IMPILO YAMAKHRISTU
Beka UJehova Phambi Kwakho Kokuphela
Nxa umsebenzi ungatholakali lula, kungaba nzima ukuthi siqhubeke sifuna kuqala uMbuso kanye lokulunga kukaNkulunkulu. Singalingeka ukuthi samukele umsebenzi ozasiphambanisa ekukhonzeni uJehova kumbe ongavumelani lalokho okutshiwo liBhayibhili. Kodwa akumelanga sithandabuze ukuthi uJehova usekela “labo abanhliziyo zabo zizimisele kuye.” (2Imi 16:9) Akulalutho olungavimba uBaba wethu osithandayo ukuthi asincedise futhi asinike lokho esikudingayo. (Rom 8:32) Yikho nxa sisenza izinqumo eziphathelane lomsebenzi esikhetha ukuwenza kumele sithembe uJehova njalo siqakathekise ukumkhonza ukwedlula loba yini.—Hu 16:8.
BUKELANI IVIDIYO ETHI SEBENZELA UJEHOVA NGENHLIZIYO YONKE, BESELIPHENDULA IMIBUZO ELANDELAYO:
UJason walelani ukufunjathiswa?
UKholose 3:23 usebenza njani kithi?
Okuhle okwakusenziwa nguJason kwamnceda njani uThomas?
Izinqumo zakho lalokho okwenzayo akutshengise ukuthi ubeke uJehova phambi kwakho
UMathewu 6:22 usebenza njani kithi?