Mateus

15 As dai oiwerste praisters un dai sriwtlërers dai faine daile saie häwe wat hai måke däir un dat dai jonges im godeshuus hoog raupe däire: “David sij Kind, wij bire dat’s duu oos rere däist!”, dun sin sai wüütend woore 16 un dun häwe sai sägt: “Höörst duu wat dai säge daue?” Jësus hät tau eer sägt: “Jå. Häwe jij nog nij ais leest: ‘Uutm mund fon kiner un fon klain kiner häst duu måkt dat låwen ruuterkaim’?” 19 (...) “Ni mër drögst duu fijge.” Un dai fijgeboom is mit ais fordröögt. 20 As dai jüngers dit saie häwe, häwe sai sich wuunret un häwe sägt: “Wosoo is dai fijgeboom mit ais fordröögt?” 21 Jësus hät eer antwoort: “Ik sägt juuch dai wårhët: Wen jij gloobe häwe un kaine twijbel, jij daue ni bloos måke wat ik måkt häw tau dësem fijgeboom, åwer sogår wen jij tau dësem barg säge: ‘Ståe up un smijt dij ine meer’, dat däit passijre. 22 Un ales wat jij forlange doir beeren, mit gloobe, daue jij krijge.”