IMPILO YAMAKHRISTU
Ungenzani Ukuze Ulikholwe Sibili IBhayibhili?
ILizwi likaNkulunkulu lilamandla okutshintsha impilo zabantu. (Heb 4:12) Kodwa ukuze lisikhokhele njalo lisiqondise futhi liseluleke kumele sikholwe ukuthi ‘lilizwi likaNkulunkulu’ sibili. (1The 2:13) Singenzani ukuze silikholwe sibili iBhayibhili?
Bala iBhayibhili nsuku zonke. Nxa ulibala dinga ubufakazi bokuthi uJehova nguye uMlobi walo. Ngokwesibonelo hlola amacebo asebhukwini leZaga ukuze ubone ukuthi alokhu esebenza lalamuhla.—Zag 13:20; 14:30.
Chwayisisa ngendaba ethile. Dinga ubufakazi obutshengisa ukuthi iBhayibhili liphefumulelwe. EBhukwini Lokuchwayisisa LaboFakazi BakaJehova yana esihlokweni esithi “IBhayibhili,” ubusudinga isihlokwana esithi “Liphefumulelwe NguNkulunkulu.” Kanti njalo ungaqiniseka ukuthi okuseBhayibhilini akutshintshanga nxa ungahlola iSengezo A3 ku-Nguqulo Yomhlaba Omutsha.
BUKELANI IVIDIYO ETHI KUYINI OKWENZA SIKHOLWE . . . OKUSELIZWINI LIKANKULUNKULU?, BESELIPHENDULA IMIBUZO ELANDELAYO:
Umduli owatholakala eKarnak e-Egypt utshengisa njani ukuthi okutshiwo liLizwi likaNkulunkulu kuliqiniso?
Sikwazi njani ukuthi okutshiwo liBhayibhili akutshintshanga?
IBhayibhili lilokhu likhona lamuhla. Lokhu kutshengisa njani ukuthi liLizwi likaNkulunkulu?—Bala u-Isaya 40:8