Imitsho Eqakathekileyo Esebhukwini LikaHezekheli

“Ndodana Yomuntu”

AMABALA LA ATHOLAKALA IZIKHATHI EZEDLULA 90

UHezekheli ubizwa ngokuthi ‘yindodana yomuntu’ okwezikhathi ezedlula 90. (Hez. 2:1) Ngokumbiza ngalindlela uJehova umkhumbuza ukuthi lanxa emnike umsebenzi oqakatheke kakhulu, ulokhe engumuntu nje olesono. EmaVangelini uJesu laye ubizwa ngokuthi ‘yiNdodana yomuntu’ okwezikhathi ezingaba yi-80. Lokhu kutshengisa ukuthi wayengumuntu sibili hatshi ingilosi eyayitshintshe yaba lomzimba womuntu.—Mat. 8:20.

“. . . Lizakwazi Ukuthi Mina NginguJehova”

UMUTSHO LO UTHOLAKALA IZIKHATHI EZEDLULA 50

UHezekheli wabhala umutsho owakhulunywa nguNkulunkulu othi: “Lizakwazi ukuthi mina nginguJehova.” Umutsho lo ugcizelela ukuthi abantu bazavuma ngenkani ukuthi uJehova nguye yedwa iNkosi Enkulu futhi nguye okumele akhonzwe.—Hez. 6:7.

‘INkosi Enkulu UJehova’

AMABALA LA ATHOLAKALA IZIKHATHI EZEDLULA 217

Ukutholakala kwamabala athi ‘iNkosi Enkulu uJehova’ kwenza ibizo lakhe laziwe futhi kutshengisa ukuthi konke okudaliweyo kumele kuzithobe kuye.—Hez. 2:4.