Números

25 As Israel folk in Sitim wåne däir, häwe sai anfånge huurerig mit dai fruuges fon Moabe bedrijwe. 2 Dai fruuges däire dat folk nööge daile anbaire tau een godes, un dat folk hät anfånge eete un sich foir dës godes ruunerbööge. 3 Soo häwe dai israeliten anfånge Baal fon Peor anbeere, un Jehovaa is wüütend mit Israel bleewe. 4 Jehovaa hät tau Moisés sägt: “Dau ale dai wat dës folk lenke neeme, dau eer doodmåke un dau eer ine dag oiwer foir Jehovaa anhänge. Dat Jehovaa ni mër wüütend mit Israel wart.” 5 Moisés hät den tau dai juízes fon Israel sägt: “Jërer ainsig fon juuch mut dai kërls doodmåke wat anfånge häwe Baal fon Peor anbeere.” 6 Åwer, in der stuun is ain israelit mit ain midianita kåme un hai däir eer henbringe woo sijn bruirers wäire, foir Moisés un dat gans folk sijn oogen, solang as sai hüüle däire foir dai doir fon dai forsamlung hüt. 7 As Fineias, Eleazar sijn jong, dai praister Arão sijn jong, dit saie hät, hät ain spijs nåme. 8 Un hai is in dai hüt rinergåe hijner dai israelit un hät dai bëd doodsteeke, hät kërl un fruug doodsteeke, dai fruug hät hai doodsteeke doir eer lijf. Dårmit hät dai stråfen oiwer dai israeliten anhule. 9 24.000 sin weegen dem stråfen doodbleewe. 10 Jehovaa hät dun tau Moisés sägt: 11 “Fineias, Eleazar sijn jong, dai praister Arão sijn jong, hät mij wuut oiwer Israel folk wegnåme, weegen hai hät ni annåme ain wat ni rëal an mij wäir mank eer. Dårweegen häw ik ni dai israeliten uutrot weegen ik wul dat sai bloos mij anbeere schule.