Levítico

26 “‘Daut ni tau juuch godes måke, wat kaine wërd häwe, daut uk kain gemåkt dail un hailig post måke un daut uk kain stair wat gemåkt woore is in dijn land henstele taum sich foir dai ruunerbööge, weegen ik bün Jehovaa, juuch God. 2 Jij muite mijn sunåwends hule un groot ëren häwe oiwer mijn hüt. Ik bün Jehovaa. 3 “ ‘Wen jij bijblijwe daue mijn leis un mijn geboote horge un dårnå leewe daue, 4 ik dau juuch dat reegen in dai richtig tijd geewe. Jij daue fon dat land ernte un dai bööm in dat land daue sijn frucht dråge. 5 Dai tijd woo jij dai köörn uutklåpe daue wart sin bet dai tijd wat jij dai wijn afplüke daue. Un dai tijd wat jij dai wijn afplüke daue wart sin bet dai tijd woo jij dai såd strööge daue. Jij daue juuch brood eete bet sat blijwe un daue in juuch land wåne ån angst häwe fon gefärlig daile. 6 Ik dau freere nå dat land bringe un jij daue sich henlege un kair däit juuch beängste un ik dau dai wild tijre fon dat land ruuterbringe un kair faind däit sich oiwer heer måke gëgen juuch mit espadas. 7 Jij daue hijner juuch fainde gåe un eer mit espadas doodmåke. 8 Fijw fon juuch daue hijner huunerd fon eer gåe un huunerd fon juuch daue hijner tëgen duusend fon eer gåe un jij daue juuch fainde mit espadas doodmåke. 9 “ ‘Ik dau wijse dat jij mij gefale daue un ik dau måke dat jij feel kiner häwe, jij ware feel sin, un ik dau mijn akord mit juuch hule. 10 Solang as jij nog eete daue dat wat jij anerd jår ernt häwe, daue jij dat ruuterbringe taum stel häwe taum dai nijg ernten. 11 Ik dau mijn hüt mank juuch hendaue un ik dau juuch ni forstööte. 12 Ik war mank juuch sin un war juuch God sin un jij ware mijn folk sin. 13 Ik bün Jehovaa, juuch God, wat juuch fon dat land fon Egito ruuterbröcht hät dat jij ni mër em sijn eskravos wäire. Ik häw juuch jük kaputbråke un ik häw måkt dat jij juuch kop grår hule däire. 16 ik dau dit måke taum juuch stråwe: ik dau oiwer juuch nood, tuberkulose un hoog fewer bringe, wat dijne oogen swak låte daue un dij forkwijne däit. Jij daue juuch såd unnüte strööge, weegen juuch fainde daue dat eete.