Lina Abasakhulayo, Tshelani Abazali Benu Konke Okusezinhliziyweni Zenu

Kungani kumele utshele abazali bakho okucabangayo? (Zag 23:26) Kumele ubatshele ngoba uJehova unike bona umlandu wokukunakekela lokukuqondisa. (Hu 127:3, 4) Phela kunzima ukuthi bakuncedise nxa ubafihlela indlela ozizwa ngayo lalokho okukukhathazayo. Kanti njalo ungaphuthelwa lulwazi abalalo ngempilo. Manje kubi yini ukungatsheli abazali bakho ezinye izinto ozicabangayo? Hatshi, kodwa kumele unanzelele ukuthi awubaqili ngokubafihlela lokho okumele bakwazi.—Zag 3:32.

Ungakhuluma njani labazali bakho? Zama ukudinga isikhathi esifaneleyo sokukhuluma labo. Nxa lokho kunzima ungabhalela omunye wabo incwadi umtshela okusenhliziyweni yakho. Kodwa kuthiwani nxa befuna ukuxoxa ngendaba ongakhululekanga ukuxoxa ngayo? Khumbula ukuthi bafuna ukukunceda sibili. Babone bengabangane bakho hatshi izitha zakho. Zama ukuxoxa labo ngoba lokhu kuzakunceda okwempilo yakho yonke kuze kube nini lanini!—Zag 4:10-12.

BUKELANI IVIDIYO ETHI OKWENZAKALA NGISAKHULA—NGINGAKHULUMA NJANI LABAZALI BAMI?, BESELIPHENDULA IMIBUZO ELANDELAYO:

• 

  U-Esther loPartik bananzelelani?

• 

  Ufundani kuJesu?

• 

  Abazali bakho batshengise njani ukuthi bayakuthanda?

• 

  Yiphi imibhalo engakunceda ukuthi ukhulume labazali bakho?