Filipenses

4 Bliwt ümer lustig im Her. Ik säg werer: Bliwt lustig! 5 Dat ale waite schåle dat jij gaud un ni tau streng sin. Dai Her kümt bald. 6 Daut ni unruig ware weegen irgends air dail, åwer in ales, doir beeren un biren, t’hoop mit danken, måkt tau God bekand ales wat jij wile, 7 un dai freere fon God, wat oiwer al forståen is, wart juuch härts un gedanke forwåre doir Jësus Kristus. 8 Tau lätst bruirers un swesters, ales wat wår is, ales wat taum kopbreeken is, ales wat gerecht is, ales wat rëgen is, ales wat lijblig is, ales woo gaud oiwer fortelt wart, ales wat fornünftig is un ales wat låwen wërd is, daut bijblijwe an dës daile denke. 9 Måkt dai daile wat jij lërt un annåme häwe, un uk wat jij höört un saie häwe fon mij, un dai God fon freere wart bij juuch sin. 11 Ik dau ni dit säge dat ik wat bruuke dau, weegen ik häw lërt mij frööge mit irgends air dail. 12 Ik wait leewe mit wënig un mit feel. In ales un in ale daile ik häw lërt oiwer wosoo as sart sin urer hunger doirsete, oiwer feel häwe urer nischt häwe. 13 Tau ales bün ik stark doir dem wat mij kraft giwt. 19 Un mijn God, fon sijn groot rijkhëte, däit juuch geewe ales wat jij bruuke doir Jësus Kristus.