Izitha ZikaNkulunkulu Zingobani?

USathane uDeveli yisitha sikaNkulunkulu esikhulu. Uyisidalwa somoya esahlamuka kuJehova. USathane uqhubeka esilwa loNkulunkulu njalo uletha inkathazo ebantwini. USathane mubi. Ungumqambi wamanga njalo ungumbulali.​—UJohane 8:44.

Ezinye izidalwa zomoya zahlubuka kuNkulunkulu kanye loSathane. IBhayibhili lizibiza ngokuthi amadimoni. NjengoSathane, amadimoni ayizitha zikaNkulunkulu. Ayakuthanda ukulimaza abantu. (UMathewu 9:​32, 33; 12:​22) UJehova uzabhubhisa uSathane lamadimoni, bengaphindi babekhona futhi. Balesikhathi esifitshane esibasaleleyo sokuhlupha abantu.​—ISambulo 12:12.

Nxa ufuna ukuba ngumngane kaNkulunkulu kakumelanga wenze lokho okufunwa nguSathane. USathane lamadimoni akhe bayamzonda uJehova. Bayizitha zikaNkulunkulu njalo bafuna lawe ube yisitha sakhe. Kumelwe ukhethe ukuthi ufuna ukuthokozisa bani​—USathane kumbe uJehova. Nxa ufuna ukuphila okungapheliyo, kumele ukhethe ukwenza intando kaNkulunkulu. USathane ulendlela ezinengi zokuqila abantu. Abantu abanengi bayakhohliswa nguye.​—ISambulo 12:9.