ISIHLOKO ESISEKUQALISENI | USATHANE UKHONA YINI?
USathane Ukhona Yini?
A sculpture in Madrid, Spain, depicting Satan as a corrupt, fallen angel
“Ngakhulela e-El Salvador. Nxa ngangingalaleli umama wayejayele ukuthi, ‘UDeveli uzabuya azokuthatha!’ Ngangimphendula ngithi, ‘Kabuye!’ Ngangikholwa kuNkulunkulu, kodwa ngangingakholwa ukuthi uSathane ukhona.”—UROGELIO.
Uvumelana laye yini uRogelio? Phakathi kwemitsho le engaphansi, yiwuphi obona angani uliqiniso?
AkulaSathane; ububi bonke obukhona yibo uSathane.
USathane ukhona sibili, kodwa kalandaba labantu.
USathane yisidalwa somoya esilamandla njalo esenelisa ukwenza loba yini ebantwini.
Abantu abangaba ngamamiliyoni bakholwa ukuthi umutsho oliqiniso ngowakuqala, abanye bathi ngowesibili kanti njalo abanye bathi ngowesithathu. Kodwa kulendaba yini ukuthi okuliqiniso yikuphi? Nxa kuyikuthi akulaSathane, abathi ukhona bayabe belahleka. Kanti njalo nxa kuyikuthi ukhona kodwa engelandaba labantu, abanengi bayabe besesaba umnyama ongelampisi. Kodwa nxa uSathane eliqili elikhulu, kutsho ukuthi uyingozi eyesabekayo abantu abangayinanzeleliyo.
Ake sihlole ukuthi iMibhalo eNgcwele iyiphendula njani imibuzo le: Ungubani uSathane? Uyisidalwa somoya yini, kumbe ububi bonke nje obukhona yibo uSathane? Nxa ekhona sibili, angaba yingozi kuwe yini? Nxa eyingozi, ungazivikela njani?