Isaías
11 Åwer jij sin mank dai wat Jehovaa im stig låte, wat mijne hailig barg forgeete, wat up disch wat dråge taum dai god fone gaur glück un wat dai glääs ful måke daue mit wijn woo wat mank måkt woore is taum dai god wat dai daile tausägt. 12 Dårweegen ik dau juuch uutrote mite espada, un jij daue juuch ale runnerbööge taum doodmåkt ware, weegen ik häw juuch raupe, åwer jij häwe ni antwoort, ik häw sägt, åwer jij häwe ni horgt. Jij sin bijbleewe slechte daile måke foir mijn oogen, un jij häwe uutsöcht wat mij ni anståe däit.” 13 Dårweegen, soo sägt dai Almächtig Her Jehovaa, Kijkt! Mijn dijners daue eete, åwer jij dau hungre. Mijn dijners daue drinke, åwer jij daue dörstre. Mijn dijners sin lustig, åwer jij daue juuch schääme. 14 Mijn dijners daue juuche mit lustigkët weegen sai daue sich gaud forneeme im härts. Åwer jij daue srijge weegen dai waidåg fom härts. Un jij ware brüle weegen juuch forbråken härts. 16 Soo jërer dai upe ër wat air seegen tau sich selwst suike däit, wart dai God fone wårhët seegne, 17 Sait den, ik dau nijge himels un ain nijg ër måke. Dai airste daile ware forgeete sin, un kåme ni mër ine härts. 18 Dårweegen fröögt un juucht up ümer oiwer dat wat ik måke dau. Den, sait! Ik måk Jerusalém taum fruir bringe un dat folk dår taum lust bringe. 19 Ik dau mij frööge weegen Jerusalém un dau juuche weegen mijn folk. Dår wart ni mër dat hüülen höört un dat srijgen weeg’te angst.” 20 “Dår wart kair klairkind mër sin wat bloos pår dåg leewe däit, un kair uld mësch wart wënig jår leewe. Weegen wen air mit huunerd jår doodblijwt, wart nog jong sin. Un lijkerst dat air mit huunerd jår süün mökt, wart stråft. 21 Dai daue hüüser buuge un daue dår in wåne. Daue wijn plante un daue dårfon eete. 22 Daue ni buuge taum andrer in wånen, daue uk ni plante taum andrer eeten. Weegen mijn folk sijn dåg ware soo sin as aim boom sijn dåg. Un mijn uutgesöchte daue gaud benutse der arbëd wat sai måke mit sijne häin. 23 Daue ni unnüte arbëre, daue uk kain kiner häwe taum nood doirseten, weegen sai un eer kiner sin dai wat fon Jehovaa seegent ware. 24 Airer dat sai raupe, dau ik eer antwoore; wen sai nog fortele, dau ik eer al hööre. 25 Dai wijldhund un dai klair schåp ware t’hoop freete upe wër. Dai lööw wart stroo freete t’hoop mit dem bule, un dai slang wart stof freete. Wart kair schåren mër måkt, un ni mër wart wat slechtes anricht up mijm hailige barg,” sägt Jehovaa.