Deuteronômio

21 “Daut kain fai urer tijr eete wat jij dood fuune häwe. Duu kast dat fai urer tijr taum dai uutlandisch mësch wat in dijne stad wånt geewe urer forkööpe un hai kan dat eete. Weegen duu büst ain hailig folk tau Jehovaa dij God. “Dau ni dai klain seegebuk kåke ine melk fon sijn aigen mama. 22 Gans gewiss duu must tëgen porcent geewe fon ales wat dij såd, upe land, jërer jår ernte däit. 28 “In dai ën fon jërer drai jåre, must duu dai tëgen porcent bringe fon ales wat’s duu in dem jår ernt häst un dat in juuch stad weglege. 29 Den, dai levita wat ni ain naig hät un uk ni wat ärbe däit mit dij t’hoop, dai uutlandisch mësch, dai waisenkind un dai witfruug wat in dijne stad sin, daue kåme un eete bet sat sin, dat Jehovaa dij God dij seegne däit in ales wat’s duu måke däist.