UMBUZO 10
IBhayibhili lisithembisani ngekusasa?
“Abalungileyo bazakudla ilifa lomhlaba, bahlale kuwo kuze kube nini lanini.”
“Umhlaba umi kuze kube nini lanini.”
“Uzakuqeda ukufa kungasaphindi kube khona, iNkosi Enkulu uJehova izakwesula izinyembezi ebusweni babantu bonke.”
“Ngalesosikhathi amehlo eziphofu azavulwa, lendlebe zezacuthe zizavulwa. Ngalesosikhathi umuntu oyisigoga uzakweqa njengempala, lesimungulu sizamemeza ngentokozo. Amanzi azampompoza enkangala, lezifula zigeleze endaweni elugwadule.”
“Uzakwesula zonke izinyembezi emehlweni abo. Ukufa akusoze kuphinde kubekhona, loba ukulila loba ukukhala loba ubuhlungu ngeke kusabakhona. Izinto ebezisenzakala sezidlulile.”
“Bazakwakha izindlu bahlale kuzo, balime amasimu amagilebisi badle izithelo zawo. Abasoze bakhe besekuhlala omunye umuntu, kumbe balime kudle abanye abantu. Ngoba insuku zabantu bami zizakuba njengensuku zesihlahla, abakhethiweyo bami bazawukholisa kakhulu umsebenzi wezandla zabo.”