Uhlelo Lokubala IBhayibhili

IBhayibhili lilenhlakanipho engcono kakhulu engasinceda empilweni. Ungahlala ulibala futhi ucabangisisa ngokubalayo njalo ukusebenzisa “uzaphumelela.” (UJoshuwa 1:8; iHubo 1:1-3) Uzamazi uNkulunkulu leNdodana yakhe uJesu futhi lokho kungenza uthole ukuphila okungapheliyo.—UJohane 17:3.

Kumele ubale amabhuku eBhayibhili ngokulandelana kwawo yini? Kukuwe. Uhlelo lolu lokubala iBhayibhili lukuncedisa ukuthi ulibale ngokulandelana kwamabhuku alo kumbe ukuthi ubale indaba ezihambelanayo. Ngokwesibonelo, ungakhetha izingxenye ezilandisa ngendlela uNkulunkulu aphatha ngayo ama-Israyeli. Ungabala lezingxenye ezikhuluma ngendlela ibandla lamaKhristu elaqalisa ngayo lelakhula ngayo. Nxa ungabala izahluko ezifakwe ehlelweni ilanga ngalinye, uzakwenelisa ukuliqeda iBhayibhili ngomnyaka.

Uhlelo lolu luzakunceda kungelani lokuthi ufuna ukulibala nsuku zonke kumbe ufuna ukulibala ukuze uliqede ngomnyaka loba nxa ufuna ukuqalisa ukulibala. Dawuniloda uhlelo lolu lokubala iBhayibhili ongaluprinta, uhle uqalise lamuhla ukulibala.