Umtshado
Ngubani owasungula umtshado?
UmKhristu kumele amkhethe ngaphi umuntu azatshada laye?
Kungani kungamelanga ukuthi umzali avumele umntanakhe obhabhathiziweyo atshade lomuntu ongazinikelanga kuJehova wabhabhathizwa?
Izibonelo eziseBhayibhilini:
Gen 24:1-4, 7—Lanxa u-Abrahama esekhulile uzimisele ukuncedisa indodana yakhe u-Isaka ukuthi ingathathi umfazi ongumKhenani kodwa ithathe umfazi okhonza uJehova
Gen 28:1-4—U-Isaka utshela indodana yakhe uJakhobe ukuthi ithathe umfazi ebantwini abakhonza uJehova, ingathathi umfazi esizweni samaKhenani
UJehova uthini ngalabo abatshada labantu abangamkhonziyo?
Izibonelo eziseBhayibhilini:
1Am 11:1-6, 9-11—UJehova uyayithukuthelela iNkosi uSolomoni ngesikhathi ikhetha ukungalaleli imithetho yakhe futhi ithatha abafazi bezinye izizwe abacina beyiphambanisa ekukhonzeni uNkulunkulu
Neh 13:23-27—UNehemiya umbusi wako-Israyeli uyathukuthela ngenxa yokuthi abanye abantu bako-Israyeli sebethethe abafazi abangamkhonziyo uJehova futhi uyabajezisa
Kungani kuqakathekile ukutshada lomuntu okhonza uJehova futhi owenza okuhle?
Khangela lo-Efe 5:28-31, 33
Izibonelo eziseBhayibhilini:
1Sa 25:2, 3, 14-17—U-Abhigeli owesifazana olungileyo uthwele nzima ngenxa yokuthi uthethwe nguNabhali indoda enothileyo kodwa elolaka futhi engelasiphatho
Zag 21:9—Nxa umuntu angehluleka ukukhetha kuhle umuntu azatshada laye kasoze abe lokuthula emzini wakhe
Rom 7:2—Umphostoli uPhawuli uchasisa ukuthi nxa owesifazana angatshada kumele azehlise kumkakhe, yikho owesifazana ohlakaniphileyo kumele akhethe kuhle umuntu azatshada laye
Ukulungiselela umtshado
Kungani kumele ijaha liqale libe leqiniso lokuthi liyenelisa ukondla imuli lingakacabangi ngokutshada?
Isibonelo esiseBhayibhilini:
Zag 24:27—Indoda kumele isebenze nzima ingakabi lomfazi labantwana ukuze yenelise ukondla imuli yayo
Kungani kumele abantu abathandanayo bacele amacebo kwabanye futhi bazimisele ukuqala bafundane, baqakathekise ubuntu ukwedlula ubuhle?
Izibonelo eziseBhayibhilini:
Rut 2:4-7, 10-12—UBhowazi ubona ukuthi uRuthe ngumuntu onjani ngokumkhangela ngesikhathi esebenza emasimini, langokudingisisa kwabanye abamaziyo. Uphinda ahlole lokuthi umthanda kangakanani uJehova lokuthi ubaphatha njani ahlala labo
Rut 2:8, 9, 20—URuthe uyananzelela ukuthi uBhowazi ulomusa, uyaphana futhi uyamthanda uJehova
Kungani uJehova efuna abantu abathandanayo baziphathe kuhle?
Izibonelo eziseBhayibhilini:
Zag 5:18, 19—Ezinye indlela zokutshengisana uthando kumele zenziwe ngabantu abatshadileyo kuphela
Ing 1:2; 2:6—UmShulamithi lejaha lakhe baziphatha kuhle, lokhu bakutshengisa ngamazwi abo langezenzo
Ing 4:12; 8:8-10—UmShulamithi uqhubeka eziphethe kuhle, uze afananiswe lengadi ekhiyiweyo
Kungani kumele abathandanayo batshade ngokusemthethweni?
Okumele kwenziwe yindoda
Kuyini okumele kwenziwe yindoda emulini?
Amadoda kumele alingisele bani nxa ekhokhela izimuli zawo?
Kungani kumele indoda ibe ngezwisisayo futhi imthande umkayo?
Izibonelo eziseBhayibhilini:
Gen 21:8-12—UJehova utshela u-Abrahama ukuthi alalele umkakhe uSara lanxa engavumelani lalokho akukhulumayo
Zag 31:10, 11, 16, 28—Indoda ehlakaniphileyo okukhulunywa ngayo emavesini la kayimsoli umkayo kodwa iyamthemba ngenhliziyo yonke futhi imdumise
Efe 5:33—Umphostoli uPhawuli uthi inkosikazi kumele ingakuphumputhi ukuthi umkayo uyayithanda
Okumele kwenziwe yinkosikazi
UJehova unike inkosikazi umsebenzi bani emulini?
Inkosikazi iphiwe umsebenzi ongelasithunzi yini?
Izibonelo eziseBhayibhilini:
Zag 1:8; 1Kr 7:4—UJehova unike amakhosikazi labomama umsebenzi oqakathekileyo emulini
1Kr 11:3—Umphostoli uPhawuli uchasisa ukuthi wonke umuntu okhonza uJehova ulenhloko
Heb 13:7, 17—Amadoda labesifazana kumele balalele abakhokhelayo ebandleni
Inkosikazi ethethwe ngumuntu ongakhonziyo ingenzani ukuze ithokozise uJehova?
Kungani kumele inkosikazi ihloniphe umkayo?
Izibonelo eziseBhayibhilini:
Gen 18:12; 1Pe 3:5, 6—USara umhlonipha kakhulu umkakhe u-Abrahama aze ambize ngokuthi ‘nkosi yami’
IBhayibhili lithi ngenjani inkosikazi ephiwa udumo?
Izibonelo eziseBhayibhilini:
Gen 24:62-67—URabheka ududuza umkakhe u-Isaka ngemva kokufelwa ngunina
1Sa 25:14-24, 32-38—U-Abhigeli uvikela umkakhe oyisiwula kanye lemuli yonke ngokucela uDavida ukuthi angabulali muntu
Est 4:6-17; 5:1-8; 7:1-6; 8:3-6—Indlovukazi u-Esta ifaka ukuphila kwayo engozini ngokuhamba enkosini ingabizwanga isiyacela inkosi ukuthi ivikele abantu bakaNkulunkulu
Ukulungisa inhlupho
Yiziphi izimiso ezinganceda indoda lomkayo nxa belenhlupho?
Yiziphi izimiso ezinganceda abatshadileyo ukuthi bangaqakathekisi kakhulu imali?
Luk 12:15; Flp 4:5; 1Thi 6:9, 10; Heb 13:5
Khangela lesihloko esithi “Imali”