Êxodo

5 Åwer, wen dai eskrav wijrer säge däit: ‘Ik dau mijn her, mijn fruug un mijn kiner lijbe; ik wil ni fraimåkt ware’ 6 em sij her däit em foir der wår God henbringe. Den hai däit em dicht bij dai doir urer dai doirstijl henbringe, den em sij her däit em oore mit ain leerernådel steeke, un hai wart em eskrav doir em gans leewend lang sin. 14 Wen air kërl sër wüütend wart mit dai anerd un em doodmåke däit mit wiles, dës kërl mut uk doodmåkt ware, lijkerst wen’s duu em fon mijn altaar wegneeme must. 20 Wen air kërl sijn eskrav urer sijne eskrav mit air stük huld slåe däit ån dai eskrav dooblijwe dårweegen, dai her mut stråwt ware. 22 “Wen sich twai kërls strijre un daue ain fruug stööte wat air kind luure däit, un wen dat kind uutetijd geboore wart, åwer wen ain unglük ni passijre däit, dai wat dat schuld hät, mut air loon betåle soo as der fruug eer kërl forlange däit, hai däit dat betåle doir dai juijs. 23 Åwer, wen ain unglük passijre däit, wart leewend for leewend geewt, 24 wen air der andrer slåe däit un däit dem oog wat schåre, urer breekt ain tään ruuter urer breekt der hand urer faut dat neemlig mut mit dem måkt ware, 25 wen air aine forbreene däit urer wen air aine stööte urer slåe däit, mut dat neemlig mit dem måkt ware. 26 “Wen air kërl sij eskrav urer sijne eskrav sijn oogen stööte däit un dai eskrav däit sijn oogen forspeele, hai mut dai eskrav fraimåke dårweegen. 27 Un, wen hai breekt ain tään ruuter fon sij eskrav urer fon sijne eskrav, hai mut dai eskrav fraimåke dårweegen. 28 ”Wen air bule air kërl urer fruug stööte däit un dai mësch doodblijwe däit, dai bule wart doodsmeete mit stair un den ni em sijr flaisch dört geete ware. 29 Åwer wen dai bule, al ümer stööte däit, un dai wat dai hööre däit is dat al sägt woore, åwer wen hai ni der afspuune däit, un dai bule mökt aine kërl urer ain fruug dood, dai bule mut doodsmeete ware mit stair, un dai wat dai hööre däit mut uk doodmåkt ware. 30 Wen dai kërl wat dai bule hööre däit ain prais betåle mut taum ni doodmåkt ware, den hai mut dai prais betåle wat forlangt woore is taum sij leewend rere. 31 Wen dai bule air jong urer ain määke stööte däit, mut mit dai wat dai bule hööre däit der selwig lei passijre. 32 Wen dai bule air eskrav urer aine eskrav stööte däit, dai wat dai bule hööre däit mut draisig silven klapersgild betåle tau dai eskrav sij her, un dai bule mut dood smeete ware mit stair.