Atos

23 Paulo däir nip nå dem Sinédrio kijke un säär: “Kërls, bruirers, bet hüüt hen häw ik mij weese foir God mit gans rëgen gedanke.” 2 Dårweegen Ananias, dai höögstpraister, hät sägt tau dai wat näig bij Paulo stüüne schule em int gesicht slåe. 3 Paulo hät dun tau em sägt: “God däit dij slåe, falsch kërl. Duu däist dij hensete taum mij gerichte nå dai Lei un up der neemlig tijd lötst duu dai Lei besijd un däist säge dai schåle mij slåe?” 4 Dai wat dår wäire häwe sägt: “Däist duu God sijne oiwerst praister uutschimpe?” 5 Paulo hät antwoordet: “Bruirers, ik däir ni waite dat hai dai oiwerst praister wäir. Weegen stäit sreewe: ‘Daut ni slecht reere oiwer aim wat macht hät oiwer dij folk.’”