Mazwi Akangwara
21 Mwoyo wa mambo,
Wakaita inga kumwa inopopoma mu nyara ja Jehovha.
Iyena anouendesa kwaanoda.
2 Mundhu, anorangarira kuti makwanja ake ese akanaka,
Asi Jehovha, anopopora zviri mu mwoyo.*
3 Kuita zvakanaka no zvakarungama,
Zvinodakajisa maningi Jehovha kupinda mupiro.
4 Majiso anojikuja no mwoyo unozvitundhumaja,
Ndiwona ruvheneko unotungamirira vandhu vakashata.
Kuita izvi, kwakaezana no kuita cishaishi.
Asi mundhu wese anokasikira kuita zviro,
Anopejisira ngo kuita murombo.
6 Upfumi hunowanika ngo kuvereketa zvokunyepa,
Hwakaita inga mbhute inongara-ngara,
Ihwona ndihwona murau unouraisa.*
7 Ubhandidhu hwo vandhu vakashata, hunozovauraisa,
Ngokuti vanoramba kuita zvakanaka.
8 Gwanja ro mundhu ano ndava, rakapeyama,
Asi mabasa o mundhu wakacena, akarungama.
9 Zviri nane kugara panyezuru po cicungwe co nyumba,
Kupinda kugara pamuzi pamwepo no mukaji anonesa.*
10 Mundhu wakashata, anoemura zvakashata,
Iyena aaitiri unyasha mudoni wake.
11 Mushori paanosvuzvunuhwa,
Mundhu acina uzivi, anowana uzivi.
Mundhu ano uzivi paanowana ndhungamiriro, anowanavo uzivi.*
12 Mwari wakarurama, anosotesesa mbhuri yo mundhu wakashata.
Anoitazve kuti vakashata vaurawe.
14 Cipo cinopekejwa pakafisika, cinonyaraja ushungu,
Kufidhihwa pakafisika, kunopeja hasha.
15 Kutonga zvakanaka, kunodakajisa vandhu vanoita zvakanaka,
Asi kunonyangajisa vandhu vanoita zvakashata.
16 Mundhu anopauka mu gwanja ro uzivi,
Anozozorora pamwepo na vaya vacina simba, vari mu rufu.
17 Mundhu anodakarira maningi kutamba, anozova murombo,
Nee mundhu anodakarira maningi vhinyu no mafuta* aazovi mupfumi.
18 Mundhu wakashata,
Anoshanda inga muripo ku mundhu wakanaka,
Mucengeji, anozotambujika,
Asi mundhu wakagondeka aazotambujiki.
19 Zviri nane kugara musora,
Kupinda kugara no mukaji anonesa* kana acikanesi kunyangajwa.
20 Pamuzi po muzivi, pano upfumi hunosisira no mafuta,*
Asi benji, rinosveja zvese zvarinazvo.
21 Mundhu anoda kuvangisira pakuda kuita zvakanaka no kuda kuva no rudo hucikacinji,
Anozokwanisa kuita zviro zvakanaka no kuwana upenyu no kukujwa.
22 Muzivi, anganyisa dhorobha ro vandhu vano simba
Wophwanya-phwanya biravira rakavanga ravanothemba.
23 Mundhu anongwarira muromo wake no rurumi hwake,
Aatambujiki.
24 Mundhu anoita zviro ngo njira yo kuzvikuja,
Anozodanijwa kuti imundhu anojitundhumaja, anojitokotesa no kujikuja.
25 Zvinodiwa ngo mundhu ano umbhwa,* zvinozomuuraisa,
Ngokuti nyara jake jinoramba kubata basa.
26 Iyena anovirihwa ecindoemura basi,
Asi mundhu wakanaka, anopekeja ngo mwoyo wese.
27 Mupiro wo vandhu vakashata, unonyenywa.
Waro tingazotivo kudini kudari akaupira no cinangwa cakashata!*
28 Capupu cokunyepa, cinozofa.
Asi mundhu anokwanisa kuzwa,
Ucapupu* hwake unozobudirira ushoni.
29 Kumeso ko mundhu wakashata, akupseruki
Asi makwanja o mundhu wakanaka, anozobudirira.
30 Akuna uzivi, ungwaru nee mbhangiro,
Ingahwisana no zvinoda Jehovha.
31 Haci, yakanasiririhwa kuitira njiku yo hondo,
Asi ruponeso, unovha kuna Jehovha.