Números

6 Ik selwst häw dijn bruirers, dai levitas uutsuikt mank dai israeliten soo as ain geschenk tau juuch. Sai sin taum Jehovaa geewt woore taum dai arbëd in dai forsamlung hüt uppasse. 7 Duu un dijn kiner häwe dai amt oiwersich for dat gans arbëd wat dai praister måke muite, wat besägen hät mit dai altar un mit dat wat hijner dai gardijn is, un jij muite dës arbëd måke. Ik häw juuch dës arbëd tau praisters sin geewt soo as ain geschenk un irgends air mësch wat ni recht hät un wat dicht ranerkåme däit mut doodmåkt ware.” 19 Ales wat dai israeliten Jehovaa anbaire daue, geew ik tau dij, tau dijn jonges un tau dijn määkes, jij daue recht dår an häwe up ümer. Is ain suld akord, wat up ümer is, mank Jehovaa un dai wat fon dij afstame daue.” 20 Jehovaa hät Arão sägt: “Duu warst ni dai land fon dai israeliten ärbe un kair stük land mank eer wart dijn sin. Ik bün juuch naig un juuch ärbschaft mank dai israeliten. 21 “Ik dau Levi sijn kiner dai tëgen porcent fon Israel geewe soo as ärbschaft, weegen dai arbëd wat sai måke, dai arbëd in dai forsamlung hüt. 22 Israel folk kan ni mër dicht kåme an dai forsamlung hüt süste daue sai süün måke un daue doodblijwe. 23 Dai aigen levitas muite dai arbëd in dai forsamlung hüt måke, un sai daue antwoore oiwer dai forkërd daile wat måkt woore sin. Dit is ain geboot up ümer taum ale wat fon juuch afstame: Sai döre kain ärbschaft krijge mank dai israeliten. 24 Weegen ik geew dai levitas soo as ärbschaft dai tëgen porcent wat Israel folk taum Jehovaa geewe däit. Dårweegen häw ik eer sägt: ‘Sai döre kain ärbschaft krijge mank dai israeliten.’” 25 Jehovaa hät dun Moisés sägt: 26 “Duu must dai levitas säge: ‘Jij krijge dai tëgen porcent fon dai israeliten wat ik juuch geewe dau soo as ärbschaft, un jij muite dai tëgen porcent fon dës tëgen porcent tau Jehovaa geewe. 27 Un dit wart soo sin as dat wat’s duu geewe däist, soo as wen dai köörn fon dijn plats wäire urer dai wijn un ööl wat’s duu pert häst. 28 Soo daue jij uk wat tau Jehovaa geewe fon al dai tëgen porcent wat jij fon dai israeliten krijge daue. Un fon dës tëgen porcent muite jij dai praister Arão geewe dat wat tau Jehovaa hööre däit. 29 Jij daue al sort daile tau Jehovaa geewe soo as wat hailig, dat best fon al geschenke wat jij krijge daue.’