ISIFUNDO 15

Tshengisa Ukuthi Uyaqiniseka

1 Thesalonika 1:5

OKUMELE UKWENZE: Khuluma ngendlela etshengisa ukuthi uyakholwa ukuthi okutshoyo kuliqiniso njalo kuqakathekile.

Lungiselela okuzwayo. Lungiselela kanengi uze uzwisise ukuthi imicijo eqakathekileyo yiphi lokuthi amavesi ozawabala aveza njani ukuthi iliqiniso. Ungalandisi okunengi nxa uchasisa imicijo eqakathekileyo kodwa sebenzisa amazwi alula. Namathela kulokho okuzanceda abantu ozabafundisa. Thandaza ucele umoya ongcwele.

Phrakthiza inkulumo yakho ngokuzwakalayo ize ibe segazini. Lokho kuzakunceda ukuthi ufundise ngendlela emnandi futhi etshelelayo.
Sebenzisa amabala atshengisa ukuthi uyaqiniseka. Kulokuthi ubale okubhaliweyo, khuluma ngamazwi akho. Khetha amabala atshengisa ukuthi uyaqiniseka ngalokho okukhulumayo.
Khuluma ngendlela eveza ukuthi okutshoyo kuliqiniso futhi kusuka enhliziyweni. Sebenzisa ilizwi elizwakalayo. Bakhangele abantu okhuluma labo nxa lokho kungeke kubakhube.

Ukuqiniseka akutsho ukukhuluma amazwi ahlabayo kumbe ukubamba abanye ngamandla ukuthi bamukele okutshoyo. Lanxa ukwazi ukuthi okutshoyo kuliqiniso, khuluma labantu ngothando langenhlonipho.