Isaías

6 Up dëse barg, Jehovaa, Her fone ängels wart ain fest måke tau dai folker, ain fest mit sër gaure eeten, ain fest mit sër gaure wijn, mit sër gaure eeten, ful maark, mit faine wijn wat doirsijcht woore sin. 7 Up dëse barg hai däit dai slaier uutrote wat al folk üm sich hät, dat wat al folk bedekt. 8 Hai däit der dood up ümer uutrote, un dai Alehöögst Her Jehovaa däit dai tråne fon al dai gesichte afwische. Hai däit ruutermåke fon dai ganse ër der schåm fon sijn folk, weegen dai aigen Jehovaa hät dit sägt. 9 In dai dag wart sägt: “Kijkt! Dës is oos God! Wij forlåte oos up em un hai däit oos rere. Dës is Jehovaa! Wij hofe up em. Weegen em sij reren daue wij oos frööge un juuche.”