UJesu “Wafunda Ukulalela”

UJesu wayehlala emlalela uYise. (Joh. 8:29) Manje yindaba iBhayibhili lisithi: “Wafunda ukulalela ngokudlula phakathi kwenhlupho”?—Heb. 5:8.

Impilo kaJesu elapha emhlabeni yayitshiyene kakhulu laleyo ayeyiphila ezulwini. Ngokwesibonelo, abazali bakhe babemthanda uJehova kodwa babelesono. (Luk. 2:51) Abakhokheli benkolo leziphathamandla babemthwalise nzima. (Mat. 26:59; Mak. 15:15) “Wazithoba walalela kwaze kwaba sekufeni,” ebulawa ngendlela elesihluku.—Flp. 2:8.

UJesu wayengakaze ahlangane lezinto zonke lezi ezulwini. Ubunzima bonke lobu adlula kubo benza asizwele. (Heb. 4:15; 5:9) UJesu waba ligugu kakhulu kuJehova ngoba wafunda ukulalela ngokudlula phakathi kobunzima. Nxa lathi singaqhubeka silalela uJehova kungelani lobunzima esihlangana labo sizaba ligugu kuye futhi uzaqhubeka esinika imisebenzi etshiyeneyo.—Jak. 1:4.