babelokhu bemi phambi kwakhe bezithonisisa bengananzeleli ngitsho lokuthi kwakunguye. UJosefa wathi esizwa indlela ababezisola ngayo, wathinteka kakhulu, wabatshiya wayakhala. Uthe esephenduka wathi kubotshwe uSimeyoni kuze kube yilapho abafowabo abazabuya khona lomnawabo.—Gen 42:21-24.
it-2-E 795
URubheni
URubheni wayelobuntu obuhle futhi lokhu kwakhanya ngesikhathi encenga abanawakhe ukuthi baphosele uJosefa emgodini owawusuwomile kulokuthi bambulale. URubheni wayehlose ukuthi ayemkhupha ngudlu kulowo mgodi abesembuyisela kuyise. (Gen 37:18-30) Kwasekudlule iminyaka engu-20 abanewabo bakaJosefa bemthengisele eGibhithe ukuthi ayekuba yisigqili. Ngesikhathi kuthiwa babelande ukuzohlola ilizwe leGibhithe bacabanga ukuthi basebejeziselwa ababekwenze kuJosefa. URubheni wabakhumbuza ukuthi wayebatshelile ukuthi batshiyane loJosefa. (Gen 42:9-14, 21, 22) UJakhobe wayesala ukuthi uBhenjamini ahambe labanewabo ngesikhathi bebuyela eGibhithe. Yikho uRubheni watshela uyise ukuthi amadodana akhe amabili abe yisibambiso. Wathi: “Ungawabulala womabili amadodana ami uma [uBhenjamini] ngingambuyisi kuwe.”—Gen 42:37.
w04-ZU 1/15 29 ¶1
Amaphuzu Avelele Encwadi KaGenesise—II
43:32—Kungani kwakuyinto enengekayo kumaGibhithe ukudla namaHebheru? Kungenzeka kakhulu ukuthi kwakungenxa yokubandlulula ngokwenkolo noma ukuqhosha ngohlanga. Nabelusi babeyinto enengekayo kwabaseGibhithe. (Genesise 46:34) Ngani? Kungenzeka ukuthi kwakungenxa yokuthi abelusi babephansi kakhulu ngokwesikhundla eGibhithe. Noma ukuthi njengoba yayilinganiselwe indawo yokulima, abaseGibhithe babebeya labo ababefuna amadlelo emfuyo yabo.