‘Ngakhangela Izidalwa Eziphilayo’

Emathempelini lasezigodlweni zase-Asiriya leBhabhiloni kwakulezithombe ezinkulu. Izithombe lezo zazingezenkunzi ezilempiko lezezilwane ezilamakhanda abantu. Kumele ukuthi uHezekheli wayeke azibone izithombe lezo amangale. Ezinye zakhona zazingaba ngamamitha angu-6 ubude. Lanxa zazimangalisa kangako zazingaphili, kwakungamatshe nje abaziweyo.

Izidalwa ezabonwa nguHezekheli zazitshiyene lezithombe lezo ngoba zona ‘zaziphila.’ Lokhu kwammangalisa kakhulu uHezekheli yikho wasebenzisa amabala athi ‘izidalwa eziphilayo’ ka-10 esahlukweni sokuqala sebhuku lakhe. (Hez. 1:5-22) Embonweni wakhe uHezekheli wabona ukuthi izidalwa eziphilayo zazihamba kanyekanye futhi zazingaphansi kwesihlalo sobukhosi sikaNkulunkulu. Kufanele ukuthi lokho kwenza wananzelela ukuthi uJehova nguye oqondisa yonke indalo yakhe. Lalamuhla umbono lo wenza sibone ukuthi uJehova mkhulu futhi ulamandla amangalisayo lokuthi nguye obusa yonke indawo.—1 Imilan. 29:11.