Salmo

37 Dau dij ni argre weegen dai slechte lüür un häw kain grootoogen oiwer dai wat slechte daile måke. 3 Forlåt dij up Jehovaa un måk wat gaud is; Wån upe ër un wäs reäl. 4 Fijn dai gans lustigkët an Jehovaa, un hai giwt dij dat wünschen fon dijn härts. 5 Låt dijn leewend up Jehovaa sijn hand. Forlåt dij up em un hai däit wat måke taum dij mithelpe. 7 Blijw stil foir Jehovaa un luur up em mit geduld. Dau dij ni argre weegen dem mësch wat måkt krijgt dai slechte daile wat hai uutdacht hät. 8 Låt der wuut besijd un dau dij ni mër argre. Dau dij ni wüütre un gåe ni tröög taum slechte daile måke. 9 Weegen dai slechte ware uutrot, åwer dai wat up Jehovaa luure, daue dai ër besite. 10 Bloos nog air klair bits, un dai slechte ware ni mër sin, duu däist kijke woo sai wäire, un sai ware dår ni sin. 11 Åwer dai Ër wart der fråme hööre un sai häwe den groot fruir in sër feel freere. 22 Dai ër höört der wat Hai seegne däit, Åwer dai wat Hai stråwe däit ware uutrot. 25 Bün jong wääst un nuu bün ik uld, åwer ik häw nog nij ais saie air gerecht wat ümstig låte woore is. Nå ni måls sijn kiner brood suike. 28 Weegen dai gerechtigkët gefült Jehovaa sër un hai däit dai ni forlåte wat reäl tau em sin. Dai sin ümer behüütet, åwer dai wat fon dai slechte kåme ware uutrot. 29 Dai Ër wart der gerechte hööre un sai daue ümer up dai leewe. 34 Dau up Jehovaa luure un gåe em sijne weeg nå, un hai däit dij hoogmåke taum dai ër besite. Wen dai slechte uutrot ware, duu däist dat saie.