ISIFUNDO 25
Kungani UNkulunkulu Wadala Abantu?
IBhayibhili lithi ukuphila komuntu ‘kufitshane futhi kugcwele inhlupho.’ (UJobe 14:1) Kambe ukuthi le yiyo impilo uNkulunkulu ayefuna siyiphile? UNkulunkulu wayehloseni ngesikhathi edala abantu? Inhloso yakhe izagcwaliseka yini? Zwana ukuthi iBhayibhili lithini ngendaba le.
1. UJehova wayehloseni ngesikhathi edala abantu?
UJehova ufuna siyikholise impilo. Wadala abantu bokuqala u-Adamu lo-Eva wasebafaka epharadayisi elalisensimini ye-Edeni. “UNkulunkulu wababusisa wathi kubo: ‘Zalani lande, ligcwalise umhlaba liwubuse.’” (UGenesisi 1:28) UJehova wayefuna babe labantwana, benze umhlaba wonke ube lipharadayisi lokuthi banakekele izinyamazana. Inhloso yakhe yayingeyokuthi bonke abantu baphile beqine saka kuze kube nini lanini.
Lanxa sihlupheka khathesi,a inhloso kaNkulunkulu ngabantu ayitshintshanga. (U-Isaya 46:10, 11) Ulokhe efuna ukuthi abantu abamlalelayo bahlale emhlabeni kuze kube nini lanini bethokoza.—Bala iSambulo 21:3, 4
2. Singenzani ukuze sithokoze khathesi?
UJehova wasidala silesifiso sokumazi lesokumkhonza. (Bala uMathewu 5:3-6.) Ufuna sibe ngabangane bakhe, ‘sihambe kuzo zonke izindlela zakhe, simthande’ futhi simkhonze ‘ngenhliziyo yethu yonke.’ (UDutheronomi 10:12; IHubo 25:14) Singenza njalo sizathokoza lanxa kulezinto ezisihluphayo. Ukukhonza uJehova kuyasithokozisa ngoba siyabe siphila ngendlela ayifunayo.
GEBHA UJULE
Engxenyeni le uzabona indlela uJehova atshengisa ngayo ukuthi uyasithanda ngesikhathi edala umhlaba. Uzafunda lokuthi iBhayibhili lithi siphilelani.
3. UJehova ufuna siyikholise impilo
Bukelani IVIDIYO beselixoxa ngombuzo olandelayo.
UNkulunkulu wawudalelani umhlaba wethu omuhle kangaka?
Bala umTshumayeli 3:11 beselixoxa ngombuzo lo:
Ivesi le ithi uJehova uhloseni ngabantu?
4. Inhloso kaJehova ngabantu ayitshintshanga
Bala iHubo 37:11, 29 lo-Isaya 55:11 beselixoxa ngombuzo lo:
Sikwazi njani ukuthi inhloso kaJehova ngabantu ayitshintshanga?
Indlu ebinganakekelwa kuhle ingaphinda ilungiswe ibenhle. Abantu abanengi lamuhla bawuphatha kubi umhlaba kodwa uNkulunkulu uzawulungisa uphinde ubemuhle futhi uhlale abantu abamthandayo
5. Ukukhonza uJehova kwenza sithokoze
Nxa singabakwazi ukuthi siphilelani sizathokoza. Bukelani IVIDIYO beselixoxa ngombuzo olandelayo.
Ukwazi ukuthi uJehova wasidalelani kwamnceda njani uTerumi?
Bala umTshumayeli 12:13 beselixoxa ngombuzo lo:
Singatshengisa njani ukuthi siyambonga uJehova ngakho konke asenzele khona?
NXA OMUNYE ANGATHI: “Siphilelani?”
Ungamphendula usithini?
ISIFINQO
UJehova ufuna siphile emhlabeni sithokoza kuze kube nini lanini. Nxa singamkhonza ngenhliziyo yonke sizathokoza lanxa sihlangana lenhlupho.
Ufundeni?
UJehova wayehloseni ngo-Adamu lo-Eva?
Sikwazi njani ukuthi inhloso kaJehova ngabantu ayitshintshanga?
Ungenzani ukuze uthokoze empilweni?
THOLA OKUNENGI
Bala isihloko lesi ubone ubufakazi obutshengisa ukuthi isivande se-Edeni yindawo eyayikhona sibili.
“Isivande Se-Edeni Sasikhona Yini Kumbe Yinganekwane Nje?” (INqabayokulinda, January 1, 2011)
Bala isihloko lesi uzwe ukuthi kungani umhlaba ungasoze ubhujiswe.
“Umhlaba Uzabhujiswa Yini?” (Isihloko esikuwebhusayithi yethu)
Bala isihloko lesi uzwe ukuthi iBhayibhili lithi uNkulunkulu wasidalelani.
“UNkulunkulu Wasidalelani?” (Isihloko esikuwebhusayithi yethu)
Bukela ividiyo le ubone ukuthi kuyini okwakusilela kweyinye indoda eyayicabanga ukuthi ilakho konke empilweni.
a Esifundweni esilandelayo uzafunda ukuthi kungani sihlupheka.