IBHOKISI 18A
UJehova Uxwayisa Abantu Ngempi Enkulu Ezayo
IBhayibhili lileziphrofetho ezinengi ezixwayisa abantu ngempi enkulu lapho uJehova azabhubhisa khona bonke abamphikisayo futhi abazonda abantu bakhe. Nanzi ezinye zakhona. Nanzelela ukuthi iziphrofetho lezo zihambelana njani lokuthi uJehova unike bonke abantu ithuba lokuzwa izixwayiso lezo lelokuzikhethela ukuthi bayafuna yini ukumlalela.
NGESIKHATHI SAMA-ISRAYELI
UHEZEKHELI: “‘Ngizavusela uGogi impi kuzo zonke izintaba zami,’ kutsho iNkosi Enkulu uJehova.”—Hez. 38:18-23.
UJEREMIYA: “[UJehova] uzakwahlulela bonke abantu, abahlasele ngenkemba abenza okubi.”—Jer. 25:31-33.
UDANYELI: ‘UNkulunkulu osezulwini uzabeka umbuso ozayibhidliza yonke imibuso le uyiqede du.’—Dan. 2:44.
NGESIKHATHI SIKAJESU LABAPHOSTOLI
UJESU: “Kuzakuba lokuhlupheka okukhulu okungakaze kube khona kusukela ekuqaleni komhlaba.”—Mat. 24:21, 22.
UPHAWULI: ‘INkosi uJesu ilezingilosi zayo ezilamandla izaphindisela kulabo abangamaziyo uNkulunkulu.’—2 Thes. 1:6-9.
UPHETRO: ‘Usuku lukaJehova luzafika njengesela, umhlaba lemisebenzi ekuwo kuvezwe egcekeni.’—2 Phet. 3:10.
UJOHANE: “Emlonyeni [kaJesu] kuphuma inkemba ende ebukhali agalela ngayo izizwe.”—Isam. 19:11-18.
ESIKHATHINI SETHU
IBhayibhili lihunyutshwe ngendimi ezinengi ukwedlula wonke amabhuku futhi phose wonke umuntu ulalo
IZIKHONZI ZIKAJEHOVA LAMUHLA . . .
Sezihumutshe amabhuku asekelwe eBhayibhilini ngezindimi ezinengi futhi sezisakaze amabhuku angamabhiliyoni anceda abantu bazwisise iBhayibhili
Zitshumayela amahora amanengi kakhulu umnyaka ngamunye