Kuyini Okuzakwenziwa NguMbuso KaNkulunkulu?

Impendulo yeBhayibhili

UMbuso kaNkulunkulu uzasusa bonke ohulumende abakhona ubusubusa emhlabeni wonke. (UDanyeli 2:44; ISambulo 16:14) Ngemva kwalokho . . .

• Uzasusa bonke abantu ababangela ukuhlupheka. “Izigangi zizasuswa elizweni.”—IZaga 2:22.

• Uzaqeda izimpi. ‘[UNkulunkulu] uzathulisa izimpi kuze kube semikhawulweni yomhlaba.’—IHubo 46:9.

• Uzakwenza kube lokuthula lokuvikeleka emhlabeni. “Umuntu wonke uzahlala ngaphansi kwesihlahla sakhe sevini langaphansi kwesihlahla somkhiwa, njalo kakho ozabenza besabe.”—UMikha 4:4.

• Uzantshintsha umhlaba ube lipharadayisi. “Inkangala lelizwe elomileyo kuzathokoza; inkangala izajabula iqhakaze.”—U-Isaya 35:1.

• Uzanika bonke abantu umsebenzi othokozisayo. “Abakhethiweyo bami bazakholisa umsebenzi wezandla zabo okwesikhathi eside. Kabayikusebenzela ize.”—U-Isaya 65:21-23.

• Uzaqeda ukugula. ‘Akulamuntu ozakuthi, “Mina ngiyagula.”’—U-Isaya 33:24.

• Uzaqeda ukuguga. “Bese inyama yakhe ivuselelwa njengeyomntwana; iyavuselelwa ibe njengezinsukwini zobutsha bakhe.”—UJobe 33:25.

• Uzavusa abafileyo. ‘Bonke abasemathuneni abo bazalizwa ilizwi [likaJesu] baphume.’—UJohane 5:28, 29.