ISIFUNDO 34
Singatshengisa Njani Ukuthi Siyamthanda UJehova?
Ukufunda iBhayibhili sekukwenze wamthanda kakhulu yini uNkulunkulu? Uyafisa yini ukuqhubeka usondela kuye? Nxa uJehova engabona ukuthi umthanda ngenhliziyo yonke, laye uzahlala ekuthanda. Pho ungatshengisa njani ukuthi uyamthanda uJehova?
1. Singamtshengisa njani uJehova ukuthi siyamthanda?
Sitshengisa ukuthi siyamthanda uJehova ngokumlalela. (Bala u-1 Johane 5:3.) UJehova kasibambi ngamandla ukuthi simlalele kodwa ufuna ngamunye wethu azikhethele ukuthi uzamlalela yini loba hatshi. Kungani engasibambi ngamandla? Ngoba ufuna ‘simlalele ngenhliziyo yonke.’ (KwabaseRoma 6:17, amabala angaphansi) Lokhu kutsho ukuthi uJehova ufuna simlalele ngoba simthanda. Ingxenye 3 lo-4 zebhuku leli zizakunceda ukuthi umthande uJehova ngokwenza okumthokozisayo langokubalekela izinto azizondayo.
2. Kuyini okungenza kube nzima ukutshengisa uJehova ukuthi siyamthanda?
“Zinengi inhlupho ezingehlela umuntu olungileyo.” (IHubo 34:19) Ezinye inhlupho zibangelwa yisono esilaso, ukuswela imali, ukungaphathwa kuhle loba obunye nje ubunzima. Nxa siphakathi kwenhlupho kungaba nzima ukwenza okuthokozisa uJehova. Phela kulula ukwenza okubi ikanti kungumqanso ukwenza okuhle. Kodwa nxa ungazimisela ukwenza okuthokozisa uJehova uyabe utshengisa ukuthi umthanda ukwedlula loba yini lokuthi uthembekile kuye. Ungenza njalo laye uzaqhubeka ethembekile kuwe futhi kasoze akutshiye.—Bala u-2 Samuyeli 22:26.
GEBHA UJULE
Engxenyeni le uzabona ukuthi kungani kuqakathekile ukulalela uJehova lokuthi yena uzakuncedisa njani ukuze uhlale uthembekile.
3. Indaba ehlanganisa lawe
IBhayibhili litshengisa ukuthi uSathane wasola uJobe labo bonke abantu abakhonza uJehova. Bala uJobe 1:1, 6–2:10 beselixoxa ngemibuzo le:
USathane wathi kuyini okwakusenza uJobe alalele uJehova?—Khangela uJobe 1:9-11.
USathane wabasola esithini abantu?—Khangela uJobe 2:4.
Bala uJobe 27:5b beselixoxa ngombuzo olandelayo:
UJobe watshengisa njani ukuthi wayemthanda kakhulu uJehova?
UJobe watshengisa ukuthi uyamthanda uJehova ngokuhlala ethembekile kuye
Sitshengisa ukuthi siyamthanda uJehova ngokuhlala sithembekile kuye
4. Thokozisa uJehova
Bala iZaga 27:11 beselixoxa ngemibuzo elandelayo:
UJehova uzwa njani nxa simlalela futhi sitshengisa ukuthi sihlakaniphile? Kungani kumthokozisa lokho?
5. Ungenelisa ukuhlala uthembekile kuJehova
Nxa simthanda uJehova sizatshela abanye ngaye. Ukuthembeka kwethu kuye kuyasinceda ukuthi sikwenze lokhu lanxa kungaba nzima ngezinye izikhathi. Bukelani IVIDIYO beselixoxa ngemibuzo elandelayo.
Kuyake kukuthwalise nzima yini ukutshela abanye abantu ngoJehova?
Kuyini okwanceda uDube ukuthi anqobe ukwesaba?
Ukuthanda lokho uJehova akuthandayo lokuzonda lokho akuzondayo kuzasinceda ukuthi sihlale sithembekile kuye. Bala iHubo 97:10 beselixoxa ngemibuzo le:
Ngokwalokho osukufundile ngoJehova, kuyini akuthandayo njalo kuyini akuzondayo?
Kuyini okumele ukwenze ukuze uthande okulungileyo njalo uzonde okubi?
6. Ukulalela uJehova kuyasinceda
Ukulalela uJehova kuyasinceda zikhathi zonke. Bala u-Isaya 48:17, 18 beselixoxa ngemibuzo elandelayo:
Ubona angani esikutshelwa nguJehova kuyasinceda yini? Kungani usitsho njalo?
Ukufunda okunengi ngoJehova uNkulunkulu weqiniso sekukuncede njani?
ABANYE BATHI: “UNkulunkulu kalandaba lesikwenzayo.”
Yiwuphi umbhalo ongawusebenzisa ukuze uncede umuntu otshonjalo abone ukuthi uJehova ulendaba lalokho esikwenzayo?
ISIFINQO
Sitshengisa ukuthi siyamthanda uJehova ngokumlalela langokuhlala sithembekile kuye nxa sihlangana lenhlupho.
Ufundeni?
Ufundeni kulokho okwenzakala kuJobe?
Uzatshengisa njani ukuthi uyamthanda uJehova?
Kuyini okuzakunceda ukuthi uhlale uthembekile kuJehova?
THOLA OKUNENGI
Bukela ividiyo le ubone ukuthi ungenzani ukuze ubeqotho kuJehova lakubafowethu labodadewethu.
Bala isihloko lesi uzwe ukuthi uSathane wabamangalela esithini abantu.
“UJobe Wahlala Eqotho” (IBhayibhili Likhuluma Ngani? ingxenye 6)
Bukela ividiyo le ukuze ubone ukuthi abantwana bangatshengisa njani ukuthi bayamthanda uJehova.
Bukela ividiyo le ubone ukuthi kuyini okunganceda abasakhulayo ukuthi bahlale beqotho kuJehova lanxa beyengwa ngabanye.